ಶೃಂಗೇರಿಯಲ್ಲಿ ಮುಸ್ಲಿಂ ಭಾಂದವರಿಂದ ಸಂಭ್ರಮ ಸಡಗರದ ಬಕ್ರೀದ್ ಆಚರಣೆ

ಶೃಂಗೇರಿ: ತಾಲೂಕಿನಾದ್ಯಂತ ಶನಿವಾರ ಮುಸ್ಲಿಂ ಭಾಂದವರು ಬಕ್ರೀದ್ ಹಬ್ಬವನ್ನು ಸಂಭ್ರಮ ಸಡಗರದಿಂದ ಆಚರಿಸಿದರು. ಬೆಳಿಗ್ಗೆ ಪಟ್ಟಣದ ಜಾಮೀಯ ಮಸೀದಿಯಲ್ಲಿ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದರು. ಧಾರ್ಮಿಕ ಉಪನ್ಯಾಸ, ಕುರಾನ್ ಪಠಣ ನಡೆಯಿತು. ನಮಾಜ್ ನಂತರ ಮಸೀದಿಯಲ್ಲಿ, ಮಸೀದಿ ಎದುರು ಹಿರಿಯರು, ಮಕ್ಕಳು ಎನ್ನದೇ ಪರಸ್ಪರ ಹಸ್ತಲಾಘವ, ಆಲಿಂಗನ ಮಾಡಿಕೊಳ್ಳುವ ಮೂಲಕ ಹಬ್ಬದ ಶುಭಾಶಯ ವಿನಿಮಯ ಮಾಡಿಕೊಂಡರು.

ನಂತರ ಮಸೀದಿ ಮುಂಬಾಗದಿಂದ ಹಬ್ಬದ ಮೆರವಣಿಗೆ ಹೊರಟು ಭಾರತೀ ಬೀದಿಯಲ್ಲಿ ಶಾಂತಿಯುತವಾಗಿ ಸಾಗಿತು. ಗೋರಿಗುಡ್ಡೆಯಲ್ಲಿರುವ ಹಜರತ್ ಮೆಹಬೂಬ್ ಆಸ್ತಾನೆ ಜಹೂರ್ ಶಾ ದರ್ಗಾದಲ್ಲಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು. ಪಟ್ಟಣದ ಅಲ್ ಬದ್ರಿಯಾ ಮಸೀದಿಯಲ್ಲಿಯೂ ಬೆಳಿಗ್ಗೆ ಸಾಮೂಹಿಕ ಈದ್ ನಮಾಜ್ ನಡೆಯಿತು. ಧಾರ್ಮಿಕ ಉಪನ್ಯಾಸ,ಕುರಾನ್ ಪಠಣ ನೆಡೆಯಿತು.

7 ಶ್ರೀ ಚಿತ್ರ 1-ಶೃಂಗೇರಿ ಪಟ್ಟಣದಲ್ಲಿ ಮುಸ್ಲಿಂ ಭಾಂದವರು ಶನಿವಾರ ಬಕ್ರೀದ್ ಅಂಗವಾಗಿ ಹಬ್ಬದ ಮೆರವಣಿಗೆ ನಡೆಸಿದರು.