ಮೌಢ್ಯಗಳನ್ನು ತೊಡೆದು ಹಾಕಿ ಮುನ್ನಡೆಯಿರಿ

ಕನ್ನಡಪ್ರಭವಾರ್ತೆ ಪಾವಗಡ

ಶಿಕ್ಷಣವಿಲ್ಲದಿದ್ದರೆ ಇಂತಹ ಪದ್ದತಿಗಳನ್ನು ತಡೆಯಲು ಸಾಧ್ಯವಿಲ್ಲ. ಸಮುದಾಯದ ಜನರು ಶೈಕ್ಷಣಿಕವಾಗಿ , ರಾಜಕೀಯವಾಗಿ ಹಾಗೂ ಆರ್ಥಿಕವಾಗಿ ಬಲಿಷ್ಠರಾಗಬೇಕು.ಅಗ ಮಾತ್ರ ಸಮುದಾಯ ಪ್ರಗತಿ ಕಾಣಲು ಸಾಧ್ಯವಿದೆ.ಈ ನಿಟ್ಟಿನಲ್ಲಿ ನಾವು ಕಾರ್ಯನ್ಮುಖರಾಗುವ ಮೂಲಕ ಅನಿಷ್ಟತೆಗಳನ್ನು ದೂರವಿಡುವಂತೆ ಕರೆ ನೀಡಿದರು.ವಿಶ್ವೇಶ್ವರಯ್ಯ ಜಲಮಂಡಳಿ ವ್ಯವಸ್ಥಾಪಕ ಸಣ್ಣ ಚಿತ್ತಯ್ಯ ಮಾತನಾಡಿ ಪಾವಗಡಕ್ಕೆ ತುಂಗಭದ್ರಾ ನೀರು ಹರಿಸುವ ಪ್ರಕ್ರಿಯೆಯಲ್ಲಿ ಡಿಕೆಶಿ ಮತ್ತು ಸಿದ್ದರಾಮಯ್ಯ ಅವರ ಸಹಕಾರ ಪ್ರಾಮುಖ್ಯವಾಗಿದೆ. 2025 ಅಕ್ಟೋಬರ್ 2 ರ ಗಾಂಧಿ ಜಯಂತಿಯಂದು ನೀರು ಹರಿಸಲು 2350 ಕೋಟಿ ರು. ಸರ್ಕಾರ ಬಿಡುಗಡೆ ಮಾಡಿದ್ದು ಎಲ್ಲರಿಗೂ ತಿಳಿದ ವಿಚಾರವೇ ಅಗಿದೆ. ಗೊಲ್ಲ ಸಮುದಾಯ ಅಭಿವೃದ್ಧಿಯತ್ತ ಹೆಚ್ಚು ಅಸಕ್ತಿವಹಿಸಬೇಕು. ಸಮುದಾಯದ ಮಕ್ಕಳಿಗೆ ಅಧ್ಯಯನದ ಕಡೆ ಗಮನ ಕೊಟ್ಟು,ದುಶ್ಚಟಗಳಿಂದ ದೂರವಿರಿಸುವತ್ತ ಫೋಷಕರು ತಿಳಿಹೇಳುವಂತೆ ಸಲಹೆ ನೀಡಿದರು.

ಇದೇ ವೇಳೆ ಜಮೀನು ಖರೀದಿಸಿ ಇಲ್ಲಿನ ದೇವಸ್ಥಾನದ ಪ್ರಗತಿಗೆ ಸಹಕರಿಸಿದ ದಾನಿಗಳಿಗೆ ಸನ್ಮಾನಿಸಿ ಗೌರವಿಸಲಾಯಿತು.ಸಹಕಾರ ಇಲಾಖೆ ಅಪಾರ ನಿಬಂಧಕ ಎಂ.ಡಿ. ನರಸಿಂಹಮೂರ್ತಿ, ಡಾ.ಚಿತ್ತಯ್ಯ ಪೂಜಾರ್, ಮುಖಂಡರಾದ ರವಿಕುಮಾರ್, ಗುತ್ತಿಗೆದಾರ ಮಹಾಲಿಂಗಪ್ಪ ಹಾಗೂ ಇತರೆ ಮುಖಂಡರು ಸಮಾಜದ ಪ್ರಗತಿ ಕುರಿತು ಮಾತನಾಡಿದರು. ಬಳಿಕ ಟ್ರಸ್ಟ್ ಅಡಿಯಲ್ಲಿ ಪಾಲೇನಹಳ್ಳಿಶ್ರೀ ಪ್ರಶಸ್ತಿಯನ್ನು ಕಾರ್ಯಪಾಲಕ ಅಭಿಯಂತರಾದ ದೊಡ್ಡ ಚಿತ್ತಪ್ಪ ಅವರಿಗೆ ನೀಡಿದ್ದು ಶಿವರಾತ್ರಿ ಹಿನ್ನಲೆಯಲ್ಲಿ ವಿಶೇಷ ಪೂಜಾ ಕೈಂಕರ್ಯ ನಡೆಸಲಾಯಿತು. ಮೇಲು ದೀಪೋತ್ಸವ ಭಕ್ತರನ್ನು ಗಮನ ಹೆಚ್ಚು ಸೆಳೆದಿದ್ದು, ಕೋಲಾಟ, ಚಕ್ಕಭಜನೆ,ಜಾನಪದ ಹಾಡುಗಳ ಮೂಲಕ ಕಲಾವಿದರು ತಮ್ಮ ಕಲೆ ಪ್ರದರ್ಶಿಸಿದರು.