ಗಾಂಧೀಜಿ ತ್ಯಾಗ, ಬಲಿದಾನ ಆದರ್ಶಪ್ರಾಯ

ವಿಜಯಪುರ: ಮಹಾತ್ಮ ಗಾಂಧೀಜಿ ನೇತೃತ್ವದ ಹೋರಾಟದ ಫಲದಿಂದ ನಾವಿಂದು ಸ್ವಾತಂತ್ರ್ಯ ಅನುಭವಿಸುತ್ತಿದ್ದೇವೆ. ಗಾಂಧೀಜಿ ತ್ಯಾಗ, ಬಲಿದಾನಗಳು ಸದಾ ಆದರ್ಶಪ್ರಾಯ ಎಂದು ಪುರಸಭಾ ಮುಖ್ಯಾಧಿಕಾರಿ ಸತ್ಯನಾರಾಯಣ ತಿಳಿಸಿದರು.

ಪುರಸಭಾಧ್ಯಕ್ಷೆ ಭವ್ಯ ಮಹೇಶ್ ಮಾತನಾಡಿ, ಮಹಾತ್ಮ ಗಾಂಧೀಜಿ, ಭಾರತ ಇತಿಹಾಸದಲ್ಲಿ ಸ್ಪೂರ್ತಿದಾಯಕ ವ್ಯಕ್ತಿಗಳಲ್ಲಿ ಒಬ್ಬರು. ಶಾಂತಿಯಿಂದ ಮಾತ್ರ ಸ್ವಾತಂತ್ರ್ಯ ಸಾಧ್ಯ ಎಂದು ಹೋರಾಡಿದವರಲ್ಲಿ ಗಾಂಧೀಜಿ ಮೊದಲಿಗರು. ಬ್ರಿಟಿಷರ ವಿರುದ್ಧ ಸ್ವಾತಂತ್ರ್ಯಕ್ಕಾಗಿ ಹೋರಾಡಿ, ಅಹಿಂಸೆಯ ಸಿದ್ಧಾಂತಗಳಿಂದ ಗಮನ ಸೆಳೆದ ಮಹಾ ವ್ಯಕ್ತಿ ಗಾಂಧೀಜಿ ಆದರ್ಶಗಳು, ಸತ್ಯ, ಅಹಿಂಸೆಯ ಬೋಧನೆ ಹಾಗೂ ಅವರ ಜೀವನ ಆಚರಣೆ ಗಾಂಧೀಜಿಯನ್ನು ಅಜರಾಮರವಾಗಿಸಿವೆ ಎಂದರು.