ಹೋರಾಟಗಾರ ರಫಾಯಲ್‌ರಾಜುಗೆ ಶ್ರದ್ಧಾಂಜಲಿ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಬುಧವಾರ ಕರ್ನಾಟಕ ವಿಕಾಶರಂಗ ನಗರದ ಬಿಎಂಶ್ರೀ ಪ್ರತಿಷ್ಠಾನದಲ್ಲಿ ಆಯೋಜಿಸಿದ್ದ ದಿ.ರಫಾಯಲ್‌ರಾಜ ಅವರ ಶ್ರದ್ಧಾಂಜಲಿ ಸಭೆಯಲ್ಲಿ ಅವರು ಮಾತನಾಡಿದರು.

ಕನ್ನಡ ಪರ ಹೋರಾಟಗಾರ ರಾ.ನಂ.ಚಂದ್ರಶೇಖರ್‌, ರಫಾಯಲ್‌ರಾಜ್ ಕೇವಲ ಕ್ರೈಸ್ತ ಚಳವಳಿಗೆ ಮೀಸಲಾಗಿರಲಿಲ್ಲ. ಕನ್ನಡ ನಾಡಿನ ಸಮಗ್ರ ಸಮಸ್ಯೆಗಳಿಗೆ ಸ್ಪಂದಿಸುತ್ತಿದ್ದರು ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ಕನ್ನಡ ಪರ ಹೋರಾಟಗಾರರಾದ ವ.ಚ.ಚನ್ನೇಗೌಡ, ಪಾಲನೇತ್ರ, ಶ್ರ.ದೇ.ಪಾರ್ಶ್ವನಾಥ್, ಡಾ। ಸಂತೋಷ ಹಾನಗಲ್ಲ, ಗುರುದೇವ ನಾರಾಯಣಕುಮಾರ್, ಗೋವಿಂದಹಳ್ಳಿ ಕೃಷ್ಣೇಗೌಡ, ಕುವೆಂಪು ಪ್ರಕಾಶ್, ಕಾಣಿಕ್ಯಮೇರಿ ರಫಾಯಲ್‌ರಾಜ್, ಬಿ.ಎಂ.ಗಂಗಣ್ಣ ಹಾಗೂ ಹುಸೇನ್ ಪಾಲ್ಗೊಂಡಿದ್ದರು.

ಫಾದರ್‌ ಬರ್ತಲೋಮಿಯಾ ಮಾತನಾಡಿ, ರಫಾಯಲ್‌ರಾಜ ಕನ್ನಡ ಸಂಘಟನೆಗಳು ಹಾಗೂ ಕ್ರೈಸ್ತ ಸಂಘಟನೆಗಳ ನಡುವೆ ಕೊಂಡಿಯಂತಿದ್ದರು. ಈಗ ಆ ಕೊಂಡಿ ತುಂಡಾಗಿದೆ. ಮತ್ತೆ ಅದನ್ನು ಬೆಸೆಯುವ ಕೆಲಸ ಆಗಬೇಕಿದೆ. ಶೀಘ್ರದಲ್ಲೇ ‘ಕನ್ನಡ ಕ್ರೈಸ್ತರ ಹೋರಾಟದ ಇತಿಹಾಸ’ ಕುರಿತ ಕೃತಿಯನ್ನು ಶೀಘ್ರದಲ್ಲೇ ಪ್ರಕಟಿಸಿ ರಫಾಯಲ್ ರಾಜ್ ಅವರಿಗೆ ಅರ್ಪಿಸಲಾಗುವುದು ಎಂದು ತಿಳಿಸಿದರು.