ಪ್ರೈಮ್ ವಾಲಿಬಾಲ್ ಲೀಗ್: ಬೆಂಗಳೂರು ಟಾರ್ಪೆಡೋಸ್ ಶುಭಾರಂಭ

ಚೆನೈ: ರುಪೇ ಪ್ರೈಮ್ ವಾಲಿಬಾಲ್ ಲೀಗ್‌ ಮೂರನೇ ಆವೃತ್ತಿಯಲ್ಲಿ ಬೆಂಗಳೂರು ಟ್ರಾಪಿಡೋಸ್ ತಂಡ ಶುಭಾರಂಭ ಮಾಡಿದೆ. ಕೊಲ್ಕತ್ತಾ ಥಂಡರ್ ಬೋಲ್ಟ್ಸ್ವಿರುದ್ಧದ ರೋಚಕ ಪಂದ್ಯದಲ್ಲಿ ಬೆಂಗಳೂರು ಟ್ರಾಪಿಡೋಸ್ ತಂಡ 3-1ಅಂತರದ ಜಯದೊಂದಿಗೆ ಅಭಿಯಾನ ಆರಂಭಿಸಿತು. ಇಲ್ಲಿನ ಜವಾಹರಲಾಲ್‌ ನೆಹರು ಒಳಾಂಗಣ ಕ್ರೀಡಾಂಗಣದಲ್ಲಿ ಗುರುವಾರ ಬೆಂಗಳೂರು ಟಾರ್ಪಿಡೊಸ್‌ ತಂಡವು ಕೋಲ್ಕತಾ ಥಂಡರ್‌ ಬೋಲ್ಟ್ಸ್‌ ವಿರುದ್ಧ 16-14, 14-16, 15-13, 15-10 ಸೆಟ್‌ಗಳ ಅಂತರದಲ್ಲಿ ಜಯ ಗಳಿಸಿದೆ. ಕೋಲ್ಕತಾ ಆರಂಭಿಕ ನಿಯಂತ್ರಣ ಸಾಧಿಸುತ್ತಿದ್ದಂತೆ ರಾಹುಲ್‌ ತಮ್ಮ ಸೂಪರ್‌ ಸರ್ವ್‌ನ ಮೂಲಕ ನೋಡುಗರನ್ನು ಆಕರ್ಷಿಸಿದರು. ಇದಕ್ಕೆ ನಾಯಕ ಅಶ್ವಲ್‌ ರಾಯ್‌ ಸೇರ್ಪಡೆಯಾದರು. ಕೋಲ್ಕತ್ತಾದ ಆಕ್ರಮಣಕಾರಿ ಸರ್ವ್‌ ಗಳಿಗೆ ಬೆಂಗಳೂರು ದಿಟ್ಟ ಉತ್ತರ ನೀಡಲು ಹಿಂದೆ ಬಿದ್ದತು. ಸ್ರಾಜನ್‌ಗೆ ಅವರು ಪ್ರಬಲ ಸರ್ವ್‌ ಗಳೊಂದಿಗೆ ಬೆಂಗಳೂರನ್ನು ಮರಳಿ ಲಯಕ್ಕೆ ತಂದರು. ಪಂದ್ಯದುದ್ದಕ್ಕೂ ತನ್ನ ಮ್ಯಾಜಿಕ್‌ ಅನ್ನು ಪ್ರದರ್ಶಿಸಿದ ಹೆಪ್ಟಿನ್‌ ಸ್ಟಾಲ್‌ ಬೆಂಗಳೂರು ತಂಡದ ಮುನ್ನಡೆಯನ್ನು ವಿಸ್ತರಿಸಲು ನೆರವಾದರು.