ಜಿ ರಾಮ್ ಜಿ ಬಡವರಿಗೆ ಉಪಯುಕ್ತ: ಆರುಂಡಿ ನಾಗರಾಜ

ಹರಪನಹಳ್ಳಿ: ವಿಬಿಜಿ ರಾಮ್ ಜಿ ಎನ್ನುವುದು ರೂಪಾಂತರಗೊಂಡಂತಹ ಕೇಂದ್ರ ಸರ್ಕಾರದ ಒಂದು ಹೊಸ ಯೋಜನೆಯಾಗಿದೆ. ಬಡವರ ಬಗ್ಗೆ ನಿಜವಾದ ಕಾಳಜಿ ಹೊಂದಿರುವಂತಹ ಯೋಜನೆಯಾಗಿದೆ. ಆದರೆ ರಾಜ್ಯ ಸರ್ಕಾರ ಕೇವಲ ಹೆಸರಿನ ಕಾರಣದಿಂದ ಇದನ್ನು ವಿರೋಧಿಸುತ್ತಿರುವುದು ಖಂಡನೀಯ ಎಂದು ರಾಜ್ಯ ರಸ್ತೆ ಸಾರಿಗೆ ನಿಗಮದ ಮಾಜಿ ನಿರ್ದೇಶಕ ಆರುಂಡಿ ನಾಗರಾಜ ಹೇಳಿದ್ದಾರೆ.ಅವರು ತಾಲೂಕಿನ ವಿವಿಧೆಡೆ ಸಂಚರಿಸಿ ಗ್ರಾಮೀಣ ಜನರಿಗೆ ವಿಬಿಜಿ ರಾಮ್ ಜಿ ಕುರಿತು ಅರಿವು ಮೂಡಿಸಿ ಮಾತನಾಡಿದರು.

ಈ ಯೋಜನೆಯು ಕಡು ಬಡವರಿಗೆ ಅತ್ಯಂತ ಉಪಯುಕ್ತವಾಗಿದೆ. ಫಲಾನುಭವಿಗಳಿಗೆ ಅತಿಹೆಚ್ಚು ಲಾಭವನ್ನು ತರುವ ಚಿಂತನೆ ಒಳಗೊಂಡಿದೆ. ಹಿಂದಿ ನರೇಗಾದಲ್ಲಿ ಕೂಲಿಗಾಗಿ ಕಾಳು ಎಂಬ ಘೋಷವಾಕ್ಯ ಇತ್ತು. ಆದರೆ ಇದರಲ್ಲಿ ಬಡವರ ಬದುಕಿನ ಊರುಗೋಲು, ವಿಬಿಜಿ ರಾಮ್ ಜಿ ಎಂಬುದಾಗಿದೆ ಎಂದು ತಿಳಿಸಿದರು.

ಮಾಜಿ ಜಿಪಂ ಸದಸ್ಯರಾದ ಡಾ.ಸುವರ್ಣ ಆರುಂಡಿ ನಾಗರಾಜ್ ಪಾಲ್ಗೊಂಡಿದ್ದರು.