ಮಹನೀಯರನ್ನು ಜಾತಿ ಆಧಾರಡಿ ಗುರುತಿಸಬೇಡಿ: ತಹಸೀಲ್ದಾರ್ ಶಿವಕುಮಾರ್‌

-ಹಾರೋಹಳ್ಳಿ ತಾಲೂಕು ಆಡಳಿತ, ನಾಯಕ ಸಮುದಾಯದ ಸಹಯೋಗದಲ್ಲಿ ವಾಲ್ಮೀಕಿ ಜಯಂತಿ

ತಾಲೂಕು ಆಡಳಿತ ಹಾಗೂ ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ವತಿಯಿಂದ ವಾಲ್ಮೀಕಿ ಜಯಂತಿಯನ್ನು ನಾಯಕ ಸಮುದಾಯ ಹಾಗೂ ಸಂಘ ಸಂಸ್ಥೆಗಳ ಸಂಯುಕ್ತ ಆಶ್ರಯದಲ್ಲಿ ವಾಲ್ಮೀಕಿ ಜಯಂತಿ ಆಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಲಾಯಿತು.

ತಹಸೀಲ್ದಾರ್ ಶಿವಕುಮಾರ್‌ ಮಾತನಾಡಿ, ವಾಲ್ಮೀಕಿಯನ್ನು ಮೊದಲ ಕವಿ ಅಥವಾ ಆದಿ ಕವಿ ಮತ್ತು ರಾಮಾಯಣದ ಗ್ರಂಥ ಕತೃ ಮೊದಲ ಮಹಾಕಾವ್ಯ ಎಂದು ಪೂಜಿಸಲಾಗುತ್ತಿದೆ, ಇತ್ತೀಚಿನ ದಿನಗಳಲ್ಲಿ ಸಮಾಜಕ್ಕೆ ದುಡಿದ ಮಹನೀಯರನ್ನು ಜಾತಿ ಆಧಾರದಲ್ಲಿ ಗುರುತಿಸುತ್ತಿರುವುದು ಉತ್ತಮ ಬೆಳವಣಿಗೆಯಲ್ಲ ಎಂದರು.

ಕೋಟೆ ಕುಮಾರ್ ಮಾತನಾಡಿ, ಹಾರೋಹಳ್ಳಿ ನೂತನ ತಾಲೂಕ್ಕಾಗಿ 2 ವರ್ಷ ಸಂದಿವೆ. ಮಹನೀಯರ ಜಯಂತಿ ಆಚರಣೆಗೆ ಸರ್ಕಾರಿ ಅಧಿಕಾರಿಗಳು ಗೈರುಹಾಜರಿ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದರು.

ಶಿಕ್ಷಕ ಪರಮೇಶ್ ಸಂಪನ್ಮೂಲ ವ್ಯಕ್ತಿಯಾಗಿ ಮಹರ್ಷಿ ವಾಲ್ಮೀಕಯವರ ಜೀವನ ಚರಿತ್ರೆಯನ್ನು ವಿವರಿಸಿದರು. ಪಟ್ಟಣ ಪಂಚಾಯಿತಿ ಅಧಿಕಾರಿ ಶ್ವೇತಬಾಯಿ, ಮುಖಂಡರಾದ ಬನಶಂಕರಿ ನಾಗು, ರುದ್ರೇಶ್, ಮರಳವಾಡಿ ಮಂಜುನಾಥ್, ಚಂದ್ರು, ರವಿ, ಅಂಗನವಾಡಿ ಕಾರ್ಯಕರ್ತೆಯರ ಸಂಘದ ಯಶೋಧಮ್ಮ, ಶಶಿಕಲಾ, ತೋಕಸಂದ್ರ ಪ್ರೇಮಕುಮಾರಿ, ಸೇರಿದಂತೆ ಹಾರೋಹಳ್ಳಿ, ಮರಳವಾಡಿ ಹೋಬಳಿಯ ನಾಯಕ ಸಮುದಾಯದವರು ಸಂಘ ಸಂಸ್ಥೆಗಳ ಪದಾಧಿಕಾರಿಗಳು, ಸಾರ್ವಜನಿಕರು ಪಾಲ್ಗೊಂಡಿದ್ದರು.