ಅರಕಲಗೂಡಲ್ಲಿ ರೈತರ ಪಾಲಿಗೆ ಕಲ್ಪವೃಕ್ಷವಾದ ಹೊಗೆಸೊಪ್ಪು ಬೆಳೆ

ತಂಬಾಕಿಗೆ ಚಿನ್ನದ ಬೆಲೆ । ತಂಬಾಕು ಬೆಳೆ ಬೆಳೆಯಲು ಅನ್ನದಾತರು ಉತ್ಸುಕ । ಬಿತ್ತನೆ ಆರಂಭ । ಕೆಜಿಗೆ ₹200 ರಿಂದ 265 ಮಾರಾಟ ಶೇಖರ್ ವೈ.ಡಿ.

ತಂಬಾಕಿಗೆ ಚಿನ್ನದ ಬೆಲೆ ದೊರೆತ ಕಾರಣಕ್ಕಾಗಿ ರೈತರು ಈ ಬಾರಿ ಹೊಗೆಸೊಪ್ಪು ಬೆಳೆ ಬೆಳೆಯಲು ಹೆಚ್ಚು ಉತ್ಸುಕರಾಗಿದ್ದು ಈಗಾಗಲೇ ಸಸಿ ಮಾಡಿ ಬಿತ್ತನೆ ಕಾರ್ಯ ಆರಂಭಿಸಿದ್ದಾರೆ.

ಈ ಭಾಗದ ಪ್ರಮುಖ ವಾಣಿಜ್ಯ ಬೆಳೆ ಹೊಗೆಸೊಪ್ಪು ರೈತರ ಆದಾಯದ ಮೂಲವಾಗಿದೆ. ಕಳೆದ ಹಲವಾರು ವರ್ಷಗಳ ಕಾಲ ರೈತರು ತಂಬಾಕು ಉತ್ಪಾದನೆಯಲ್ಲಿ ತೊಡಗಿಕೊಂಡಿದ್ದು ಇದೇ ಬೆಳೆಯನ್ನು ಹೆಚ್ಚು ಅವಲಂಬಿಸಿದ್ದಾರೆ. ಆದರೆ ಕಳೆದ ಕೆಲ ವರ್ಷಗಳಿಂದ ಮಾರುಕಟ್ಟೆಯಲ್ಲಿ ಹೊಗೆಸೊಪ್ಪಿನ ದರ ಕುಸಿದಿತ್ತು. ಒಂದು ಕೆಜಿ ಹೊಗೆಸೊಪ್ಪಿನ ದರ ಪಾತಾಳಕ್ಕೆ ಕುಸಿದಿತ್ತು. ಲಕ್ಷಾಂತರ ರು. ಸಾಲ ಮಾಡಿ ಬೆಳೆದಿದ್ದ ರೈತರು ದಲ್ಲಾಳಿಗಳಿಗೆ ಕೇವಲ ೧೦ ರು.ಗೆ ನೀಡಿ ನಿರಾಸೆಯಿಂದ ಮರಳುತ್ತಿದ್ದರು. ಕೆಲವು ಸಲ ಬೆಳೆಗಳಿಗೆ ಕೊಳ್ಳಿ ಇಟ್ಟು ಸುಟ್ಟಿದ್ದರು. ಈ ಬಾರಿ ಮಾರುಕಟ್ಟೆಯಲ್ಲಿ ತಂಬಾಕಿನ ದರ ಸುಧಾರಣೆ ಕಂಡ ಕಾರಣ ಹೆಚ್ಚಿನ ರೈತರು ಇದೀಗ ಬೆಳೆ ಬೆಳೆಯಲು ಒಲವು ವ್ಯಕ್ತಪಡಿಸಿದ್ದಾರೆ.

ರಾಮನಾಥಪುರ ತಂಬಾಕು ಮಾರುಕಟ್ಟೆ ವ್ಯಾಪ್ತಿಯಲ್ಲಿ ಸಾವಿರಾರು ರೈತರು ಹೊಗೆಸೊಪ್ಪು ಉತ್ಪಾದಿಸುತ್ತಾರೆ. ಪ್ಲಾಟ್ ಫಾರಂ 7ರಲ್ಲಿ 4072 ರೈತರು ಅಧಿಕೃತವಾಗಿ ಪರವಾನಗಿ ಹೊಂದಿದ್ದಾರೆ. ಪ್ಲಾಟ್ ಫಾರಂ 63ರಲ್ಲಿ 3173 ಅಧಿಕೃತ ಪರವಾನಗಿ ಹೊಂದಿದ್ದರೆ, 1320 ಕಾರ್ಡುದಾರರು ಇದ್ದಾರೆ. ಎರಡು ಪ್ಲಾಟ್ ಫಾರಂ ವ್ಯಾಪ್ತಿಯಲ್ಲಿ 10 ಸಾವಿರ ಬ್ಯಾರಲ್ ಮನೆಗಳಿದ್ದು ಈ ಬಾರಿ ಬಹುತೇಕ ಬೆಳೆಗಾರರು ಹೊಗೆಸೊಪ್ಪು ಉತ್ಪಾದನೆಗೆ ಮುಂದಾಗಿದ್ದಾರೆ.

ಜಿ.ಬಿ. ಸುಬ್ಬಾರಾವ್, ತಂಬಾಕು ಮಂಡಳಿ ಪ್ರಾದೇಶಿಕ ವ್ಯವಸ್ಥಾಪಕ. (16ಎಚ್ಎಸ್ಎನ್6ಎ)

ರೈತ ಬಸವಾಪಟ್ಟಣ ಕುಮಾರ್. (16ಎಚ್ಎಸ್ಎನ್6ಬಿ). ಅರಕಲಗೂಡು ತಾಲೂಕಿನಲ್ಲಿ ತಂಬಾಕು ಸಸಿ ಮಾಡಿ ರೈತರು ಹೊಲಗಳಲ್ಲಿ ಕಳೆ ತೆಗೆಯುವಲ್ಲಿ ನಿರತರಾಗಿರುವುದು.