ಸಿಂದಗಿಯಿಂದ ಬೆಂಗಳೂರಿಗೆ 2 ಸ್ಲೀಪರ್‌ ಬಸ್‌ ಸೇವೆ ಆರಂಭ

ಸಿಂದಗಿ: ಸಿಂದಗಿಯಿಂದ ಬೆಂಗಳೂರಿಗೆ ಪ್ರಯಾಣ ಮಾಡಲು ಸಾರಿಗೆ ಇಲಾಖೆಯಿಂದ 2 ಸ್ಲೀಪರ್ ಬಸ್ಸುಗಳನ್ನು ಮಂಜೂರು ಮಾಡಿಸಿ ಪ್ರಯಾಣಿಕರಿಗೆ ಅನುಕೂಲ ಮಾಡಿಕೊಡಲಾಗಿದೆ ಎಂದು ಶಾಸಕ ಅಶೋಕ ಮನಗೂಳಿ ಹೇಳಿದರು.

ಈ ವೇಳೆ ಸಾರಿಗೆ ಇಲಾಖೆಯ ಸಿಂದಗಿ ಘಟಕದ ವ್ಯವಸ್ಥಾಪಕ ರೇವಣಸಿದ್ದ ಖೈನೂರ ಮಾತನಾಡಿ, ಪ್ರತಿ ದಿನ 1 ಬಸ್ಸು ಪ್ರಯಾಣವನ್ನು ಬೆಳೆಸುತ್ತದೆ. ರಾತ್ರಿ 7.30 ಗಂಟೆಗೆ ಸಿಂದಗಿ ಮಾರ್ಗವಾಗಿ ಹೂವಿನಹಿಪ್ಪರಗಿ, ಮುದ್ದೇಬಿಹಾಳದಿಂದ ಬೆಂಗಳೂರಗೆ ಬಸ್ಸು ಸಂಚರಿಸಲಿದೆ ಎಂದರು. ಕಾರ್ಯಕ್ರಮದಲ್ಲಿ ಕಾಂಗ್ರೆಸ್ ಮುಖಂಡರಾದ ಅರವಿಂದ ಹಂಗರಗಿ, ಪ್ರವೀಣ ಕಂಠಿಗೊಂಡ, ಕುಮಾರ ದೇಸಾಯಿ ಇಲಾಖೆಯ ಆನಂದ ಬಡಿಗೇರ ಸಂತೋಷ ಹತ್ತರಕಿ, ಶಿವುಕುಮಾರ ಮರಬಿ, ಮಹಾದೇವ ಹೊನ್ನಳ್ಳಿ ಸೇರಿದಂತೆ ಇತರರು ಇದ್ದರು.