ಮಂಗಗಳ ನಡವಳಿಕೆ ಅನುಸರಿಸಿ, ಸಂರಕ್ಷಣೆ ಮಾಡಬೇಕಿದೆ

ಪ್ರೊ. ಮೇವಾಸಿಂಗ್‌ ಹೇಳಿಕೆ । ಸೈನ್ಸ್ ಸಂತೆ-ಮಂಗಗಳ ನಡವಳಿಕೆ ಹಾಗೂ ಸಂರಕ್ಷಣೆ ಕುರಿತು ಉಪನ್ಯಾಸ ಕಾರ್ಯಕ್ರಮ

ನಗರದ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಭವನದಲ್ಲಿ ಸೋಮವಾರ ಕುತೂಹಲಿ-ಕನ್ನಡ, ಕಲಾ ಸುರುಚಿ ದಿ ಅಕಾಡೆಮಿಕ್ ಟ್ರಸ್ಟ್ ಮತ್ತು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಸಂಯುಕ್ತಾಶ್ರಯದಲ್ಲಿ ಹಮ್ಮಿಕೊಂಡಿದ್ದ ಸೈನ್ಸ್ ಸಂತೆ-ಮಂಗಗಳ ನಡವಳಿಕೆ ಹಾಗೂ ಸಂರಕ್ಷಣೆ ಕುರಿತು ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿ, ಮಂಗಗಳಲಿ ಸಾಮಾನ್ಯ ಮಂಗ, ಸಿಂಗ‍ಳಿಕ ಮತ್ತು ಕಾಡುಪಾಪ ಎಂಬ ಮೂರು ಬಗೆಯ ಮಂಗಗಳಿವೆ. ಇವುಗಳಲ್ಲಿ ಸಾಮಾನ್ಯ ಮಂಗಗಳು ದಕ್ಷಿಣ ಭಾರತದಲ್ಲಿ ಹೆಚ್ಚು ಕಂಡು ಬರುತ್ತವೆ, ಸಿಂಗಳಿಕ ಮತ್ತು ಕಾಡು ಪಾಪಗಳು ಕಾಡಿನಲ್ಲಿ ಮಾತ್ರ ಕಾಣಿಸುತ್ತವೆ. ಸಾಮಾನ್ಯ ಮಂಗಗಳು ಕಾಡಿನಲ್ಲೂ ಕಂಡುಬರುತ್ತವೆ. ಆದರೆ ನಾಡಿನ ಮಂಗಗಳಿಗೂ ಕಾಡಿನ ಮಂಗಗಳಿಗೂ ಪ್ರತಿಯೊಂದರಲ್ಲೂ ವ್ಯತ್ಯಾಸವಿದೆ ಎಂದರು.