)
)
)
ಸಾರಾಂಶ
ಅಲ್‌- ಅಮೆರತ್‌ (ಒಮಾನ್‌): ಉದಯೋನ್ಮುಖರ ಏಷ್ಯಾಕಪ್‌ ಕ್ರಿಕೆಟ್‌ ಟೂರ್ನಿಯ ಸೆಮಿಫೈನಲ್‌ನಲ್ಲಿ ಭಾರತ ಮುಗ್ಗರಿಸಿದೆ. ಶುಕ್ರವರ ನಡೆದ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಭಾರತಕ್ಕೆ 20 ರನ್‌ ಸೋಲು ಎದುರಾಯಿತು. ಕಳೆದ ಆವೃತ್ತಿಯ ಐಪಿಎಲ್‌ನಲ್ಲಿ ಮಿಂಚಿದ ಆಟಗಾರರನ್ನು ಈ ಟೂರ್ನಿಗೆ ಆಯ್ಕೆ ಮಾಡಲಾಗಿತ್ತು. ಲೀಗ್‌ ಹಂತದಲ್ಲಿ ಅಬ್ಬರಿಸಿದ್ದ ಭಾರತ, ನಾಕೌಟ್‌ ಪಂದ್ಯದಲ್ಲಿ ನಿರೀಕ್ಷಿತ ಆಟವಾಡಲಿಲ್ಲ.
ಮೊದಲು ಬ್ಯಾಟ್‌ ಮಾಡಿದ ಆಫ್ಘನ್‌ 20 ಓವರಲ್ಲಿ 4 ವಿಕೆಟ್‌ಗೆ 206 ರನ್‌ ಕಲೆಹಾಕಿತು. ಸೆದಿಕುಲ್ಹಾ ಅಟಲ್‌ 83, ಜುಬೈದ್‌ ಅಕ್ಬರಿ 64, ಕರೀಂ ಜನತ್‌ 41 ರನ್‌ ಸಿಡಿಸಿದರು. ಭಾರತ ಪರ ರಸಿಖ್‌ ಸಲಾಂ 4 ಓವರಲ್ಲಿ 25ಕ್ಕೆ 3 ವಿಕೆಟ್‌ ಕಿತ್ತರು.
ದೊಡ್ಡ ಗುರಿ ಬೆನ್ನತ್ತಿದ ಭಾರತ 100 ರನ್‌ಗೆ 5 ವಿಕೆಟ್‌ ಕಳೆದುಕೊಂಡಿತು. ರಮಣ್‌ದೀಪ್‌ ಸಿಂಗ್‌ 64, ನಿಶಾಂತ್‌ ಸಿಂಧು 23 ರನ್‌ ಸಿಡಿಸಿ ಹೋರಾಟ ನಡೆಸಿದರೂ, ಗೆಲುವು ಒಲಿಯಲಿಲ್ಲ.
ಮತ್ತೊಂದು ಸೆಮೀಸಲ್ಲಿ ಪಾಕಿಸ್ತಾನವನ್ನು 7 ವಿಕೆಟ್‌ಗಳಿಂದ ಸೋಲಿಸಿದ ಶ್ರೀಲಂಕಾ ಫೈನಲ್‌ಗೇರಿತು. ಭಾನುವಾರ ಫೈನಲಲ್ಲಿ ಲಂಕಾ-ಅಫ್ಘಾನಿಸ್ತಾನ ಸೆಣಸಲಿವೆ.
)
)
;Resize=(128,128))
;Resize=(128,128))
;Resize=(128,128))