ಕಾಂತೇಶ ನೇತೃತ್ವದಲ್ಲಿ ಇಂದು ಅಯ್ಯಪ್ಪ ಸ್ವಾಮಿ ಮಹಾ ಪೂಜೆ

ಜಿಲ್ಲೆಯಲ್ಲಿ ಮೊದಲ ಬಾರಿಗೆ ಎಲ್ಲಾ ಸನ್ನಿಧಾನಗಳು ಸೇರಿ ಅಯ್ಯಪ್ಪನ ಆರಾಧನೆ

ಶಬರಿಮಲೈ ಅಯ್ಯಪ್ಪ ಸೇವಾ ಸಮಾಜಂ ಹಾಗೂ ಅಖಿಲ ಭಾರತೀಯ ಅನ್ನದಾನ ಸಮಿತಿಯ ಸದಸ್ಯರೂ ಆಗಿರುವ ಕೆ.ಈ. ಕಾಂತೇಶ ಅಯ್ಯಪ್ಪ ಮಾಲೆ ಧರಿಸಿ ಗುರುಸ್ವಾಮಿಗಳು ಆಗಿದ್ದು, ಅವರ ಇಚ್ಛಾಶಕ್ತಿಯಿಂದ ಅಯ್ಯಪ್ಪಸ್ವಾಮಿ ಮಹಾಪೂಜೆ ಮತ್ತು ಮಹಾ ಪ್ರಸಾದ ನಡೆಯಲಿದ್ದು, ಜಿಲ್ಲೆಯ ಎಲ್ಲಾ ಅಯ್ಯಪ್ಪ ಸನ್ನಿಧಾನಗಳ ಗುರುಗಳು ಹಾಗೂ ಅಯ್ಯಪ್ಪ ಮಾಲಾಧಾರಿಗಳು ಒಂದೆಡೆ ಸೇರುತ್ತಿರುವುದು ಜಿಲ್ಲೆಯ ಇತಿಹಾಸದಲ್ಲಿ ಇದೇ ಮೊದಲು.

ವಿಶೇಷತೆ

ಇದರೊಟ್ಟಿಗೆ ಸತತವಾಗಿ 25 ವರ್ಷಗಳಿಂದ ಶಬರಿ ಮಲೈ ಯಾತ್ರೆ ಮಾಡಿದ ಹಿರಿಯ ಗುರುಸ್ವಾಮಿಗಳಿಗೆ ವಿಶೇಷ ಗೌರವ ಸಲ್ಲಿಸುವ ಮೂಲಕ ಸಮಾಜದಲ್ಲಿ ಸಾತ್ವಿಕ ಗುಣವನ್ನು ಸಾರ್ವಜನಿಕವಾಗಿ ಬೃಹತ್ ಪ್ರಮಾಣದಲ್ಲಿ ಗೌರವಿಸುವುದು ಇದರ ಉದ್ದೇಶವಾಗಿದೆ.

ಅಯ್ಯಪ್ಪ ಭಕ್ತರು ಮಾತ್ರವಲ್ಲ ಜಿಲ್ಲೆಯ ಎಲ್ಲಾ ಜನರು ಪಾಲ್ಗೊಳ್ಳುವಂತಾ ಬಹುದೊಡ್ಡ ಪೂಜಾ ಕಾರ್ಯಕ್ರಮ ಇದಾಗಿದೆ. ಕೆ.ಈ.ಕಾಂತೇಶ ಗುರುಸ್ವಾಮಿ ಅವರು ಕಳೆದ 25 ವರ್ಷದ ಶಬರಿಮೈಲೆ ಯಾತ್ರೆ ಹಿನ್ನೆಲೆಯಲ್ಲಿ ಎಲ್ಲಾ ಭಕ್ತರನ್ನು ಒಂದೆಡೆ ನೋಡುವಂತಾ ಭಾಗ್ಯ ಸಿಗಲಿದೆ ಸಂಘಟಕ ರಮೇಶ ಸಜ್ಜಗಾರ ಹೇಳಿದರು.