97ರ ಹರೆಯದಲ್ಲೂ ವಕೀಲಿಕೆ ವೃತ್ತಿ!: ಗಿನ್ನೆಸ್‌ ದಾಖಲೆ

- 73 ವರ್ಷ ಸೇವೆ ಬಳಿಕವೂ ದಣಿವರಿಯದ ಕೇರಳದ ವೃದ್ಧ

ಪಾಲಕ್ಕಾಡ್‌ನ ಜಿಲ್ಲಾ ನ್ಯಾಯಾಲಯದಲ್ಲಿ ವಕೀಲರಾಗಿರುವ ಪಿ. ಬಾಲಸುಬ್ರಮಣಿಯನ್‌ ಮೆನನ್‌ (97) 1950ರ ದಶಕದಲ್ಲಿ ಸೇವೆ ಆರಂಭಿಸಿ ಇಂದಿಗೂ ಸೇವೆ ಸಲ್ಲಿಸುತ್ತಿದ್ದಾರೆ. ಇದು 73 ವರ್ಷ 60 ದಿನಗಳ ವೃತ್ತಿಯಾಗಿದೆ. ಅವರ ಈ ಸೇವೆ ಸೆ.11 2023ರಂದು ಗಿನ್ನೆಸ್‌ ವಿಶ್ವದಾಖಲೆಗೆ ಸೇರಿದ್ದು, ಇವರು ಪ್ರಪಂಚದ ಅತಿ ದೀರ್ಘಕಾಲ ವಕೀಲರಾಗಿ ಸೇವೆ ಸಲ್ಲಿಸಿದ ವ್ಯಕ್ತಿ ಎನಿಸಿಕೊಂಡಿದ್ದಾರೆ.

ತಮ್ಮ ಆರೋಗ್ಯ ಸರಿಯಿರುವವರೆಗೂ ನಿವೃತ್ತಿ ಆಗುವುದಿಲ್ಲ ಎಂದು ತಿಳಿಸಿರುವ ಮೆನನ್‌, ನ್ಯಾಯಾಲಯದಲ್ಲಿ ಚುಟುಕು ವಾದ-ಪ್ರತಿವಾದವೇ ತಮಗೆ ತೃಪ್ತಿ ಕೊಡುತ್ತದೆ ಎಂದು ತಿಳಿಸಿದ್ದಾರೆ. ಅಲ್ಲದೆ ತಮ್ಮ ಬಳಿ ಬರುವ ಕಕ್ಷಿದಾರರು ನನ್ನ ಮೇಲೆ ನಂಬಿಕೆ ಇಟ್ಟು ಬರುವುದರಿಂದ ತನ್ನ ಕೈಲಾದ ಮಟ್ಟಿಗೆ ಅವರಿಗೆ ಸಹಾಯ ಮಾಡಲು ಶಕ್ತಿಮೀರಿ ಪ್ರಯತ್ನಿಸುವುದು ನನ್ನ ಧ್ಯೇಯ ಎಂದು ತಿಳಿಸಿದ್ದಾರೆ.