ದರ್ಶನ್ ನಟನೆಯ ಕಾಟೇರ ಇಂದು ಅದ್ದೂರಿ ಬಿಡುಗಡೆ

- ಕಾಟೇರ 1974ರ ಕಾಲಘಟ್ಟದ ನೈಜ ಕಥೆ ಆಧರಿಸಿ ನಿರ್ಮಿಸಲಾಗಿರುವ ಸಿನಿಮಾ. ದೇವರಾಜ್ ಅರಸು ಕಾಲದಲ್ಲಿ ರಾಜ್ಯದಲ್ಲಿ ‘ಭೂಸುಧಾರಣಾ ಕಾಯ್ದೆ’ಯ ಅನ್ವಯ ‘ಉಳುವವನೇ ಹೊಲದೊಡೆಯ’ ಕಾನೂನು ಜಾರಿಯಾದ ಬಳಿಕದ ಸ್ಥಿತ್ಯಂತರದ ಚಿತ್ರಣ ಸಿನಿಮಾದಲ್ಲಿ ಸಿಗುತ್ತದೆ.- ವಯಸ್ಸಾದಾಗ ದರ್ಶನ್‌ ಹೇಗೆ ಕಾಣ್ತಾರೆ ಅನ್ನೋದನ್ನಿಲ್ಲಿ ನೋಡಬಹುದು. ಕಾಟೇರಮ್ಮ ದರ್ಶನ್‌ ಅವರ ಮನೆ ದೇವರು. ಆಕೆ ಗ್ರಾಮದೇವತೆ. ಚಿತ್ರದಲ್ಲಿ ಆಕೆಯ ಭಂಟ ಕಾಟೇರನಾಗಿ ದರ್ಶನ್‌ ಕಾಣಿಸಿಕೊಂಡಿದ್ದಾರೆ. - ಗ್ರಾಮೀಣ ಸಂಸ್ಕೃತಿಯನ್ನು ಕಮರ್ಷಿಯಲ್‌ ಟಚ್‌ ಕೊಟ್ಟು ನಿರೂಪಿಸಲಾಗಿದೆ. ಗ್ರಾಮ್ಯ ಭಾಷೆಯನ್ನೇ ಬಳಸಲಾಗಿದ್ದು, ದರ್ಶನ್‌ ಈ ಭಾಷೆಯಲ್ಲಿ ತರಬೇತಿ ಪಡೆದ ಬಳಿಕ ಧ್ವನಿ ನೀಡಿದ್ದಾರೆ. - ಜಗಪತಿ ಬಾಬು, ವಿನೋದ್‌ ಆಳ್ವ, ಕುಮಾರ್‌ ಗೋವಿಂದ್‌, ಪದ್ಮಾವಾಸಂತಿ, ಶ್ರುತಿ, ವೈಜನಾಥ ಬಿರಾದಾರ್ ಮೊದಲಾದ ಹಿರಿಯ ಕಲಾವಿದರ ಗಡಣವೇ ಚಿತ್ರದಲ್ಲಿದೆ. - ಈ ಸಿನಿಮಾ ಮೂಲಕ ಮಾಲಾಶ್ರೀ ಪುತ್ರಿ ಆರಾಧನಾ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟಿದ್ದು ಆಕೆಯ ನಟನೆ, ಡಾನ್ಸ್ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ.