‘ಶೋಲೆ’ ಚಿತ್ರಕ್ಕೆ 50: ಬೆಟ್ಟಕ್ಕಿಲ್ಲ ಅಭಿವೃದ್ಧಿ ಒತ್ತು

ರಾಮನಗರ: ರಾಮನಗರದಲ್ಲಿರುವ ರಾಮದೇವರಬೆಟ್ಟದಲ್ಲಿ ಚಿತ್ರೀಕರಣಗೊಂಡ ಬಾಲಿವುಡ್ ಎವರ್ ಗ್ರೀನ್ ‘ಶೋಲೆ’ ಚಿತ್ರ ಬಿಡುಗಡೆಗೊಂಡು ಇಂದಿಗೆ 50 ವರ್ಷ ಪೂರ್ಣಗೊಳಿಸುತ್ತಿದೆ.

70-80ರ ದಶಕದಲ್ಲಿ ನಿರ್ಮಾಣವಾದ ಶೋಲೆ ಚಲನಚಿತ್ರದ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು ಸೃಷ್ಟಿಸಿದೆ.

ಈ ಸಿನಿಮಾದ ಹೆಸರು ಕೇಳಿದಾಕ್ಷಣ ರಾಮನಗರ ಜಿಲ್ಲೆಯ ರಾಮದೇವರ ಬೆಟ್ಟ ನೆನಪಾಗುತ್ತದೆ. ಚಿತ್ರದಲ್ಲಿನ ಕಾಲ್ಪನಿಕ ಗ್ರಾಮ ರಾಮಘಡ್​ನ ಸಿನಿಮಾ ಚಿತ್ರೀಕರಣ ನಡೆದಿದ್ದು ರಾಮನಗರದಲ್ಲಿ. ಗಬ್ಬರ್‌ಸಿಂಗ್​ನ ದೃಶ್ಯಗಳ ಚಿತ್ರೀಕರಣ ನಡೆದ ಈ ಬೆಟ್ಟ ಇವತ್ತಿಗೂ ಶೋಲೆ ಬೆಟ್ಟ ಎಂದೇ ಫೇಮಸ್​. 50 ವರ್ಷ ಪೂರೈಸಿರುವ ‘ಶೋಲೆ’ ಚಿತ್ರ ಮಾಡಿದ ದಾಖಲೆಗಳು ಒಂದೆರಡಲ್ಲ. ಈ ಚಿತ್ರ ಅಮಿತಾಬ್‌ ಬಚ್ಚನ್ ಅವರ ವೃತ್ತಿಜೀವನಕ್ಕೆ ಹೊಸ ತಿರುವು ನೀಡಿತು. ಚಿತ್ರದಲ್ಲಿ ನಟಿಸಿದ ಎಲ್ಲಾ ಕಲಾವಿದರು ಭರ್ಜರಿ ಮೈಲೇಜ್ ಪಡೆದರು. 24 ಕೋಟಿ ರುಪಾಯಿ ಬಜೆಟ್‌ ಈ ಚಿತ್ರ ಸಾವಿರಾರು ಕೋಟಿ ಗಳಿಸಿ ಅತಿ ಹೆಚ್ಚು ವೀಕ್ಷಣೆ ಕಂಡ ಚಿತ್ರ ಎಂಬ ಹೆಗ್ಗಳಿಕೆಗೂ ಪಾತ್ರವಾಯಿತು.

‘ಶೋಲೆ’ ಸಿನಿಮಾಗೆ ಈ ಮೊದಲು 25 ವರ್ಷ ತುಂಬಿದಾಗ ಸಿಲ್ವರ್ ಜೂಬ್ಲಿ ಆಚರಿಸಲಾಯಿತು. ಈ ವೇಳೆ 100ಕ್ಕೂ ಅಧಿಕ ಥಿಯೇಟರ್​ಗಳಲ್ಲಿ ಇದನ್ನು ಸಂಭ್ರಮಿಸಲಾಯಿತು. ಮುಂಬೈನ ಮಿನರ್ವಾ ಥಿಯೇಟರ್​ನಲ್ಲಿ ಈ ಚಿತ್ರ 5 ವರ್ಷಕ್ಕೂ ಅಧಿಕ ಕಾಲ ಪ್ರದರ್ಶನ ಕಂಡಿತು. ಅತಿ ದೀರ್ಘ ಕಾಲ(286 ವಾರ) ಪ್ರದರ್ಶನ ಕಂಡ ಸಿನಿಮಾ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿತ್ತು.

50ನೇ ವಾರ್ಷಿಕೋತ್ಸವ ಆಚರಿಸಿಕೊಳ್ಳುತ್ತಿರುವ ಶೋಲೆ ಚಿತ್ರವನ್ನು ಕೇವಲ ಶ್ರೇಷ್ಠ ಚಿತ್ರವಾಗಿ ಮಾತ್ರವಲ್ಲದೆ, ಭಾರತದಲ್ಲಿ ಸಿನಿಮಾ ಕಾನ್ಸೆಪ್ಟ್​​ ಬದಲಾಯಿಸಿದ ಸಾಂಸ್ಕೃತಿಕ ಸಂಸ್ಥೆಯಾಗಿಯೂ ಗುರುತಿಸಲಾಗುತ್ತಿದೆ. ಶೋಲೆ ಚಿತ್ರವನ್ನು ಅದರ ಆಕರ್ಷಕ ನಿರೂಪಣೆ, ಮರೆಯಲಾಗದ ಪಾತ್ರಗಳು ಮತ್ತು ಹೊಸ ಟೆಕ್ನಿಕ್​ಗಳಿಂದಾಗಿ ಪ್ರತಿ ಪೀಳಿಗೆಗೂ ಒಂದು ಮೈಲಿಗಲ್ಲಾಗಿ ಸೂಚಿಸಲಾಗುತ್ತದೆ.

ಚಿತ್ರ ಫೇಮಸ್ಸಾದರು ಅಭಿವೃದ್ಧಿ ಕಾಣದ ಬೆಟ್ಟ:

ರಾಜ್ಯದ ಜನರಿಗೆ ಧಾರ್ಮಿಕ ಹಿನ್ನೆಲೆಯ ರಾಮದೇವರ ಬೆಟ್ಟ ಎಂದೂ, ಹೊರ ರಾಜ್ಯದವರಿಗೆ ಶೋಲೆ ಬೆಟ್ಟ ಎಂದೂ ಪರಿಚಿತವಾಗಿ ನಿಗೂಢ, ರುದ್ರರಮಣೀಯ ಗುಡ್ಡಗಳ ಸಮೂಹವಾಗಿರುವ ರಾಮದೇವರ ಬೆಟ್ಟಕ್ಕೆ ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುತ್ತಿದ್ದಾರೆ.

ಪ್ಲಾಸ್ಟಿಕ್‌ ಮುಕ್ತವಾಗದ ಪ್ರದೇಶ..!:

ಬಾಕ್ಸ್‌...........

ಕರ್ನಾಟಕ ಪ್ರವಾಸೋದ್ಯಮ ಇಲಾಖೆ ಶೋಲೆ ಚಿತ್ರಿಕರಣಗೊಂಡ ರಾಮದೇವರ ಬೆಟ್ಟದಲ್ಲಿ ಶೋಲೆ ಚಿತ್ರದ ದೃಶ್ಯಗಳನ್ನು ತ್ರೀಡಿ ರೂಪದಲ್ಲಿ ಕಟ್ಟಿಕೊಡುವ "ತ್ರೀ ಡಿ ವರ್ಚುವಲ್ ರಿಯಾಲಿಟಿ ವಿಲೇಜ್ " ಅನ್ನು ನಿರ್ಮಿಸುವ ಪ್ರಯತ್ನಕ್ಕೆ ಮುಂದಾಗಿತ್ತು. ಹೊಸ ತಂತ್ರಜ್ಞಾನದಿಂದಕ ತಲೆ ಎತ್ತಲಿದ್ದ ಶೋಲೆ ತ್ರೀಡಿ ವಿಲೇಜ್ ಪ್ರಕಾರ, ನವೀನ ಬಗೆಯ ದೃಶ್ಯ ಶ್ರಾವ್ಯ ತಂತ್ರಜ್ಞಾನ, ಹಳ್ಳಿಯ ಮರುಸೃಷ್ಟಿ, ಲೇಸರ್ ತಂತ್ರಜ್ಞಾನ, ವರ್ಚುವಲ್ ರಿಯಾಲಿಟಿ 3ಡಿ ತಂತ್ರಜ್ಞಾನ, ಮಲ್ಟಿಪಲ್ ಸೀನ್ಸ್ ಆಯಾಮಗಳನ್ನು ಉಪಯೋಗಿಸಿಕೊಂಡು ಹಳ್ಳಿಯನ್ನು ಮರು ಸೃಷ್ಟಿ ಮಾಡುವ ಉದ್ದೇಶ ಹೊಂದಲಾಗಿತ್ತು.

ಬಾಕ್ಸ್‌................

ಶ್ರೀ ರಾಮದೇವರ ಬೆಟ್ಟ ಜಿಲ್ಲಾ ಕೇಂದ್ರವಾದ ರಾಮನಗರದಿಂದ ಕೇವಲ 3 ಕಿ.ಮೀ ದೂರದಲ್ಲಿದೆ. ಬೆಂಗಳೂರಿನಿಂದ ರಾಮನಗರಕ್ಕೆ ಬರುವಾಗ, ರಾಮನಗರಕ್ಕೆ ಪ್ರವೇಶಿಸುತ್ತಿದ್ದಂತೆ ಬಲಭಾಗದಲ್ಲಿ ಶ್ರೀ ರಾಮದೇವರ ಬೆಟ್ಟಕ್ಕೆ ದಾರಿ ಎಂದು ಫಲಕ ಕಾಣುತ್ತದೆ ಹಾಗೂ ಇಲ್ಲಿ ದೇವಾಲಯದ ಬಗ್ಗೆ ಒಂದು ದೊಡ್ಡ ಕಮಾನು ನಿರ್ಮಿಸಿದ್ದಾರೆ. ಇಲ್ಲಿಂದ 3 ಕಿ.ಮೀ. ರಸ್ತೆಯಲ್ಲಿ ಕ್ರಮಿಸಿದರೆ ರಾಮದೇವರ ಬೆಟ್ಟದ ಕೆಳಭಾಗ ತಲುಪಬಹುದು. ಬೆಟ್ಟದ ಮೇಲೆ ಹತ್ತಲು ಮೆಟ್ಟಿಲುಗಳ ವ್ಯವಸ್ಥೆ ಇದೆ. ರಾಮದೇವರ ಬೆಟ್ಟ ಅರಣ್ಯ ವ್ಯಾಪ್ತಿಗೆ ಬರುವ ಬೆಟ್ಟಗಳಲ್ಲಿ ಒಂದು. ಭಾರತೀಯ ಚಿತ್ರರಂಗದ ಮೈಲಿಗಲ್ಲು ಎನಿಸಿರುವ ರಮೇಶ್ ಸಿಪ್ಪಿ ನಿರ್ದೇಶನದ ’ಶೋಲೆ’ ಚಿತ್ರದ ಚಿತ್ರೀಕರಣ ನಡೆದಿರುವ ರಾಮದೇವರ ಬೆಟ್ಟವನ್ನು ಇಂದಿಗೂ ಜನ ಪ್ರೀತಿಯಿಂದ ರಾಮ್‌ಘಡ್ ಎಂದೇ ಕರೆಯುತ್ತಾರೆ.

ರಾಮನಗರದ ರಾಮದೇವರ ಬೆಟ್ಟದಲ್ಲಿ ಚಿತ್ರೀಕರಣಗೊಂಡ ಶೋಲೆ ಚಿತ್ರದ ದೃಶ್ಯಗಳು.