ವಿದ್ಯುತ್ ಜಾಲ ದುರಸ್ತಿಗೆ ಹೆಸ್ಕಾಂ ಕಾರ್ಯಾಚರಣೆ

ಹುಬ್ಬಳ್ಳಿ:

ಅಭಿಯಾನದ ಮೊದಲ ಹಂತದಲ್ಲಿ ನವೆಂಬರ್ ತಿಂಗಳಿನಲ್ಲಿ ನಗರದ 29 ವಿದ್ಯುತ್ ಫೀಡರ್‌ಗಳ ನಿರ್ವಹಣೆ ಕೈಗೆತ್ತಿಕೊಳ್ಳಲಾಗಿದೆ. ವಿಶ್ವೇಶ್ವರಯ್ಯ ನಗರ, ಸಿದ್ಧಾರೂಢ ಮಠದ ಸುತ್ತಮುತ್ತಲಿನ ಪ್ರದೇಶ, ನವನಗರ, ತಾರಿಹಾಳ, ಉಣಕಲ್ ನಗರ ಹಾಗೂ ವಿದ್ಯುತ್ ನಗರ ಸೇರಿದಂತೆ ವಿವಿಧ ಬಡಾವಣೆಗಳ ಫೀಡರ್‌ಗಳನ್ನು ಆಯ್ಕೆ ಮಾಡಲಾಗಿದೆ.

ವಿದ್ಯುತ್ ದೋಷ ಕಾಣಿಸಿಕೊಂಡ ಬಳಿಕ ದುರಸ್ತಿ ಮಾಡುವ ಬದಲು, ಸಂಭಾವ್ಯ ತಾಂತ್ರಿಕ ಸಮಸ್ಯೆಗಳನ್ನು ಮುಂಚಿತವಾಗಿಯೇ ಪತ್ತೆಹಚ್ಚಿ ನಿವಾರಿಸುವುದು ಈ ಅಭಿಯಾನದ ಉದ್ದೇಶವಾಗಿದೆ. ಇದರಿಂದ ಅನಿರೀಕ್ಷಿತ ವಿದ್ಯುತ್ ಕಡಿತ ತಗ್ಗಿಸುವ ಜತೆಗೆ ವಿತರಣಾ ಜಾಲದ ಕಾರ್ಯಕ್ಷಮತೆ ಮತ್ತು ಸುರಕ್ಷತೆ ಹೆಚ್ಚಲಿದೆ ಎಂದು ಹೆಸ್ಕಾಂ ತಿಳಿಸಿದೆ.