ಪಾವಗಡ ತಾಲೂಕಿನ ಅಭಿವೃದ್ಧಿಗಾಗಿ ಕಾಂಗ್ರೆಸ್‌ಗೆ ಮತ ಹಾಕಿ

ಕನ್ನಡಪ್ರಭ ವಾರ್ತೆ ಪಾವಗಡ

ಅವರು ಮಂಗಳವಾರ ತಾಲೂಕಿನ ಲಿಂಗದಹಳ್ಳಿ ಗ್ರಾಮದಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿ ಬಿ.ಎನ್‌.ಚಂದ್ರಪ್ಪರ ಪರ ಪ್ರಚಾರದಲ್ಲಿ ಭಾಗವಹಿಸಿ ಮಾತನಾಡಿದರು. ಲಿಂಗದಹಳ್ಳಿ ವೃತ್ತದಲ್ಲಿ ತಂಗುದಾಣ ಹಾಗೂ ಶೌಚಾಲಯ ನಿರ್ಮಾಣಕ್ಕೆ 12 ಲಕ್ಷ ರು. ಬಿಡುಗಡೆ ಮಾಡಲಾಗಿದೆ. ರೈಲ್ವೆ ಪ್ರಗತಿ, ಎತ್ತಿನ ಹೊಳೆ ಭದ್ರಾ ಮೇಲ್ದಂಡೆ, ತುಂಗಭದ್ರಾ ಯೋಜನೆ ಕಾಂಗ್ರೆಸ್‌ ಕಾಲದಲ್ಲಿ ಅನುಷ್ಠಾನವಾಗಿದ್ದು, ಇನ್ನೂ 4 ತಿಂಗಳ ಒಳಗೆ ತುಂಗಭದ್ರಾ ಕುಡಿವ ನೀರು ಯೋಜನೆಗೆ ಚಾಲನೆ ನೀಡಲಾಗುವುದು. ನನಗೆ ಚಂದ್ರಪ್ಪ ಹಾಗೂ ಮುದ್ದಹನುಮೇಗೌಡರ ಸಹಕಾರದ ಅಗತ್ಯವಿದೆ. ಈ ಭಾಗದ ಪ್ರಗತಿಗೆ ಕಾಂಗ್ರೆಸ್‌ಗೆ ಹೆಚ್ಚು ಮತ ನೀಡುವ ಮಾಡುವ ಮೂಲಕ ಚಂದ್ರಪ್ಪರನ್ನು ಗೆಲ್ಲಿಸುವಂತೆ ಕಾರ್ಯಕರ್ತರಲ್ಲಿ ಮನವಿ ಮಾಡಿದರು.

ಈ ಹಿಂದಿನ ಈ ಭಾಗದ ಸಂಸದ ಎ.ನಾರಾಯಣಸ್ವಾಮಿ ಅಧಿಕಾರ ಅವಧಿಯಲ್ಲಿ ಯಾವುದೇ ರೀತಿಯ ಪ್ರಗತಿಗೆ ಪೂರಕ ವಾದ ಕೆಲಸ ಮಾಡಲಿಲ್ಲ. ಇವರ ಕಾಲದಲ್ಲಿ ಪ್ರಗತಿ ಶೂನ್ಯದಲ್ಲಿದೆ. 5 ವರ್ಷದ ಕಾಲ ಬರೀ ಸುಳ್ಳಿನಲ್ಲಿಯೇ ಕಾಲಕಳೆದ ವಿಚಾರ ನಿಮಗೆ ಗೊತ್ತಿದೆ. ಈ ಹಿಂದೆ ರಂಗಸಮುದ್ರ ಗ್ರಾಮದ ಕಾರ್ಯಕ್ರಮದಲ್ಲಿ ಸಂಸದ ಎ.ನಾರಾಯಣಸ್ವಾಮಿಗೆ ಹೇಳಿದ್ದೆ. ಪ್ರಗತಿಗೆ ಅದ್ಯತೆ ನೀಡಿ ಇಲ್ಲವಾದರೆ ಬಿಗ್‌ ಜಿರೋ ಆಗುತ್ತಿರಾ ಅಂತಾ. ಆದೇ ರೀತಿ ಯಾವುದೇ ಪ್ರಗತಿ ಸಾಧಿಸಲಿಲ್ಲ. ಜಿರೋ ಆಗಿದ್ದಾರೆಂದು ಲೇವಡಿ ಮಾಡಿದರು. ಅಭಿವೃದ್ಧಿ ವಿಚಾರದಲ್ಲಿ ರೈತ ಹಾಗೂ ಜನತೆಯನ್ನು ದಿಕ್ಕು ತಪ್ಪಿಸುತ್ತಾರೆ ಎಂದರು.

ಎಚ್‌.ವಿ.ವೆಂಕಟೇಶ್‌, ಶಾಸಕ