ನಾಗದೇವರಿಗೆ ಹಾಲೆರೆದು ಸಂಭ್ರಮಿಸಿದ ಮಹಿಳೆಯರು

ರೋಣ: ನಾಗರ ಪಂಚಮಿ ಅಂಗವಾಗಿ ರೋಣ ತಾಲೂಕಿನಾದ್ಯಂತ ಗುರುವಾರ ಮಹಿಳೆಯರು, ಮಕ್ಕಳಾದಿಯಾಗಿ ಕುಟುಂಬ ಸಮೇತ ನಾಗರ ಕಟ್ಟೆಗೆ ತೆರಳಿ, ನಾಗದೇವರ ಮೂರ್ತಿಗೆ ಹಾಲಿನ ಅಭಿಷೇಕಗೈದು ನಾಗರ ಪಂಚಮಿಯನ್ನು ಸಡಗರ, ಸಂಭ್ರಮದಿಂದ ಆಚರಿಸಿದರು.

ನಾಗಮೂರ್ತಿಗೆ ಹಾಲಿನ ಅಭಿಷೇಕ:

ತಾಲೂಕಿನ ಅರಹುಣಸಿ, ಸವಡಿ, ಹಿರೇಹಾಳ, ಬೆಳವಣಕಿ, ಕೌಜಗೇರಿ, ಸಂದಿಗವಾಡ, ಹೊನ್ನಾಪೂರ, ಮುಗಳಿ, ಹೊಸಳ್ಳಿ, ಜಿಗಳೂರ, ಹಿರೇಮಣ್ಣೂರ, ಚಿಕ್ಕಮಣ್ಣೂರ, ಯಾ.ಸ. ಹಡಗಲಿ, ಡ.ಸ. ಹಡಗಲಿ, ಹೊಳೆ ಹಡಗಲಿ, ಹೊಳೆಮಣ್ಣೂರ, ಬೆನಹಾಳ, ಹುಲ್ಲೂರ, ಮುದೇನಗುಡಿ, ಮೇಲ್ಮಠ,ಕೃಷ್ಣಾಪೂರ, ರೋಣ, ಇಟಗಿ, ಹೊನ್ನಾಪೂರ, ಮುದೇನಗುಡಿ, ಸೋಮನಕಟ್ಟಿ, ಹೊಳೆಆಲೂರ, ಅಮರಗೋಳ, ಹೊಳೆಮಣ್ಣೂರ, ಮಾಳವಾಡ, ಯಾವಗಲ್ಲ, ಇಟಗಿ ಸೇರಿದಂತೆ ತಾಲೂಕಿನ ಬಹುತೇಕ ಗ್ರಾಮಗಳಲ್ಲಿ ಮಹಿಳೆಯರು, ಮಕ್ಕಳು, ರೈತರು ನಾಗರ ಮೂರ್ತಿಗೆ ಹಾಲೆರೆದು ಪಂಚಮಿ ಹಬ್ಬವನ್ನು ಸಂಭ್ರಮಿಸಿದರು.