ಈಜುಕೊಳಗಳಿಗೆ ಮಾರು ಹೋದ ಯುವಕರು

ಶಿವಕುಮಾರ ಕುಷ್ಟಗಿ ಗದಗ

ಹೀಗೆ ಬಿಸಿಲಿನ ತಾಪದಿಂದ ತತ್ತರಿಸಿರುವ ಜನರಿಗೆ ವರದಾನವಾಗಿರುವುದು ಜಿಲ್ಲಾ ಕ್ರೀಡಾ ಇಲಾಖೆಯಡಿಯಲ್ಲಿ ನಡೆಯುತ್ತಿರುವ 4 ಸರ್ಕಾರಿ ಈಜುಕೊಳಗಳು, ಬೆಳಗಾಗುತ್ತಿದ್ದಂತೆ ಯುವಕರು ಅವಳಿ ನಗರದ ಈಜುಕೊಳದಲ್ಲಿ ಮುಳುಗಿ ಬಿಸಿಲಿ ತಾಪದಿಂದ ಪಾರಾಗುತ್ತಿದ್ದಾರೆ.

ತುಂಬಿ ತುಳುಕುತ್ತಿವೆ ಈಜುಕೊಳ: ಗದಗ-ಬೆಟಗೇರಿ ಅವಳಿ ನಗರದ ಕೆ.ಎಚ್. ಪಾಟೀಲ ಜಿಲ್ಲಾ ಕ್ರೀಡಾಂಗಣದಲ್ಲಿರುವ ಈಜುಕೊಳ, ಕಳಸಾಪೂರ ರಸ್ತೆಯಲ್ಲಿನ ಈಜುಕೊಳ, ರಾಜೀವಗಾಂಧಿ ನಗರದ ಹಾಗೂ ಬೆಟಗೇರಿ ವಸಂತ್ ಸಿಂಗ್ ಜಮಾದಾರ ನಗರದಲ್ಲಿನ 4 ಈಜುಕೊಳಗಳು ಯುವಕರಿಂದ ತುಂಬಿ ತುಳುಕುತ್ತಿದ್ದು, ಸ್ವಲ್ಪ ತಡವಾದರೂ ಈಜುಕೊಳದಲ್ಲಿ ಕಾಲಿಡಲು ಸ್ಥಳವಿಲ್ಲದಂತೆ ಯುವಕರು ಲಗ್ಗೆ ಇಡುತ್ತಿದ್ದು, ಬಿಸಿಲಿನ ಆರ್ಭಟದಿಂದ ಪಾರಾಗಲು ಅವಳಿ ನಗರದಲ್ಲಿನ ಸರ್ಕಾರಿ ಈಜುಕೊಳಗಳು ಸಾಕಷ್ಟು ಅನುಕೂಲಕಾರಿಯಾಗಿವೆ.

ಭಾನುವಾರ ₹ 50 ಸಾವಿರ ಸಂಗ್ರಹ ಅವಳಿ ನಗರದ 4 ಈಜುಕೊಳಗಳಲ್ಲಿ ಪ್ರತಿ ಭಾನುವಾರ ₹ 50 ಸಾವಿರದವರೆಗೆ, ಶನಿವಾರ ₹ 30 ಸಾವಿರ ಇನ್ನುಳಿದ ಸಾಮಾನ್ಯ ದಿನಗಳಲ್ಲಿ 20 ಸಾವಿರದವರೆಗೂ ಹಣ ಸಂಗ್ರಹವಾಗುತ್ತಿದೆ. 21 ದಿನಗಳ ತರಬೇತಿಗೆ ₹3 ಸಾವಿರ, ಪ್ರತಿ ದಿನದ 45 ನಿಮಿಷದ ಈಜಿಗೆ ಕೇವಲ ₹50 ನಿಗದಿ ಮಾಡಿದ್ದು, ಪ್ರತಿ ಈಜುಕೊಳದಲ್ಲಿ ತರಬೇತಿದಾರರು, ಜೀವ ರಕ್ಷಕರು, ಸ್ವಚ್ಛತಾ ಕಾರ್ಯದ ಸಿಬ್ಬಂದಿ ನಿರಂತರವಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಗದಗ ಶಾಸಕರ ವಿಶೇಷ ಕಾಳಜಿಯಿಂದ ಜನರಿಗೆ ಅತ್ಯಂತ ಕಡಿಮೆ ದರದಲ್ಲಿ ಈಜುಕೊಳಗಳು ಲಭ್ಯವಾಗುತ್ತಿವೆ. ಬೇಸಿಗೆ ಬಿಸಿಲಿನಿಂದ ತತ್ತರಿಸಿರುವ ಜನರಿಗೆ ಸದ್ಯ ಈಜುಕೊಳಗಳು ಹೆಚ್ಚು ಸಹಕಾರಿಯಾಗಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಯುವಕರು ನಮ್ಮ ಈಜುಕೊಳಗಳಿಗೆ ಬರುತ್ತಿದ್ದಾರೆ. ಮುಂದಿನ ತಿಂಗಳು ಸಂಖ್ಯೆ ಇನ್ನು ಹೆಚ್ಚಾಗಲಿದೆ. ಈಜುಕೊಳಗಳ ನಿರ್ವಹಣೆಗಾಗಿ ವಿಶೇಷ ಗಮನ ನೀಡಲಾಗುತ್ತಿದೆ ಎಂದು ಕ್ರೀಡಾಧಿಕಾರಿ ಶರಣು ಗೋಗೇರಿ ಹೇಳಿದರು.