ಅಪಾಯಕಾರಿ ತೊರೆಗೆ ಸ್ನಾನಕ್ಕೆ ಇಳಿದಿದ್ದವರ ಬಟ್ಟೆ ಹೊತ್ತೊಯ್ದ ಪೊಲೀಸರು!

ಕನ್ನಡಪ್ರಭ ವಾರ್ತೆ ಬೆಳ್ತಂಗಡಿ

ಈ ವೇಳೆ ಯುವಕರು ಪೊಲೀಸರ ಜತೆ ವಾಗ್ವಾದ ನಡೆಸಿದ್ದು ಇದಕ್ಕೆ ಬಗ್ಗದ ಪೊಲೀಸರು ಅವರನ್ನು ಚೆನ್ನಾಗಿ ತರಾಟೆಗೆ ತೆಗೆದುಕೊಂರು. ಬಳಿಕ ಯುವಕರಿಗೆ ತಮ್ಮ ತಪ್ಪಿನ ಅರಿವಾಗಿ ಕ್ಷಮೆಯಾಚಿಸಿ ಬಟ್ಟೆಗಳನ್ನು ಕೊಡುವಂತೆ ಅಂಗಲಾಚಿದರು. ಪೊಲೀಸರು ಸಾಕಷ್ಟು ಬುದ್ಧಿವಾದ ಮತ್ತು ಅಪಾಯದ ಕುರಿತು ವಿವರಿಸಿ ಎಚ್ಚರಿಕೆ ನೀಡಿ ನಂತರ ಬಟ್ಟೆಗಳನ್ನು ಹಿಂದಿರುಗಿಸಿದರು. ಮೋಜು-ಮಸ್ತಿ ನಿರಂತರ: ಚಾರ್ಮಾಡಿಯಲ್ಲಿ ಧುಮ್ಮಿಕ್ಕುವ ಜಲಪಾತ, ಹಳ್ಳ, ತೊರೆಗಳಿಗೆ ಇಳಿಯುವುದು ಕಲ್ಲು ಬಂಡೆ ಹತ್ತುವುದು ಪ್ರವಾಸಿಗರಿಂದ ನಿರಂತರ ನಡೆಯುತ್ತಿದ್ದು ಪೊಲೀಸರಿಗೆ ತಲೆ ನೋವಾಗಿ ಪರಿಣಮಿಸಿದೆ‌. ಗಸ್ತು ನಿರತ ಪೊಲೀಸರು ಘಾಟಿಯ ಅಪಾಯಕಾರಿ ಸ್ಥಳಗಳಲ್ಲಿ ಒಂದು ಕಡೆಯಿಂದ ಇನ್ನೊಂದು ಕಡೆ ತೆರಳುವಾಗ ಪ್ರವಾಸಿಗರು ಮತ್ತೆ ಮೋಜು- ಮಸ್ತಿಯಲ್ಲಿ ತೊಡಗುತ್ತಾರೆ. ಪ್ರವಾಸಿಗರು ಮನರಂಜನೆ ನೆಪದಲ್ಲಿ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳುತ್ತಿದ್ದು ಪೊಲೀಸರ ಎಚ್ಚರಿಕೆಯನ್ನು ಪರಿಗಣಿಸುತ್ತಿಲ್ಲ.

ಕಳೆದ ಕೆಲವು ದಿನಗಳಿಂದ ಚಾರ್ಮಾಡಿ ಘಾಟಿ ಸಹಿತ ಬೆಳ್ತಂಗಡಿ ತಾಲೂಕಿನಲ್ಲಿ ಭಾರಿ ಮಳೆ ಸುರಿದಿದ್ದು ಘಾಟಿಯ ಜಲಪಾತ, ತೊರೆಗಳು ತುಂಬಿ ಹರಿಯುತ್ತಿದ್ದು ಅಪಾಯಕಾರಿಯಾಗಿವೆಯಾದರೂ ಆಕರ್ಷಕವಾಗಿವೆ. ಇಲ್ಲಿನ ಕಲ್ಲು, ಬಂಡೆ ತಡೆಗೋಡೆ ವಿಪರೀತ ಜಾರುತ್ತಿದೆ. ಮಂಜು ಕವಿದ ವಾತಾವರಣ ಮುಂಭಾಗದಿಂದ ಬರುವ ವಾಹನ ಕಾಣದಷ್ಟು ದಟ್ಟವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ರಸ್ತೆ ಮೇಲೆ ಹುಚ್ಚಾಟ ನಡೆಸುವ ಪ್ರವಾಸಿಗರು ವಾಹನ ಸವಾರರಿಗೆ ಸವಾಲಾಗುತ್ತಿದ್ದಾರೆ. ಘಾಟಿಯ ಕೆಲವೆಡೆ ತಡೆಗೋಡೆ, ರಸ್ತೆ ಅಪಾಯದ ಸ್ಥಿತಿಯಲ್ಲಿದ್ದು ವಾಹನ ಸವಾರರು ಹೆಚ್ಚಿನ ಮುನ್ನೆಚ್ಚರಿಕೆ ವಹಿಸುವುದು ಅಗತ್ಯವಾಗಿದೆ.