ದಾಂಡೇಲಿಯಲ್ಲಿ ಪಾಳು ಬಿದ್ದ ಎಸ್‌ಬಿಎಂ, ಆರಕ್ಷಕ ವಸತಿ ಗೃಹಗಳು

ಗುರುಶಾಂತ ಜಡೆಹಿರೇಮಠ

ಮನೆಗಳ ಸ್ಲ್ಯಾಬ್‌ಗಳಿಂದ ಮರಗಳು ಬೆಳೆದು ನಿಂತಿವೆ. ಮನೆಗಳ ಸುತ್ತ ಗಿಡ-ಗಂಟಿ ಬೆಳೆದಿವೆ. ಈ ಮನೆಗಳ ಸುತ್ತ ಭಯಾನಕ ವಾತಾವರಣವಿದೆ. ಪಾಳು ಬಿದ್ದ ಮನೆಗಳಲ್ಲಿ ಹುಳು-ಹುಪ್ಪಡಿ ಒಂದು ಕಡೆಯಾದರೆ, ಅಲ್ಲಿ ಇನ್ನು ಅನೇಕ ಜನವಿರೋಧಿ ಚಟುವಟಿಕೆಗಳಿಗೆ ದಾರಿ ಮಾಡಿಕೊಟ್ಟಿದ್ದು ದುರಂತವೇ ಸರಿ.

ಪೊಲೀಸ್‌ ಇಲಾಖೆಯಿಂದ ನಗರ ಪೊಲೀಸ್‌ ಠಾಣೆ, ಗ್ರಾಮೀಣ ಪೊಲೀಸ್‌ ಠಾಣೆಗಳ ಸಿಬ್ಬಂದಿಗಾಗಿ ಪೊಲೀಸ್‌ ಠಾಣೆ ಅಕ್ಕಪಕ್ಕದಲ್ಲಿ ವಸತಿಗೃಹ ಕಟ್ಟಲಾಗಿದೆ. ಸುಸಜ್ಜಿತವಾಗಿ ಸ್ಲ್ಯಾಬ್ ಹೊಂದಿದ ಮನೆಗಳು ನಿರ್ಮಾಣಗೊಂಡಿರುವುದರಿಂದ ಪೊಲೀಸರು ಈ ಮನೆಗಳಲ್ಲಿ ವಾಸಿಸುತ್ತಿದ್ದಾರೆ. ಟೌನ್‌ಶಿಪ್‌ದಲ್ಲಿನಲ್ಲಿರುವ ಹಳೆ ಮನೆಗಳಲ್ಲಿ ಉಳಿಯಲು ಯಾರೂ ಮುಂದೆ ಬರುತ್ತಿಲ್ಲ. ಎಲ್ಲ ಪೊಲೀಸ್ ಸಿಬ್ಬಂದಿ ನೂತನ ಮನೆಗಳಲ್ಲಿ ವಾಸ ಇರುವುದರಿಂದ ಟೌನ್‌ಶಿಪ್‌ನಲ್ಲಿರುವ ಗೃಹ ಮಂಡಳಿಯ ಮನೆಗಳು ಹೆಚ್ಚಿಗೆ ಪಾಳುಬಿದ್ದಿವೆ. ಸ್ಲ್ಯಾಬ್, ಗೋಡೆಗಳಿಗೆ ಗಿಡ-ಬಳ್ಳಿಗಳು ಬೆಳೆದು ನಿಂತಿವೆ. ಮನೆಗಳ ಕಿಟಕಿ, ಬಾಗಿಲುಗಳು ಮಾಯವಾಗಿವೆ. ಕೆಲವು ಮನೆಗಳ ಇಟ್ಟಿಗೆಗಳು ಕಳವಾಗಿವೆ. ಬಹುತೇಕ ಮನೆಗಳು ಕುಸಿಯುವ ಸ್ಥಿತಿಯಲ್ಲಿವೆ. ಈ ಮನೆಗಳ ವಿದ್ಯುತ್ ಲೈನ್ ಸಂಪರ್ಕ, ನೀರಿನ ಸಂಪರ್ಕಗಳನ್ನು ಕಡಿತಗೊಳಿಸಲಾಗಿದೆ.