ಪ್ರೊ ಕಬಡ್ಡಿ 12ನೇ ಆವೃತ್ತಿಯು ರೋಚಕ ಘಟ್ಟ ತಲುಪಿರುವ ಸಮಯದಲ್ಲಿ ಬೆಂಗಳೂರು ಬುಲ್ಸ್ ಹ್ಯಾಟ್ರಿಕ್ ಗೆಲುವಿನೊಂದಿಗೆ ನೇರವಾಗಿ ಪ್ಲೇ-ಆಫ್ಗೆ ಅರ್ಹತೆ ಪಡೆಯುವ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.
ನವದಹಲಿ: ಪ್ರೊ ಕಬಡ್ಡಿ 12ನೇ ಆವೃತ್ತಿಯು ರೋಚಕ ಘಟ್ಟ ತಲುಪಿರುವ ಸಮಯದಲ್ಲಿ ಬೆಂಗಳೂರು ಬುಲ್ಸ್ ಹ್ಯಾಟ್ರಿಕ್ ಗೆಲುವಿನೊಂದಿಗೆ ನೇರವಾಗಿ ಪ್ಲೇ-ಆಫ್ಗೆ ಅರ್ಹತೆ ಪಡೆಯುವ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ. ಭಾನುವಾರ ನಡೆದ ಬೆಂಗಾಲ್ ವಾರಿಯರ್ಸ್ ವಿರುದ್ಧದ ಪಂದ್ಯದಲ್ಲಿ ಬುಲ್ಸ್ 43-32 ಅಂಕಗಳ ಅಂತರದಲ್ಲಿ ಭರ್ಜರಿ ಗೆಲುವು ಸಾಧಿಸಿ, ಅಂಕಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರಿತು.
ಪಂದ್ಯದ ಆರಂಭದಿಂದಲೂ ಮೇಲುಗೈ ಸಾಧಿಸಿದ ಬುಲ್ಸ್, ಮೊದಲಾರ್ಧದ ಮುಕ್ತಾಯಕ್ಕೆ 22-15 ಅಂಕಗಳಿಂದ ಮುಂದಿತ್ತು. ದ್ವಿತೀಯಾರ್ಧದಲ್ಲೂ ಪ್ರಾಬಲ್ಯ ಮುಂದುವರಿಸಿದ ಬೆಂಗಳೂರು ತಂಡ, 30ನೇ ನಿಮಿಷದಲ್ಲಿ ಬೆಂಗಾಲನ್ನು ಆಲೌಟ್ ಮಾಡಿ 35-26ರ ಮುನ್ನಡೆ ಪಡೆದು ಗೆಲುವಿನತ್ತ ಮುನ್ನುಗ್ಗಿತು. ಪಂದ್ಯದ ಯಾವ ಹಂತದಲ್ಲೂ ವಾರಿಯರ್ಸ್, ಬುಲ್ಸ್ಗೆ ಅಪಾಯಕಾರಿಯಾಗಿ ಕಂಡುಬರಲಿಲ್ಲ.
ಪಂದ್ಯದಲ್ಲಿ 22 ರೈಡ್ಗಳನ್ನು ನಡೆಸಿದ ಬುಲ್ಸ್ನ ಅಲಿರೇಜಾ ಮಿರ್ಜಾಯಿನ್ 16 ರೈಡ್ ಅಂಕ ಪಡೆದರು. 2 ಟ್ಯಾಕಲ್ ಅಂಕ ಸೇರಿ ಒಟ್ಟು 18 ಅಂಕದೊಂದಿಗೆ ಪಂದ್ಯದ ಹೀರೋ ಆಗಿ ಹೊರಹೊಮ್ಮಿದರು. ಬುಲ್ಸ್ನ ಡಿಫೆಂಡರ್ಗಳೂ ಉತ್ತಮ ಪ್ರದರ್ಶನ ತೋರಿ ಗೆಲುವಿಗೆ ಕೊಡುಗೆ ನೀಡಿದರು.
Related Articles
ಮತ್ತೊಂದು ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ವಿರುದ್ಧ ಪುಣೇರಿ ಪಲ್ಟನ್ ಟೈ ಬ್ರೇಕರ್ನಲ್ಲಿ ಜಯ ಸಾಧಿಸಿ ಅಗ್ರಸ್ಥಾನಕ್ಕೇರಿತು.
