ಮೊಟ್ಟೆ ಬೆಲೆಯಲ್ಲಿ ಭಾರೀ ಏರಿಳಿತ : ಶಾಲೆಗಳಲ್ಲಿ ವಿತರಣಾ ವ್ಯವಸ್ಥೆಗೆ ಸಮಸ್ಯೆ

ಶಿವಕುಮಾರ ಕುಷ್ಟಗಿ

ಅಕ್ಷರ ದಾಸೋಹ ಯೋಜನೆಯಡಿ ಶಾಲಾ ಮಕ್ಕಳಿಗೆ ಪೂರೈಸುವ ಒಂದು ಮೊಟ್ಟೆಗೆ ₹6 ಗರಿಷ್ಠ ದರ ನಿಗದಿ ಮಾಡಿದೆ. ಚಳಿಗಾಲ ಸಂದರ್ಭದಲ್ಲಿ ₹6ರಿಂದ ₹6.30 ವರೆಗೆ ಮೊಟ್ಟೆ ಬೆಲೆ ಏರಿಕೆ ಆಗುತ್ತದೆ. ಸರ್ಕಾರದ ನಿಯಮ ಪ್ರಕಾರ ಬೆಲೆ ಇಳಿಕೆಯಾದಾಗ ಉಳಿಯುವ ಹಣವನ್ನು ಬೆಲೆ ಏರಿಕೆಯಾದಾಗ ಬಳಸಬೇಕು. ಆದರೆ ಇದು ಪಾಲನೆಯಾಗುತ್ತಿಲ್ಲ. ಮೊಟ್ಟೆ ಬೆಲೆ ಇಳಿದಾಗಲೂ ಸರ್ಕಾರ ₹6 ಪಾವತಿಸುತ್ತಿದೆ. ಹಾಗಾಗಿ ಮಳೆಗಾಲ ಮತ್ತು ಚಳಿಗಾಲದ ಸಂದರ್ಭದಲ್ಲಿ ಮೊಟ್ಟೆ ಬೆಲೆ ಏರಿಕೆ ಕಂಡಾಗ ಶಾಲಾ ಮಂಡಳಿಗಳಲ್ಲಿ ಮೊಟ್ಟೆ ದರ ಪಾವತಿಗೆ ಅನುದಾನ ಕೊರತೆ ಕಾಡುತ್ತಿದೆ. ಪ್ರತಿನಿತ್ಯ ಹತ್ತಾರು ಸಾವಿರ ರು. ಕೊರತೆಯಾಗುತ್ತಿದೆ.

ಬೇಸಿಗೆಯಲ್ಲಿಯೂ ₹5 1 ಮೊಟ್ಟೆ ಸಿಗುತ್ತದೆ. ಜುಲೈ ತಿಂಗಳಿಗೆ ₹5.30, ಆಗಷ್ಟನಿಂದ ಅಕ್ಟೋಬರ್ ವರೆಗೆ ಸಗಟು ದರವೇ ₹6.30 ಆಗುತ್ತದೆ. ಮುಂದೆ ಡಿಸೆಂಬರ್, ಜನವರಿ ವರೆಗೂ ₹6 ಇರುತ್ತದೆ. ಈ ರೀತಿಯ ದರದಲ್ಲಿ ಆಗುತ್ತಿರುವ ಬದಲಾವಣೆ ಮೇಲ್ನೋಟಕ್ಕೆ ಸಣ್ಣದು ಎನ್ನಿಸಿದರೂ ಮಕ್ಕಳ ಸಂಖ್ಯೆ ಲಕ್ಷಗಟ್ಟಲೇ ಇರುವ ಹಿನ್ನೆಲೆಯಲ್ಲಿ ಸಾಕಷ್ಟು ವ್ಯತ್ಯಾಸಗಳು ಕಂಡು ಬರುತ್ತದೆ.

ತಾಲೂಕು ವಿದ್ಯಾರ್ಥಿಗಳ ಸಂಖ್ಯೆ

ಗದಗ ನಗರ13813

ನರಗುಂದ11417

ಶಿರಹಟ್ಟಿ24529

ಜಿಲ್ಲೆಯಲ್ಲಿನ ಸರ್ಕಾರಿ, ಅನುದಾನಿತ ಶಾಲೆಗಳಲ್ಲಿ 1ರಿಂದ 10ನೇ ತರಗತಿ ವರೆಗಿನ ವಿದ್ಯಾರ್ಥಿಗಳ ಸಂಖ್ಯೆ 127529. ಅವರಲ್ಲಿ ಪ್ರತಿನಿತ್ಯ ಮೊಟ್ಟೆ ಸ್ವೀಕರಿಸುವ ಮಕ್ಕಳ ಸಂಖ್ಯೆ 101600.