ಕೊನೇ ಭಾಗದ ಜಮೀನುಗಳಿಗೆ ನೀರು ಹರಿಸುವಂತೆ ಒತ್ತಾಯ

ಕನ್ನಡಪ್ರಭ ವಾರ್ತೆ ಮದ್ದೂರು

ಜನಪ್ರತಿನಿಧಿಗಳು ಮತ್ತು ಕಾವೇರಿ ನೀರಾವರಿ ನಿಗಮದ ಅಧಿಕಾರಿಗಳ ವಿರುದ್ಧ ಘೋಷಣೆ ಕೂಗಿದ ಪ್ರತಿಭಟನಾಕಾರರು, ವಿಸಿ ನಾಲ ಅಚ್ಚುಕಟ್ಟು ಪ್ರದೇಶದ ಕೊನೆ ಭಾಗದ ಜಮೀನುಗಳಿಗೆ ಈ ಕೂಡಲೇ ನೀರು ಹರಿಸುವಂತೆ ಆಗ್ರಹಪಡಿಸಿದರು.

ಈಗಾಗಲೇ ನೀರಾವರಿ ಸಲಹಾ ಸಮಿತಿ ಆದೇಶದಂತೆ 18 ದಿನ ನೀರು ಹರಿದು ಈಗ ನಿಲ್ಲಿಸಿರುವುದರಿಂದ ನಾಲೆ ಕೊನೆ ಭಾಗದ ಜಮೀನುಗಳಿಗೆ ನೀರು ತಲುಪದೇ ತೆಂಗು, ಕಬ್ಬು, ಬಾಳೆ, ರೇಷ್ಮೆ ಅನೇಕ ನಿಂತಿರುವ ಬೆಳೆಗಳಿಗೆ ನೀರುಣಿಸಲು ಸಾಧ್ಯವಾಗಿಲ್ಲ ಎಂದು ರೈತರು ಆಕ್ರೋಶ ವ್ಯಕ್ತಪಡಿಸಿದರು.

ನೀರಾವರಿ ಇಲಾಖೆಯವರು ನಾಲೆ ಏರಿ ಮೇಲೆ ಸಂಚರಿಸಿ ನೀರು ತಲುಪಿದ ನಂತರ ಖಾತರಿಯಾದ ಮೇಲೆ ನೀರು ನಿಲ್ಲಿಸಬೇಕು. ಬೇಸಿಗೆ ಬೆಳೆಗಳು ಒಣದಂತೆ ನೋಡಿಕೊಳ್ಳಬೇಕು. ಮೊದಲು ಕೊನೇ ಭಾಗದಿಂದ ನೀರು ಕೊಡುವ ವ್ಯವಸ್ಥೆಯಾಗಬೇಕು ಎಂದು ಒತ್ತಾಯಿಸಿದರು.

ಪ್ರತಿಭಟನೆಯಲ್ಲಿ ರೈತ ಮುಖಂಡರಾದ ವೆಂಕಟೇಶ್, ಪ್ರಭುಲಿಂಗ, ನಂಜುಂಡಯ್ಯ, ಮರಿಲಿಂಗು, ಲಿಂಗರಾಜು, ಚೆನ್ನಪ್ಪ, ಯೋಗಾನಂದ, ಕೃಷ್ಣ, ನಾಗೇಶ್, ಲೋಕೇಶ್, ಉಮೇಶ್. ರಾಮಕೃಷ್ಣಯ್ಯ, ದಿನೇಶ್ ರಾಜು ಭಾಗವಹಿಸಿದ್ದರು.