ನಕಲಿ ದಾಖಲೆ ಸೃಷ್ಟಿಸಿ ಎಸ್ಸಿ, ಎಸ್ಟಿ ಜಾಗ ಮಾರಾಟ ಖಂಡನೆ

ಕನ್ನಡಪ್ರಭ ವಾರ್ತೆ ಹಾಸನ

೧೯೮೪-೮೫ ರಿಂದಲೂ ಸಾಗುವಳಿ ಮಾಡಿಕೊಂಡು ಸ್ವಾಧೀನಾನುಭವದಲ್ಲಿ ಇದ್ದುಕೊಂಡು ಈ ಜಮಿನಿನಿಂದಲೇ ಜೀವನವನ್ನು ನಡೆಸಿಕೊಂಡು ಬಂದಿದ್ದಾರೆ. ಸುಮಾರು ೨೫ ರಿಂದ ೩೦ ವರ್ಷಗಳು ಉಳುಮೆ ಮಾಡಿಕೊಂಡು ಅನುಭವದಲ್ಲಿ ಇರುವಾಗಲೇ ಚನ್ನರಾಯಪಟ್ಟಣದ ನಿವಾಸಿಯಾದ (ಆಶ್ವಿನಿ ಮೋಟಾರ್, ಹಾಸನ) ಪದ್ಮರಾಜ್ ಸ್ವಾಮಿ ಎಂಬುವವರು ೨೦ ಎಕರೆ ಜಮೀನನ್ನು ನಾವು ಹೇಮಾವತಿ ಮುಳುಗಡೆದಾರರಿಂದ ಕೊಂಡುಕೊಂಡಿದ್ದೇವೆ. ಈ ಜಾಗ ನಮಗೆ ಸೇರಿದ್ದು, ಎಂದು ಹೇಮಾವತಿ ಮುಳುಗಡೆಗೆ ಮೀಸಲಿರುವ ಜಾಗಕ್ಕೆ ಹೋಗದೆ ಮೂಲ ಮಂಜೂರಿದಾರರು ಬರದೆ ಸದರಿಯವರ ಮೂಲ ಮಂಜೂರಿ ದಾಖಲೆಗಳನ್ನು ನಾಶಪಡಿಸಿ ಈ ಜಾಗದಲ್ಲಿ ಸ.ರ್ವೇ ನಂ- ೫೭,೮೮,೫೯,೬೦,೬೧ ಎಂಬುದಾಗಿ ಈ ಜಾಗವನ್ನು ಅಧಿಕಾರಿಗಳ ಸಹಾಯದಿಂದ ಕೂತಲ್ಲಿಯೇ ದುರಸ್ತಿಯನ್ನು ಮಾಡಿಕೊಂಡಿದ್ದಲ್ಲದೇ ಜಾಗವನ್ನು ಬಿಡಿಸಿಕೊಳ್ಳಲು ಬಾಡಿಗೆ ರೌಡಿಗಳನ್ನು ಕರೆದುಕೊಂಡು ಬಂದು ಬೆದರಿಸುತ್ತಿದ್ದಾರೆ ಎಂದು ದೂರಿದರು.

ನಾವುಗಳು ಸ್ವಾಧೀನ ಬಿಡದ ಕಾರಣ ಪದ್ಮರಾಜ್ ಹಾಗು ಸ್ವಾಮಿ ರವರು ೨೦೧೮ ರಲ್ಲಿ ಕಲ್ಯಾಣ್ ಕುಮಾರ್ ಬಿನ್ ರಂಗೇಗೌಡ ಮತ್ತು ರಾಜಶೇಖರ್ ಪಿ.ಆರ್. ಬಿನ್ ರಂಗೇಗೌಡ ಅವರು ಹಣಬಲ, ರಾಜಕೀಯ ಬಲದಿಂದ ನಾವು ಈ ಜಮೀನನ್ನು ಬಿಡಿಸಿಕೊಳ್ಳುತ್ತೇವೆ ಎಂದು ಪದ್ಮರಾಜ್ ರವರಿಂದ ಜಮೀನನ್ನು ಖರೀದಿಸಿರುತ್ತಾರೆ. ತಾವುಗಳು ಮೇಲಿನ ಅಂಶಗಳನ್ನು ಪರಿಗಣನೆಗೆ ತೆಗೆದುಕೊಂಡು ಹಾಗೂ ಮೂಲ ದಾಖಲೆಗಳನ್ನು ಪರಿಶೀಲಿಸಿ ಜಿಲ್ಲಾಧಿಕಾರಿಗಳು ಖುದ್ದು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಹೆಚ್.ಆರ್.ಪಿ. ಜಾಗವೆಂದು ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಕ್ಕೆ ಮಂಜೂರಾಗಿದ್ದ ಸರ್ಕಾರಿ ಭೂಮಿಯನ್ನು ಆಲೂರು ತಾಲ್ಲೂಕು ಸಂಭಂದಪಟ್ಟ ಅಧಿಕಾರಿಗಳು ಹಾಗೂ ಉದ್ಯಮಿದಾರರು ನಕಲಿ ದಾಖಲೆಗಳನ್ನು ಸೃಷ್ಟಿಮಾಡಿ ಮಾರಾಟ ಮಾಡಿರುವವರ ವಿರುದ್ಧ ಕ್ರಮ ಕಾನೂನು ಕ್ರಮ ಕೈಗೊಂಡು ಸಂತ್ರಸ್ಥರ ಭೂಮಿಯನ್ನು ಉಳಿಸಿಕೊಡಬೇಕೆಂದು ಒತ್ತಾಯಿಸಿದರು. ಭೀಮ್ ಆರ್ಮಿ ಜಿಲ್ಲಾ ಉಪಾಧ್ಯಕ್ಷ ನವೀನ್ ಸಾಲಗಾಮೆ, ತಾಲೂಕು ಅಧ್ಯಕ್ಷ ಡಿ.ಕೆ. ಹೇಮಂತ್, ಆಲೂರು ತಾಲೂಕು ಉಪಾಧ್ಯಕ್ಷ ಗಿರೀಶ್, ಕಾರ್ಯದರ್ಶಿ ರಘುಚಂದ್ರ, ಖಜಾಂಚಿ ಸಿದ್ದೇಶ್, ಗ್ರಾಮಸ್ಥರಾದ ಸಿದ್ದಯ್ಯ, ಚಿಕ್ಕಯ್ಯ, ಸಗನಯ್ಯ, ಚಂದ್ರಮ್ಮ, ಮಲ್ಲೇಶ್, ದ್ಯಾವಯ್ಯ, ದೊಡ್ಡಯ್ಯ ಉಪಸ್ಥಿತರಿದ್ದರು.