ಯೋಗೀನ ಜತೆಯಲ್ಲಿಟ್ಟುಕೊಂಡು ಅಳಿಯನ್ನ ಎಂಪಿ ಮಾಡಿಕೊಂಡರು

ಚನ್ನಪಟ್ಟಣ: ಯೋಗೇಶ್ವರ್ ಅವರನ್ನು ಜತೆಯಲ್ಲಿಟ್ಟುಕೊಂಡು ಅಳಿಯನ್ನ ಎಂಪಿ ಮಾಡಿಕೊಂಡರು. ಎನ್‌ಡಿಎ ಟಿಕೆಟ್ ಕೊಡುತ್ತಾರೆಂದು ಯೋಗಿ ಕಾಯುತ್ತಲೇ ಇದ್ದರು. ಆದರೆ, ಟಿಕೆಟ್ ಕೊಡಲಿಲ್ಲ. ಈಗ ದೇವೇಗೌಡರು, ಕುಮಾರಸ್ವಾಮಿ, ನಿಖಿಲ್, ಯಡಿಯೂರಪ್ಪ ಎಲ್ಲರೂ ಸೇರಿ ಯೋಗೇಶ್ವರ್ ಮೇಲೆ ದಾಳಿ ಮಾಡ್ತಿದ್ದಾರೆ ಎಂದು ಮಾಗಡಿ ಶಾಸಕ ಬಾಲಕೃಷ್ಣ ಆರೋಪಿಸಿದರು.

ಎರಡು ಸಲ ಯೋಗೆಶ್ವರ್‌ಗೆ ಅನ್ಯಾಯ ಆಗಿದೆ. ಈ ಬಾರಿ ಮೋಸ ಮಾಡಬೇಡಿ. ಕುಮಾರಸ್ವಾಮಿ ಅವರೇ ಚಕ್ಕೆರೆ ಅಭಿವೃದ್ಧಿ ಆಗಿಲ್ಲ ಅಂತೀರಲ್ಲ. ನೀವೇ ಅಲ್ವಾ ಇಲ್ಲಿ ಶಾಸಕರಾಗಿದ್ದು, ಅಭಿವೃದ್ಧಿ ಆಗಿಲ್ಲ ಅಂದ್ರೆ ಅದು ನಿಮ್ಮ ತಪ್ಪು. ಕುಮಾರಣ್ಣ ಸಿಎಂ ಆಗ್ತಾರೆ ಅಂತಾ ವೋಟ್ ಹಾಕಿದ್ರಲ್ಲ. ಕುಮಾರಸ್ವಾಮಿ ಶಾಸಕರಾದ ಮೇಲೆ ಎಷ್ಟು ಬಾರಿ ಚಕ್ಕೆರೆಗೆ ಬಂದಿದ್ದರು. ಈಗ ಮಗನನ್ನು ಗೆಲ್ಲಿಸಿಕೊಳ್ಳೊಕೆ ಊರೂರು ಕೇರಿಕೇರಿ ಸುತ್ತುತ್ತಾ ಇದ್ದೀರಲ್ಲ ಎಂದು ಟೀಕಿಸಿದರು.

ನಾವು ಬೇರೆ ಊರಿಂದ ಬಂದಿಲ್ಲ. ಹಾಸನ, ಮಂಡ್ಯ, ರಾಮನಗರದಿಂದ ಬಂದಿಲ್ಲ. ನಿಮ್ಮೂರಿನ ಮನೆ ಮಗನಿಗೆ ವೋಟ್ ಕೇಳೋಕೆ ಬಂದಿದ್ದೀವಿ. ನಿಮ್ಮ ಮನೆ ಮಗನಿಗೆ ಆಶೀರ್ವಾದ ಮಾಡಿ. ಕಾಂಗ್ರೆಸ್ ಸರ್ಕಾರ ಬಡವರ ಬದುಕನ್ನು ಹಸನಾಗಿಸಲು ಐದು ಗ್ಯಾರಂಟಿ ಯೋಜನೆ ಕೊಟ್ಟಿದೆ ಎಂದರು.

ಟೂರಿಂಗ್ ಟಾಕೀಸ್‌ನವರು ಕಥೆ ಹೇಳೋಕೆ ಬಂದವರೆ, ಯಾರೂ ಮರುಳಾಗಬೇಡಿ. ಅಳುವವನು ನಾಯಕನೇ ಅಲ್ಲ, ಕಣ್ಣೀರು ಒರೆಸುವ ನಾಯಕರಿಗೆ ಮತ ಹಾಕಬೇಕು. ಕಳೆದ ೧೪ ತಿಂಗಳಿನಿಂದ ಬಾರದ ನಿಖಿಲ್ ಈಗ ಚುನಾವಣೆಗೆ ಬಂದವರೆ. ಏನೋ ಫ್ಯಾಕ್ಟರಿ ಮಾಡೋಕೆ ಜಾಗ ಕೊಡಲಿಲ್ಲ ಅಂತ ಎಚ್‌ಡಿಕೆ ಹೇಳಿದ್ದಾರೆ. ಅದೆಲ್ಲಿ ಜಾಗ ಕೇಳಿದ್ದಾರೋ ಗೊತ್ತಿಲ್ಲ. ಡಿಸಿಎಂ ಅವ್ರು ಜಾಗ ಕೊಡಲಿ ಅದೆಲ್ಲಿ ಫ್ಯಾಕ್ಟರಿ ಕಟ್ಟಿ ಕೆಲಸ ಕೊಡ್ತಾರೋ ನೋಡೊಣ ಎಂದರು.