ಅಸ್ತಿತ್ವದ ಆತಂಕ ಅಂತ್ಯಕ್ಕೆ ಇರಾನ್‌ ಮೇಲೆ ದಾಳಿ: ನೆತನ್ಯಾಹು

- ಜಂಟಿಯಾಗಿ ‘ಆಪರೇಷನ್‌ ರೋರಿಂಗ್‌’ ಲಯನ್‌ ಶುರು

- ಅವರ ಕೈಗೆ ಅಣ್ವಸ್ತ್ರ ಸಿಕ್ಕರೆ ಮಾನವೀಯತೆಗೆ ಕಂಟಕ

ಈ ಬಗ್ಗೆ ವಿಡಿಯೋ ಸಂದೇಶ ನೀಡಿರುವ ಅವರು, ‘ಕಳೆದ 47 ವರ್ಷಗಳಿಂದ ಇರಾನ್‌ನ ಅಯಾತೊಲ್ಲಾ ಸರ್ಕಾರವು ಇಸ್ರೇಲ್‌ ಮತ್ತು ಅಮೆರಿಕದ ಸಾವನ್ನು(ಅಂತ್ಯ) ಬಯಸಿತ್ತು. ಇದಕ್ಕಾಗಿ ನಮ್ಮ ಜನರನ್ನು ವಿಭಜಿಸಿ, ಅಮೆರಿಕನ್ನರನ್ನು ಕೊಂದು, ತನ್ನ ಸ್ವಂತ ಜನರ ಹತ್ಯೆಯನ್ನೂ ಮಾಡಿದೆ. ಇಂತಹ ಆಡಳಿತದ ಕೈಗೆ ಅಣ್ವಸ್ತ್ರ ಸಿಕ್ಕರೆ ಮಾನವೀಯತೆಗೇ ಅಪಾಯ. ಆದ್ದರಿಂದ ಹೀಗಾಗಲು ಬಿಡಬಾರದು’ ಎಂದು ಕರೆ ನೀಡಿದ್ದಾರೆ.‘ಅಮೆರಿಕ ಮತ್ತು ಇಸ್ರೇಲ್‌ ನಡೆಸುವ ಜಂಟಿ ಕಾರ್ಯಾಚರಣೆಯಿಂದ, ತಮ್ಮ ವಿಧಿ/ಭವಿಷ್ಯವನ್ನು ನಿರ್ಧರಿಸುವ ಅಧಿಕಾರವು ಇರಾನಿಗರಿಗೆ ಸಿಗುತ್ತದೆ. ಇರಾನಿಗರು, ಪರ್ಷಿಯನ್ನರು, ಕಿರ್ದಿಗಳು, ಅಜರ್ಬೈಜಾನಿಗರು, ಬಲೂಚಿಗಳು, ಅಹ್ವಾಜಿಗಳು ದಬ್ಬಾಳಿಕೆಯಿಂದ ಮುಕ್ತರಾಗಿ, ಸ್ವತಂತ್ರ ಮತ್ತು ಶಾಂತ ಇರಾನ್‌ ಸ್ಥಾಪಿಸುವ ಸಮಯ. ಎಲ್ಲರೂ ಒಗ್ಗೂಡಿ ಹೋರಾಡಬೇಕು’ ಎಂದ ನೆತನ್ಯಾಹು, ‘ಇದು ಖಮೇನಿ ಆಡಳಿತ ವಿರುದ್ಧದ ಯುದ್ಧವೇ ಹೊರತು ಇರಾನ್‌ ಜನತೆಯ ವಿರುದ್ಧವಲ್ಲ’ ಎಂದು ಸ್ಪಷ್ಟನೆಯನ್ನೂ ನೀಡಿದ್ದಾರೆ.