)
)
)
ಸಾರಾಂಶ
ಅಣು ಸ್ಥಾವರದ ವಿಚಾರವಾಗಿ ಕಳೆದ ಕೆಲ ದಿನಗಳಿಂದ ನಡೆಯುತ್ತಿರುವ ಇಸ್ರೇಲ್‌ ಇರಾನ್‌ ಕದನ ಮತ್ತೊಂದು ಹಂತಕ್ಕೆ ತಿರುಗಿರುವಾಗಲೇ ಅತ್ತ ಅಮೆರಿಕ ತನ್ನ ಅತ್ಯಾಧುನಿಕ ಯುದ್ಧ ವಿಮಾನ ಬಿ-2 ಸ್ಟೆಲ್ತ್‌ ಬಾಂಬರ್‌ಗಳನ್ನು ಪಶ್ಚಿಮಾಭಿಮುಖವಾಗಿ ಹಾರಾಟ ಆರಂಭಿಸಿವೆ ಎಂದು ವರದಿಯೊಂದು ಹೇಳಿದೆ.
ವಾಷಿಂಗ್ಟನ್‌: ಅಣು ಸ್ಥಾವರದ ವಿಚಾರವಾಗಿ ಕಳೆದ ಕೆಲ ದಿನಗಳಿಂದ ನಡೆಯುತ್ತಿರುವ ಇಸ್ರೇಲ್‌ ಇರಾನ್‌ ಕದನ ಮತ್ತೊಂದು ಹಂತಕ್ಕೆ ತಿರುಗಿರುವಾಗಲೇ ಅತ್ತ ಅಮೆರಿಕ ತನ್ನ ಅತ್ಯಾಧುನಿಕ ಯುದ್ಧ ವಿಮಾನ ಬಿ-2 ಸ್ಟೆಲ್ತ್‌ ಬಾಂಬರ್‌ಗಳನ್ನು ಪಶ್ಚಿಮಾಭಿಮುಖವಾಗಿ ಹಾರಾಟ ಆರಂಭಿಸಿವೆ ಎಂದು ವರದಿಯೊಂದು ಹೇಳಿದೆ. ಇವುಗಳು ಹಿಂದೂ ಮಹಾಸಾಗರದಲ್ಲಿರುವ ‘ಬ್ರಿಟೀಷ್‌ ಇಂಡಿಯನ್‌ ಓಶಿಯನ್‌ ಟೆರಿಟೆರಿ’ಯ ಅಮೆರಿಕದ ನೌಕಾ ನೆಲೆಗೆ ಬರುತ್ತಿವೆ ಎಂದು ಅದು ತಿಳಿಸಿದೆ. ಈ ನೆಲೆಯು ಇರಾನ್‌ಗೆ ಸಮೀಪದಲ್ಲಿದೆ.
ವರದಿ ಪ್ರಕಾರ 5 ಬಿ-2 ಸ್ಟೆಲ್ತ್‌ ಯುದ್ಧ ವಿಮಾನಗಳನ್ನು ಅಮೆರಿಕದ ಮಿಸ್ಸೌರಿ ರಾಜ್ಯದ ವಾಯುನೆಲೆಯಿಂದ ಪಶ್ಚಿಮಾಭಿಮುಖವಾಗಿ ಹಾರಾಟ ಆರಂಭಿಸಿವೆ. ಇವುಗಳ ಜೊತೆಗೆ ಆಗಸದಲ್ಲಿಯೇ ಇಂಧನ ತುಂಬಿಸಲು 4 ಬೋಯಿಂಗ್‌ ಕೆಸಿ-46 ವಿಮಾನಗಳು ಸಹ ಸ್ಯಾನ್‌ ಫ್ರಾನ್ಸಿಸ್ಕೋ ಸಮೀಪದಿಂದ ಹೊರಟಿವೆ.
ಒಂದೊಂದು ವಿಮಾನ 75 ಕಿ.ಮೀ.ದೂರದಲ್ಲಿ ಹಾರಾಟ ನಡೆಸುತ್ತಿದ್ದು, ಈಗಾಗಲೇ 2 ಸ್ಟೆಲ್ತ್‌ ಜೆಟ್‌ಗಳಿಗೆ ಆಗಸದಲ್ಲಿಯೇ ರೀಫ್ಯೂಲಿಂಗ್‌ ನಡೆಸಲಾಗಿದೆ ಎಂದು ಅದು ಹೇಳಿದೆ.
)
)
)
)
)