ದಾವಣಗೆರೆಯಲ್ಲಿ ಹಾಡಹಗಲೇ ಹತ್ತಾರು ಮರಗಳಿಗೆ ಕೊಡಲಿ

ಕನ್ನಡಪ್ರಭ ವಾರ್ತೆ ದಾವಣಗೆರೆ

ನಗರದ ದೇವರಾಜ ಅರಸು ಬಡಾವಣೆ ಎ ಬ್ಲಾಕ್‌ನ ಶ್ರೀ ಬನ್ನಿ ಮಹಾಂಕಾಳಿ ದೇವಸ್ಥಾನ ಆವರಣದ 12 ಜಾಲಿ ಜಾತಿಯ ಮರಗಳ ರೆಂಬೆ ಕೊಂಬೆಗಳು, ಮುಳ್ಳುಗಳು ದೇವಸ್ಥಾನಕ್ಕೆ ಬರುವ ಭಕ್ತರು, ಸಾರ್ವಜನಿಕರ ಮೇಲೆ ಬಿದ್ದು, ಮುಳ್ಳುಗಳು ಕಾಲಿಗೆ ಚುಚ್ಚಿ ನಡೆದಾಡಲು ತೊಂದರೆಯಾಗುತ್ತಿದೆಯೆಂದು ಅರಣ್ಯ ಇಲಾಖೆಗೆ ಸಮಿತಿ ಮನವಿ ಮಾಡಿತ್ತು.

ಅರಣ್ಯ ಇಲಾಖೆಯಿಂದ ನಿಗದಿಪಡಿಸಿದ್ದ ಜಾಲಿ ಜಾತಿಯ ಮರಗಳ ರೆಂಬೆ ಕೊಂಬೆಗಳು, ಮುಳ್ಳುಗಳ ಕೊಂಬೆ ತೆರವು ಮಾಡಬೇಕಿದ್ದ ವ್ಯಕ್ತಿಯು ಕೆಲಸಗಾರರನ್ನು ಬಳಸಿಕೊಂಡು, ಅಲ್ಲಿ ಬೆಳೆದು ನಿಂತಿದ್ದ ದೊಡ್ಡ ದೊಡ್ಡ ಮರಗಳನ್ನೇ ಧರೆಗುರುಳಿಸಿದ್ದನ್ನು ಸ್ಥಳೀಯ ಯುವ ವಕೀಲ ಸೇರಿದಂತೆ ದೇವರಾಜ ಅರಸು ಬಡಾವಣೆ ಎ ಬ್ಲಾಕ್ ನಿವಾಸಿಗಳು, ಪರಿಸರ ಪ್ರೇಮಿಗಳು ಪ್ರಶ್ನಿಸಿದ್ದಾರೆ.

ತನಗೆ ಮರ ಕಡಿಯಲು ಅರಣ್ಯ ಇಲಾಖೆಯೇ ಅನುಮತಿ ನೀಡಿದೆ. ಅರಣ್ಯ ಇಲಾಖೆ ಅಧಿಕಾರಿಗಳೇ ಮರ ಕಡಿಯಲು ಹೇಳಿದ್ದಾರೆ.

ದೇವರಾಜ ಅರಸು ಬಡಾವಣೆ ಎ ಬ್ಲಾಕ್‌ನಲ್ಲಿ ಮರಗಳನ್ನು ಕಡಿತ ವಿಚಾರ ಈಗಷ್ಟೇ ತಮಗೆ ಕೆಲವರಿಂದ ಗೊತ್ತಾಗಿದೆ. ಬುಧವಾರವೇ ಈ ಬಗ್ಗೆ ಪರಿಶೀಲಿಸಿ, ಕ್ರಮ ಕೈಗೊಳ್ಳಲಾಗುವುದು. ಅರಣ್ಯ ಇಲಾಖೆ ಅಧಿಕಾರಿಗಳಿಗೂ ಈ ಬಗ್ಗೆ ಮಾಹಿತಿ ನೀಡುವಂತೆ ಸೂಚನೆ ನೀಡುತ್ತೇನೆ. ಪರಿಸರ ಪ್ರೇಮಿಗಳು ನನಗೂ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಲಿಖಿತ ದೂರು ನೀಡುವುದಾಗಿಯೂ ತಿಳಿಸಿದ್ದು, ಸೂಕ್ತ ಕ್ರಮ ಕೈಗೊಳ್ಳಲಾಗುವುದು.

ದಾವಣಗೆರೆ ದೇವರಾಜ ಅರಸು ಬಡಾವಣೆಯಲ್ಲಿ ಹತ್ತಾರು ಮರಗಳನ್ನು ಕಡಿದು ಹಾಕಲಾಗಿದೆ. ಅರಣ್ಯ ಇಲಾಖೆ ಅನುಮತಿ ಇದೆಯೆಂದು, ದೇವಸ್ಥಾನ ಸಮಿತಿ, ಆ ಸಮಿತಿ, ಈ ಸಮಿತಿ ಹೇಳಿದೆಯೆಂದು ಇದ್ದ ಮರಗಳನ್ನೆಲ್ಲಾ ಕಡಿದಿದ್ದಾರೆ. ಈ ಬಗ್ಗೆ ಜಿಲ್ಲಾಡಳಿತಕ್ಕೂ ಲಿಖಿತ ದೂರು ನೀಡುವೆ.