ಮೈಸೂರಿನಿಂದ ಫೆ.14ರಂದು ವಿಧಾನ ಸೌಧ ಚಲೋ ಪಾದಯಾತ್ರೆ: ಗಣೇಶಾರಾಧ್ಯ

ಕನ್ನಡಪ್ರಭ ವಾರ್ತೆ ಮಂಡ್ಯ

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಅಂದು ಬೆಳಗ್ಗೆ 8.15ಕ್ಕೆ ಮೈಸೂರಿನಿಂದ ವಿಧಾನಸೌಧ ಚಲೋ ಬೃಹತ್ ಪಾದಯಾತ್ರೆ ಹೊರಟು ಫೆ.17ರಂದು ಬೆಂಗಳೂರು ತಲುಪಲಿದೆ ಫೆ.18ರಂದು ಬೃಹತ್ ಸಮಾವೇಶ ನಡೆಸಿ ನಿವೃತ್ತ ಪೊಲೀಸ್ ಅಧಿಕಾರಿ ಜ್ಯೋತಿಪ್ರಕಾಶ್ ಮಿರ್ಜಿ ಅವರ ನೇತೃತ್ವದಲ್ಲಿ ಮುಖ್ಯಮಂತ್ರಿ, ಉಪ ಮುಖ್ಯಮಂತ್ರಿ ಹಾಗೂ ಧಾರ್ಮಿಕ ದತ್ತಿ ಇಲಾಖೆ ಸಚಿವರಿಗೆ ಮನವಿ ಸಲ್ಲಿಸಲಾಗುವುದು ಎಂದರು.

ರಾಜ್ಯದಲ್ಲಿ ಆಡಳಿತ ನಡೆಸಿದ ಸರ್ಕಾರಗಳು ಆಗಮಿಕ ಪರಂಪರೆ ದೇವಾಲಯಗಳ, ಅರ್ಚಕ ಆಗಮಿಗಳು ಹಾಗೂ ವಿದ್ಯಾರ್ಥಿಗಳ ಸಮಸ್ಯೆ ಬಗೆಹರಿಸಲು, ಬೇಡಿಕೆ ಈಡೇರಿಸಲು ದಶಕಗಳ ಕಾಲದಿಂದಲೂ ನಿರ್ಲಕ್ಷಿಸಿದೆ ಎಂದು ದೂರಿದರು.

ಸರ್ಕಾರ ಕೂಡಲೇ ಹಿಂದೂ ಧಾರ್ಮಿಕ ದತ್ತಿ ಇಲಾಖೆ ವೀರಶೈವಾಗಮ ಹಿರಿಯ ಮತ್ತು ಕಿರಿಯ ಪಂಡಿತರ ಹುದ್ದೆ ಮಂಜೂರು ಮಾಡಿ, ಕಾಯಂಗೊಳಿಸಬೇಕು, ದೇವಾಲಯಗಳ ಕುಂದುಕೊರತೆ ಆಲಿಸಲು, ಜೀರ್ಣೋದ್ಧಾರ, ಕುಂಭಾಭಿಷೇಕ, ಉತ್ಸವಗಳಿಗೆ ಸಲಹೆ ಸೂಚನೆ ನೀಡಲು ವೀರಶೈವಾಗಮ ಪಂಡಿತರನ್ನೇ ನೇಮಕ ಮಾಡಬೇಕು. ಅರ್ಚಕರಿಗೆ ನೀಡುವ ಮಾಸಿಕ ತಸ್ತೀಕ್ ಮತ್ತು ವರ್ಷಾಸನ ಹೆಚ್ಚಿಸುವುದು ಸೇರಿದಂತೆ ಹಲವು ಬೇಡಿಕೆಗಳನ್ನು ಸರ್ಕಾರದ ಮುಂದಿಡಲಾಗುವುದು ಎಂದರು.