ಗುರುಗಳ ಬಗ್ಗೆ ತಾತ್ಸಾರ ಬೇಡ, ಅಭಿಮಾನವಿರಲಿ: ಶಿಕ್ಷಣತಜ್ಞ ಸುರೇಶ ಕುಲಕರ್ಣಿ

ಲಕ್ಷ್ಮೇಶ್ವರ: ದೇಶದ ಅಭಿವೃದ್ಧಿಗೆ ಎಂಜಿನಿಯರರ ಪಾತ್ರ ಮಹತ್ವದ್ದು. ಮಾಹಿತಿ ತಂತ್ರಜ್ಞಾನ ಶಿಕ್ಷಣ ಈ ಭಾಗದ ಮಕ್ಕಳಿಗೆ ದೊರೆಯಲಿ ಎಂದು ಕಾಲೇಜು ಸ್ಥಾಪನೆ ಮಾಡಿರುವುದು ಶ್ಲಾಘನೀಯ ಎಂದು ಶಿಕ್ಷಣತಜ್ಞ ಸುರೇಶ ಕುಲಕರ್ಣಿ ತಿಳಿಸಿದರು.

ಮಕ್ಕಳ ವಿದ್ಯಾಭ್ಯಾಸ ಸಲುವಾಗಿ ತಂದೆ- ತಾಯಿ ತ್ಯಾಗ ದೊಡ್ಡದು. ಅಂತಹ ಪಾಲಕರ ಕಣ್ಣಲ್ಲಿ ನೀರು ಹಾಕಿಸುವ ಕೆಲಸ ಮಾಡಬಾರದು. ಗುರುಗಳ ಬಗ್ಗೆ ತಾತ್ಸಾರ ಬೇಡ. ಅಭಿಮಾನವಿರಲಿ. ಮೊಬೈಲ್ ನೋಡಬೇಡಿ ಅಂತಾ ಹೇಳಲ್ಲ. ಆದರೆ ಅದರಲ್ಲಿ ಶಿಕ್ಷಣ ಸಂಬಂಧ ಮಹತ್ವವಾದ ವಿಷಯಗಳನ್ನು ನೋಡಿ. ಭಾಷೆ, ಅಭಿನಯ, ಸಂಗೀತ ಚಿತ್ರದ ಮೂಲಕ ಶಿಕ್ಷಣ ಕೊಡಿ. ವಿದ್ಯಾರ್ಥಿಗಳು ಓದಿದ ವಿಷಯವನ್ನು ಮನನ ಮಾಡಿಕೊಳ್ಳಿ. ಹೊಸ ವಿಷಯಗಳ ಅಧ್ಯಯನ ಮಾಡಿ. ಎಲ್ಲಕ್ಕಿಂತ ಮೊದಲು ವಿದ್ಯಾರ್ಥಿಗಳಲ್ಲಿ ಸಂಸ್ಕಾರ ಬೆಳೆಯಬೇಕು ಎಂದರು.ಪ್ರಾಚಾರ್ಯ ಪರಶುರಾಮ ಬಾರ್ಕಿ ಮಾತನಾಡಿ, ಗ್ರಾಮೀಣ ಭಾಗದ ಬಡವರು ರೈತರ ಕೂಲಿ ಕಾರ್ಮಿಕರ ಮಕ್ಕಳಿಗೆ ತಾಂತ್ರಿಕ ಶಿಕ್ಷಣ ಸಿಗಬೇಕು ಎಂಬ ಉದ್ದೇಶದಿಂದ 2 ದಶಕಗಳಿಂದ ಸಾವಿರಾರು ವಿದ್ಯಾರ್ಥಿಗಳಿಗೆ ಅಗಡಿ ಕಾಲೇಜು ಶಿಕ್ಷಣ ನೀಡಿದೆ. ವಿದ್ಯಾರ್ಥಿಗಳು ಉತ್ತಮ ಜೀವನವನ್ನು ಕಟ್ಟಿಕೊಂಡಿದ್ದಾರೆ ಎಂದರು.

ನರಗುಂದ: ತಾಲೂಕಿನ ಭೈರನಹಟ್ಟಿ ಗ್ರಾಮದ ಸರ್ಕಾರಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು 2025- 26ನೇ ಸಾಲಿನ ವಾರ್ಷಿಕ ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಮಾಡಿದ್ದಾರೆ.ಸಾವಿತ್ರಿ ಮೊರಬದ ಶೇ. 91.64, ಶಶಿಕಲಾ ಸಂಗಟಿ ಶೇ. 89.44, ಅಕ್ಷತಾ ಐನಾಪೂರ ಶೇ. 89.28, ಮಾದೇವಿ ಹಾದಿಮನಿ ಶೇ. 84.48, ಶ್ರುತಿ ಮಾದರ ಶೇ. 83.20, ಚೈತ್ರಾ ಐನಾಪೂರ ಶೇ. 82.56, ಮಲ್ಲಮ್ಮ ಮೊರಬದ ಶೇ. 80, ಪ್ರತಿಭಾ ಐನಾಪೂರ ಶೇ. 79.52, ಪ್ರತಿಭಾ ಐನಾಪೂರ ಶೇ. 78.88, ಭವಾನಿ ಮೊರಬದ ಶೇ. 77.12, ಒಟ್ಟು 33 ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಿದ್ದು, ಇದರಲ್ಲಿ 3 ವಿದ್ಯಾರ್ಥಿಗಳು ಉತ್ತಮ ಶೇಣಿಯಲ್ಲಿ, 21 ಪ್ರಥಮ, 1 ದ್ವಿತೀಯ, 8 ತೃತೀಯ ಸ್ಥಾನದಲ್ಲಿ ಪಾಸಾಗಿದ್ದಾರೆ. ಶಾಲೆಗೆ ಕೀರ್ತಿ ತಂದ ವಿದ್ಯಾರ್ಥಿಗಳನ್ನು ಎಸ್ಡಿಎಂಸಿ ಅಧ್ಯಕ್ಷ ನಾಗೇಶ ನರಸಾಪೂರ, ಸದಸ್ಯರು, ಮುಖ್ಯೋಪಾಧ್ಯಾಯ ಎಂ.ಡಿ. ಸಕ್ರಿ ಅಭಿನಂದಿಸಿದ್ದಾರೆ.