ಪ್ರಥಮ ತಾಲೂಕು ಅಕ್ಷರ ಜಾತ್ರೆಗೆ ಭರದ ಸಿದ್ಧತೆ

ಕನ್ನಡಪ್ರಭ ವಾರ್ತೆ ತಾಳಿಕೋಟೆ

ಪಟ್ಟಣದ ಕನ್ನಡ ಸಾಹಿತ್ಯ ಪರಿಷತ್ ಕಚೇರಿಯಲ್ಲಿ ಸಾಹಿತ್ಯ ಸಮ್ಮೇಳನದ ಆಮಂತ್ರಣ ಪತ್ರಿಕೆ ಬಿಡುಗಡೆಗೊಳಿಸಿ ಮಾತನಾಡಿದರು. ಸಮ್ಮೇಳನದ ಮಹಾ ವೇದಿಕೆಗೆ ಶ್ರೀ ಖಾಸ್ಗತೇಶ್ವರ ಮಹಾ ಸ್ವಾಮಿಗಳ ಪ್ರಧಾನ ವೇದಿಕೆ ಎಂದು ಹೆಸರಿಡಲಾಗಿದ್ದು, ಬೆಳಿಗ್ಗೆ ೮ಕ್ಕೆ ರಾಷ್ಟ್ರ ಧ್ವಜಾರೋಹಣ, ನಾಡ ಧ್ವಜಾರೋಹಣ, ಪರಿಷತ್ತಿನ ಧ್ವಜಾರೋಹಣ, ಪುಸ್ತಕ ಮಳಿಗೆ ಉದ್ಘಾಟನೆ, ದಾಸೋಹ ಮನೆ ಉದ್ಘಾಟನೆ ನಡೆಯಲಿದೆ ಎಂದರು.

ಮಧ್ಯಾಹ್ನ ೨.೧೫ಕ್ಕೆ ಮಹಿಳಾ ಗೋಷ್ಠಿ, ನಂತರ ಕರ್ನಾಟಕ ಸುವರ್ಣ ಸಂಭ್ರಮ-೫೦ ನಿಮಿತ್ತ ಕನ್ನಡ ಸಾಹಿತ್ಯ ಪರಿಷತ್ತಿನಿಂದ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಸಾಧಕರಿಗೆ ಗೌರವ ಪುರಸ್ಕಾರ ಜರುಗಲಿದೆ. ಮತ್ತು ಜಾನಪದ ಚಿಂತನ ಗೋಷ್ಠಿ ನಡೆಯಲಿವೆ. ಸಂಜೆ ೬.೧೫ಕ್ಕೆ ತಾಳಿಕೋಟೆ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಪದಾಧಿಕಾರಿಗಳಿಂದ ಬಹಿರಂಗ ಅಧಿವೇಶನ, ಸಾನಿಧ್ಯವನ್ನು ಕುಂಟೋಜಿಯ ಶ್ರೀ ಡಾ.ಚನ್ನವೀರ ಸ್ವಾಮಿಗಳು ವಹಿಸುವರು. ಉದ್ಘಾಟನೆಯನ್ನು ಮಾಜಿ ಶಾಸಕ ಎ.ಎಸ್.ಪಾಟೀಲ(ನಡಹಳ್ಳಿ), ಮಾಜಿ ಶಾಸಕ ಸೋಮನಗೌಡ ಪಾಟೀಲ(ಸಾಸನೂರ) ನೇರವೇರಿಸುವರು.

ಈ ವೇಳೆ ಕಸಾಪ ಗೌರವಾಧ್ಯಕ್ಷ ಎಚ್.ಎಸ್.ಪಾಟೀಲ, ಸಾತು ಗೊಂಗಡಿ, ವಿಜಯಸಿಂಗ್ ಹಜೇರಿ, ಸಚೀನ ಪಾಟೀಲ, ಆರ್.ಬಿ.ದಾನಿ, ಡಾ.ನಜೀರ ಕೊಳ್ಯಾಳ, ಹುಸೇನ ಮಕಾಂದಾರ, ರಾಜು ಹಂಚಾಟೆ, ಆರ್.ಐ.ಜಾಲವಾದಿ, ಎಸ್.ವ್ಹಿ.ಜಾಮಗೊಂಡಿ, ಆನಂದ ಮದರಕಲ್ಲ, ಚಿತ್ತರಗಿ, ಎಂ.ಆರ್.ಪಾಟೀಲ, ಪ್ರಭು ಗುಡಗುಂಟಿ, ಸುರೇಶ ನಾರಿ ಇದ್ದರು.