ನಾಯಿ 9 ಮರಿ ಹಾಕಿತೆಂದು ಊರಿಗೆಲ್ಲ ಊಟ ಹಂಚಿದರು!

ನಾವೆಲ್ಲ ಮನೆಯಲ್ಲಿ ಶುಭ ಸಮಾರಂಭವಾದರೆ, ಅಥವ ಇನ್ನಿತರ ಕಾರ್ಯಕ್ರಮಗಳಿದ್ದರೆ ಜನರನ್ನೆಲ್ಲ ಕರೆದು ಅವರಿಗೆ ಭೂರಿ ಭೋಜನ ಹಾಕಿಸುವುದನ್ನು ಕಂಡಿರುತ್ತೇವೆ. ಆದರೆ ಉತ್ತರ ಪ್ರದೇಶದ ಯುವತಿ (ಶ್ವಾನ ಪ್ರೇಮಿ)ಯೊಬ್ಬರು ತಮ್ಮ ಮನೆಯ ನಾಯಿ 9 ಮರಿಗಳಿಗೆ ಜನ್ಮ ನೀಡಿದೆ ಎಂದು ಸಂತಸಕ್ಕೆ ಊರಿನವರಿಗೆಲ್ಲ ಪಾರ್ಟಿ ಕೊಡಿಸಿದ್ದಾರೆ. ‘ಛಾಟ್ನಿ’ ಹೆಸರಿನ (ನಾಯಿಯ ಹೆಸರು) ಹಲವು ಬಾರಿ 3-4 ಮರಿಗಳಿಗೆ ಜನ್ಮ ನೀಡಿತ್ತಂತೆ. ಆದರೆ ಈ ಬಾರಿ ಬರೋಬ್ಬರಿ 9 ಮರಿ ಹಾಕಿದ ಕಾರಣ ಎಲ್ಲರಿಗೂ ಪಾರ್ಟಿ ಕೊಡಿಸಿ ಸಂಭ್ರಮಾಚರಣೆ ನಡೆಸಿದ್ದಾರೆ. ಇದರ ಜೊತೆಗೆ ನಾಯಿಗೂ ಮನುಷ್ಯರಿಗೆ ಮಾಡುವ ರೀತಿಯಲ್ಲಿ ಪೂಜೆ ಮಾಡಿ ಅದರ ಕಾಲಿಗೆ ಕೆಂಪು ಸಿಂಗಾರ ಮಾಡಿದ್ದಾರಂತೆ.