ವೆಸ್ಕೊ ಕಂಪನಿಯಿಂದ ವಿದ್ಯಾರ್ಥಿಗಳಿಗೆ ಉಚಿತ ಲೇಖನ ಸಾಮಗ್ರಿ ವಿತರಣೆ

ಸಂಡೂರು: ತಾಲೂಕಿನ ಜೈಸಿಂಗ್‌ಪುರದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವೆಸ್ಕೊ ಕಂಪನಿ, ಸಾರ್ವಜನಿಕ ಶಿಕ್ಷಣ ಇಲಾಖೆ ಸಹಯೋಗದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ವೆಸ್ಕೊ ಕಂಪನಿಯಿಂದ ಸಂಡೂರು ಸೇರಿದಂತೆ ಸುತ್ತಲಿನ ಗ್ರಾಮಗಳಲ್ಲಿನ ಸರ್ಕಾರಿ, ಅನುದಾನಿತ ಶಾಲಾ ಕಾಲೇಜುಗಳಲ್ಲಿನ ವಿದ್ಯಾರ್ಥಿಗಳಿಗೆ ಶಾಲಾ ಫೀಜು, ಉಚಿತವಾಗಿ ಲೇಖನ ಸಾಮಗ್ರಿಗಳನ್ನು ವಿತರಿಸುವ ಕಾರ್ಯಕ್ಕೆ ಚಾಲನೆ ನೀಡಲಾಯಿತು.

ಕಂಪನಿಯ ವ್ಯವಸ್ಥಾಪಕ ಕೆ.ಎಸ್. ಚನ್ನಬಸಪ್ಪ ವಿದ್ಯಾರ್ಥಿಗಳಿಗೆ ಬ್ಯಾಗ್ ಮತ್ತಿತರ ಲೇಖನ ಸಾಮಗ್ರಿಗಳನ್ನು ವಿತರಿಸಿ, ವಿದ್ಯಾರ್ಥಿಗಳು ಇಂತಹ ಸೌಲಭ್ಯಗಳನ್ನು ಸದ್ಬಳಕೆ ಮಾಡಿಕೊಂಡು, ಉತ್ತಮ ಶಿಕ್ಷಣ ಪಡೆದು ಮುಂದೆ ಸಮಾಜದ ಉತ್ತಮ ಪ್ರಜೆಗಳಾಗಬೇಕು ಎಂದು ತಿಳಿಸಿದರು.

ಶಾಲೆಯ ಎಸ್‌ಡಿಎಂಸಿ ಅಧ್ಯಕ್ಷ ಹನುಮಂತಪ್ಪ, ಉಪಾಧ್ಯಕ್ಷೆ ಎಂ.ರೇಖಾ, ಶಿಕ್ಷಕರಾದ ರಾಜಣ್ಣ, ಕರುಣಾ, ಸಣ್ಣನಿಂಗಪ್ಪ, ಪುಷ್ಪಲತಾ, ಸೌಮ್ಯಾ, ಗ್ರಾಪಂ ಸದಸ್ಯ ಶ್ರೀಧರ, ಗ್ರಾಮ ಮುಖಂಡರಾದ ಪರಸಪ್ಪ, ಕುಮಾರಸ್ವಾಮಿ, ಭಜನಾ ಹುಲುಗಪ್ಪ, ಮ್ಯಾಗಳಮನೆ ನಾಗಪ್ಪ, ಮಲ್ಲಪ್ಪ, ವೆಂಕಟಗಿರಿಯ ಗಂಗಾಭವಾನಿ, ವಿದ್ಯಾರ್ಥಿಗಳು, ಕಂಪನಿಯ ಅಧಿಕಾರಿಗಳಾದ ಮಂದಾಲ್ ಶಶೀಧರ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.