ಸರ್ಕಾರ ವಿಸರ್ಜನೆ ಬಳಿಕ ವಿಧಾನಸೌಧ ಬಿಕೋ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಸಚಿವರು, ಅಧಿಕಾರಿಗಳು, ಸಾರ್ವಜನಿಕರಿಂದ ಸದಾ ಚಟುವಟಿಕೆಯಿಂದ ಕೂಡಿರುತ್ತಿದ್ದ ಶಕ್ತಿ ಸೌಧದಲ್ಲಿ ಶುಕ್ರವಾರದಿಂದಲೇ ಬಹುತೇಕ ಹಿರಿಯ ಅಧಿಕಾರಿಗಳು, ಸಾರ್ವಜನಿಕರ ಸಂಖ್ಯೆ ಕಡಿಮೆಯಾಗಿತ್ತು. ಸರ್ಕಾರ ವಿಸರ್ಜನೆ ಆದೇಶ ಹೊರಡುತ್ತಿದ್ದಂತೆ ಕಚೇರಿಯ ಸಿಬ್ಬಂದಿ ವಿಧಾನಸೌಧ ಹಾಗೂ ವಿಕಾಸಸೌಧದಲ್ಲಿ ಇರುವ ಸಚಿವರ ಹೆಸರಿನ ನಾಮಫಲಕ ತೆರವುಗೊಳಿಸಿ ಕಚೇರಿಗೆ ಬೀಗ ಹಾಕಿದರು.

ಕೊಂಚ ಕಾಲ ಬಂದ ಕಳೆ:

ಶಾಸಕಾಂಗ ಸಭೆಗೆ ಬರುವ ಶಾಸಕರ ವಾಹನಗಳನ್ನು ಹೊರತುಪಡಿಸಿ ಬೆಂಬಲಿಗರ ವಾಹನಗಳ ಪ್ರವೇಶಕ್ಕೆ ಅವಕಾಶವಿರಲಿಲ್ಲ. ಹೀಗಿದ್ದರೂ ವಿಧಾನಸೌಧ ಆವರಣ ವಾಹನಗಳಿಂದ ತುಂಬಿತ್ತು. ಕೆಲ ಶಾಸಕರ ವಾಹನ ನಿಲುಗಡೆಗೆ ಪರದಾಡುತ್ತಿರುವುದು ಕಂಡು ಬಂತು.