2023 ಕಾನೂನು ಅಂಗೀಕಾರ ಇತಿಹಾಸದಲ್ಲಿ ಬಹುದೊಡ್ಡ ಬದಲಾವಣೆ

ಕನ್ನಡಪ್ರಭ ವಾರ್ತೆ ಚಿಕ್ಕೋಡಿ

ಪಟ್ಟಣದ ಕೆಎಲ್‌ಇ ಸಂಸ್ಥೆಯ ಕಾನೂನು ಮಹಾವಿದ್ಯಾಲಯದಲ್ಲಿ ಭಾರತೀಯ ನ್ಯಾಯ ಸಂಹಿತೆ 2023, ಭಾರತೀಯ ನಾಗರಿಕ ಸುರಕ್ಷಾ ಸಂಹಿತೆ 2023, ಭಾರತೀಯ ಸಾಕ್ಷಿ ಅಧಿನಿಯಮ 2023 ಹೊಸ ಪ್ರಮುಖ ಕಾಯಿದೆಗಳ ಕುರಿತು ಪೊಲೀಸ್ ಸಿಬ್ಬಂದಿಯರಿಗಾಗಿ ಆಯೋಜಿಸಿದ ಎರಡು ದಿನದ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದ ಅವರು, ಸಾರ್ವಜನಿಕ ಸೇವೆ ಮತ್ತು ಕಲ್ಯಾಣ ಕೇಂದ್ರಿತ ಕಾನೂನುಗಳೊಂದಿಗೆ ಹೊಸಯುಗ ಪ್ರಾರಂಭವಾಗಿದೆ ಎಂದರು.

ಅತಿಥಿಗಳಾಗಿ ಸಿಪಿಐ ಎನ್.ಸಿ.ಕಾಡದೇವರ, ಪಬ್ಲಿಕ್ ಪ್ರಾಸಿಕ್ಯೂಟರ್‌, ವೈ.ಜಿ.ತುಂಗಳ, ಮೊದಲನೇ ಅಧಿವೇಶನದಲ್ಲಿ ಮಹೇಶ, ಸಿಬಿಐ ಬೆಂಗಳೂರು ಇವರು ಭಾರತೀಯ ನಾಗರಿಕ ಸುರಕ್ಷಾ ಸಂಹಿತಾ ಪರಿಚಯಿಸಿ ಬದಲಾವಣೆಗಳ ಅವಲೋಕಿಸಿದರು. ಎರಡನೇ ಅಧಿವೇಶನದಲ್ಲಿ ಸಚಿನ ದಾಸರೆಡ್ಡಿ , ಪೊಲೀಸ್‌ ಸಬ್‌ಇನ್ಸ್‌ಪೆಕ್ಟರ್‌ ಚಿಕ್ಕೋಡಿ ಅವರು ಭಾರತೀಯ ಸಾಕ್ಷ್ಯಅಧಿನಿಯಮ 2023ರ ಬಗ್ಗೆ ತಿಳಿಸಿಕೊಟ್ಟರು. ಎರಡನೇ ದಿನದ ಮೊದಲನೆಯ ಅಧಿವೇಶನದ ಸಂಪನ್ಮೂಲ ವ್ಯಕ್ತಿಯಾದ ಡಾ.ಎಸ್.ಜಿ.ಗೌಡಪ್ಪನವರ, ಅಸೋಸಿಯೇಟ್ ಪ್ರೊಫೆಸರ್‌, ಕೆಎಲ್‌ಇ ಸಂಸ್ಥೆಯ, ಕಾನೂನು ಮಹಾವಿದ್ಯಾಲಯ ಬೆಂಗಳೂರು ಅವರು ಭಾರತೀಯ ನ್ಯಾಯ ಸಂಹಿತೆಯಲ್ಲಿ ಹೊಸ ಅಪರಾಧಗಳು ಮತ್ತು ಭಾರತೀಯ ಸಾಕ್ಷ್ಯ ಅಧಿನಿಯಮ-2023ರ ಬಗ್ಗೆ ಚರ್ಚಿಸಿದರು. ಚಿಕ್ಕೋಡಿ ಕೆಎಲ್‌ಇ ಸಂಸ್ಥೆಯ ಕಾನೂನು ಮಹಾವಿದ್ಯಾಲಯದ ಪ್ರಾಚಾರ್ಯ ಡಾ.ದುಂಡಪ್ಪ ಸೊಲಾಪುರೆ ಕಾರ್ಯಾಗಾರದ ಅಧ್ಯಕ್ಷತೆ ವಹಿಸಿದ್ದರು. ದೀಪಾಲಿ ಪಾಟೀಲ, ಎಸ್‌.ಬಿ.ನಾಗರಾಳೆ, ಪಿ.ಸಿ.ಚವ್ಹಾಣ, ಡಿ.ಎಸ್.ರಾವತೆ, ಎಂ.ಎಚ್.ನದಾಫ, ಪಿ.ಎಂ.ಕಮತೆ, ಎಸ್.ಡಿ.ಶಿರಹಟ್ಟಿ, ಕೆ.ಎಲ್.ಕಾಂಬಳೆ ಉಪಸ್ಥಿತರಿದ್ದರು. ಕಾರ್ಯಕ್ರಮದ ಸಂಯೋಜನಾಧಿಕಾರಿ ವಿ.ಎಸ್.ಬಿಳಗಿ ಸ್ವಾಗತಿಸಿದರು. ಮಾನಸಿ ಬಾವಡೇಕರ ಮತ್ತು ಶ್ರದ್ಧಾ ಕೆಂಪರಾಣೆ ನಿರೂಪಿಸಿದರು. ಎಸ್.ಡಿ.ಖಾಜಿ ವಂದಿಸಿದರು.