ರಬಕವಿಯ ಹನುಮಾನ ದೇವರ ಓಕುಳಿಗೆ ಚಾಲನೆ

ಕನ್ನಡಪ್ರಭ ವಾರ್ತೆ ರಬಕವಿ-ಬನಹಟ್ಟಿ

ಭಾನುವಾರ ಬೆಳಗ್ಗೆ ರಬಕವಿ ನಗರದ ಶಂಕರಲಿಂಗ ದೇವಸ್ಥಾನ ಟ್ರಸ್ಟ್ ಕಮಿಟಿ ಹಾಗೂ ನಗರದ ಸಮಸ್ತ ಸಮಾಜ ಬಾಂಧವರ ನೇತೃತ್ವದಲ್ಲಿ ನಗರದ ಹನುಮಾನ ದೇವರ ಜಾತ್ರಾ ಮಹೋತ್ಸವ ನಿಮಿತ್ತ ನೀರೋಕುಳಿ ಹೊಂಡ ಅಗೆಯುವ ಕಾರ್ಯಕ್ಕೆ ಚಾಲನೆ ನೀಡಿ ಮಾತನಾಡಿದರು.

ನಗರದ ಹಿರಿಯರಾದ ವಲ್ಲಿಸಾಬ ಹುಡೇದಮನಿ ಮಾತನಾಡಿ, ಜೂ.೧೩ ರಿಂದ ೧೫ರವರೆಗೆ ಹನುಮಾನ ದೇವರ ಜಾತ್ರಾ ಕಾರ್ಯಕ್ರಮ ಜರುಗಲಿವೆ. ಜೂ.೧೩ ಸಂಜೆ ೩ಕ್ಕೆ ನೀರೋಕುಳಿಯ ಹೊಂಡದಲ್ಲಿ ನೀರು ತುಂಬಿ ಪೂಜೆ ಸಲ್ಲಿಸಲಾಗುವುದು. ಜೂ.೧೪ ರಂದು ಮಧ್ಯಾಹ್ನ ೪ಕ್ಕೆ ನೀರೋಕುಳಿ, ನಂತರ ಅದೇ ದಿನ ಸಂಜೆ ೬ಕ್ಕೆ ಹಾಲಗಂಬ ಏರುವ ಹಾಲೋಕುಳಿ ಜರುಗುವುದು. ೧೫ ರಂದು ಮಧ್ಯಾಹ್ನ ಮರುಓಕುಳಿ ಜರುಗುವುದು. ಕುದುರೆ ಸೋಗು ಸೇರಿದಂತೆ ಇನ್ನಿತರ ಗ್ರಾಮೀಣ ಸೊಗಡನ್ನು ಬಿಂಬಿಸುವ ಮನರಂಜನೆ ಕಾರ್ಯಕ್ರಮ ನಡೆಯಲಿವೆ ಎಂದರು.ಈ ಸಂದರ್ಭದಲ್ಲಿ ಹಿರಿಯರಾದ ಭೀಮಶಿ ಪಾಟೀಲ, ಶಿವು ಹೊಸಮನಿ, ಸದಾಶಿವಯ್ಯ ಹಿರೇಮಠ, ಮಹಾದೇವ ಪಾಲಬಾಂವಿ, ರೇವಣಸಿದ್ದಪ್ಪ ಉಮದಿ, ಬೆನಕಪ್ಪ ಬೆಕ್ಕೇರಿ, ಎ.ಬಿ. ನಾಯಕ ಸೇರಿದಂತೆ ನಗರದ ಅನೇಕ ಹಿರಿಯರು ಮುಖಂಡರು ಇದ್ದರು.