ಮರಿಯಮ್ಮನಹಳ್ಳಿಯಲ್ಲಿ 21ರಿಂದ ಮೂರು ದಿನ ನಾಣಿಕೇರಿ ಉತ್ಸವ

ಮರಿಯಮ್ಮನಹಳ್ಳಿ: ಇಲ್ಲಿನ ನಾಣಿಕೇರಿ ಯುವ ಸೇವಾ ಟ್ರಸ್ಟ್‌ನ 2ನೇ ವರ್ಷದ ನಾಣಿಕೇರಿ ಉತ್ಸವ ಸ್ಥಳೀಯ ಮಾದರಿ ಶಾಲಾ ಆವರಣದಲ್ಲಿ ನ. 21, 22 ಮತ್ತು 23 ರಂದು ಮೂರು ದಿನಗಳ ಕಲೋತ್ಸವ ಹಾಗೂ ವಿವಿಧ ಸಾಂಸ್ಕೃತಿಕ ಕಲಾ ತಂಡಗಳ ಮೆರವಣಿಗೆ ನಡೆಯಲಿದೆ ಎಂದು ನಾಣಿಕೇರಿ ಯುವ ಸೇವಾ ಟ್ರಸ್ಟ್‌ನ ಅಧ್ಯಕ್ಷ ಎ. ರಹೆಮಾನ್‌ ತಿಳಿಸಿದರು.ಇಲ್ಲಿನ ಶಾಲಾ ಆವರಣದಲ್ಲಿ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.

ವಿಶೇಷ ಆಹ್ವಾನಿತರಾಗಿ ಸಂಸದ ಈ.ತುಕಾರಾಂ, ಶಾಸಕ ಕೆ. ನೇಮರಾಜ್‌ ನಾಯ್ಕ, ಮಾಜಿ ಶಾಸಕ ಎಸ್‌. ಭೀಮಾನಾಯ್ಕ, ಜಿಲ್ಲಾಧಿಕಾರಿ ಕವಿತಾ ಎಸ್‌. ಮನ್ನಿಕೇರಿ, ಪಪಂ ಅಧ್ಯಕ್ಷ ಆದಿಮನಿ ಹುಸೇನ್‌ ಬಾಷಾ, ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿಯ ವಿಜಯನಗರ ಜಿಲ್ಲಾಧ್ಯಕ್ಷ ಕುರಿ ಶಿವಮೂರ್ತಿ, ಸಮಾಜ ಸೇವಕರಾದ ಶ್ಯಾಮ್ ರಾಜ್ ಸಿಂಗ್‌, ಜೈರಾಜ್‌ ಸಿಂಗ್‌, ಪಪಂ ಉಪಾಧ್ಯಕ್ಷ ಲಕ್ಷ್ಮೀ ರೋಗಾಣಿ ಮಂಜುನಾಥ ಸಭೆಯಲ್ಲಿ ಭಾಗವಹಿಸುವರು ಎಂದು ಅವರು ಹೇಳಿದರು.

ಮುಖ್ಯಅತಿಥಿಗಳಾಗಿ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೆ ಮಾತಾ ಮಂಜಮ್ಮ ಜೋಗತಿ, ಸಿಪಿಐ ವಿಕಾಸ ಲಮಾಣಿ, ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಡಾ. ಬಿ. ಅಂಬಣ್ಣ, ಸ್ಥಳೀಯ ವೈದ್ಯೆ ಡಾ. ಮಂಜುಳಾ ಸೇರಿದಂತೆ ವಿವಿಧ ಸಮಾಜದ ಮುಖಂಡರು ಸಭೆಯಲ್ಲಿ ಭಾಗವಹಿಸುವರು ಎಂದು ವಿವರಿಸಿದರು.

ನಾಣಿಕೇರಿ ಯುವ ಸೇವಾ ಟ್ರಸ್ಟ್‌ನ ಗೌರವಾಧ್ಯಕ್ಷ ಕಾಸ್ಲಿ ಅಂಕ್ಲೇಶ್‌, ಟ್ರಸ್ಟ್‌ನ ಮುಖಂಡರಾದ ಆಕಾಶ್‌ ಪೂಜಾರ್‌, ಬಿ. ಅಂಜಿನಪ್ಪ, ಬಿ. ರಾಘವೇಂದ್ರ, ಪ್ರಹ್ಲಾದ್‌ ರಾವ್‌ ಎಲ್‌. ಪಿ. ತಿಮ್ಮರಾಜು, ಜಿ. ರಾಘವೇಂದ್ರ, ಮಾಳಗಿ ಪ್ರಕಾಶ್‌, ಟಿ. ಸದ್ದಂ ಹುಸೇನ್‌, ಬಿ. ಹುಲುಗಪ್ಪ, ಸೈಯದ್‌ ಮಸ್ಸೂರ್, ಬಿ. ಯರ್ರಿಸ್ವಾಮಿ ಸೇರಿದಂತೆ ಇತರರು ಸುದ್ದಿಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.