ಮನುಷ್ಯ ಸ್ವಾರ್ಥಿಯಾದರೆ ಲಾಭಕ್ಕಿಂತ ನಷ್ಟವೇ ಹೆಚ್ಚು

ಕನ್ನಡಪ್ರಭ ವಾರ್ತೆ ಹೊಸದುರ್ಗ

ತಾಲೂಕಿನ ಮತ್ತೋಡು ಶ್ರೀ ಬನಶಂಕರಿ ಸಮುದಾಯ ಭವನದಲ್ಲಿ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಸಂಸ್ಥೆ ವತಿಯಿಂದ ನಡೆದ ವರಮಹಾಲಕ್ಷ್ಮಿ ಪೂಜಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ಕಾಯಕದ ತತ್ವವನ್ನು 12ನೇ ಶತಮಾನದ ಶರಣರ ಜೀವನದಲ್ಲಿ ಕಂಡುಕೊಳ್ಳಬಹುದು. ರಾಜನಾಗಿದ್ದವನು ತನ್ನ ಕಾಯಕವನ್ನ ಮರೆಯುತ್ತಿರಲಿಲ್ಲ. ತಮ್ಮ ತಮ್ಮ ಕಾಯಕದಿಂದಲೇ ಕೈಲಾಸ ಕಾಣುತ್ತಿದ್ದರು. ನಮ್ಮಲ್ಲಿ ಆತ್ಮವಿಶ್ವಾಸ ಧೈರ್ಯ ಇದ್ದರೆ ಎಲ್ಲದನ್ನು ಜಯಿಸಬಹುದು. ಮೂರ್ತಿ ಪೂಜೆ ಒಂದು ಸಂಸ್ಕಾರ. ಇದರಿಂದ ಒಳ್ಳೆಯ ವಾತಾವರಣನಿರ್ಮಾಣ ಮಾಡಬಹುದು. ಆದರೆ ನಾವು ಮಾಡುವ ಕಾಯಕ, ಪೂಜೆಗಿಂತಲೂ ಶ್ರೇಷ್ಠವಾಗಿದೆ. ಶ್ರದ್ಧೆಯಿಂದ ಪ್ರೀತಿಯಿಂದ ಕಾಯಕ ಮಾಡಿದರೆ ಅದು ಶ್ರೇಷ್ಠವಾಗುತ್ತದೆ ಎಂದು ತಿಳಿಸಿದರು.

ಚಿತ್ರದುರ್ಗದ ಪಾಳೇಗಾರರ ಕಾಲದ ಮತ್ತೋಡು ಭಾಗದಲ್ಲಿನ ಬೇವಿನಾಳಮ್ಮ, ಭಾಗೀರಥಮ್ಮ ಹಾಗೂ ಬನಶಂಕರಿ ದೇವಾಲಯಗಳ ಜೀರ್ಣೋದ್ಧಾರ ಮಾಡುವ ಕಾಯಕವನ್ನು ಧರ್ಮಸ್ಥಳ ಸಂಸ್ಥೆ ಮಾಡುತ್ತಿದೆ. ಕಂಚೀಪುರ, ಡಿಬಿ ಕೆರೆ, ಕಿಟ್ಟದಾಳ್, ದ್ಯಾವಜ್ಜನಪಾಳ್ಯ, ಬನಸಿಹಳ್ಳಿ, ಬೋಕಿಕೆರೆ ಕೆರೆ ಅಭಿವೃದ್ಧಿ ಮಾಡುವುದರ ಮೂಲಕ ಬರದ ನಾಡು ಹೊಸದುರ್ಗ ತಾಲೂಕಿನ ಅಂತರ್ಜಲ ಅಭಿವೃದ್ಧಿಗೆ ಕಂಕಣ ತೊಟ್ಟಿದ್ದಾರೆ. ಗುಡಿ ಕೈಗಾರಿಕೆಗಳು ಹಾಗೂ ಸಿದ್ಧ ಉಡುಪುಗಳ ತಯಾರಿಕೆ, ಸಿರಿಧಾನ್ಯ ಉತ್ಪಾದನೆಯಲ್ಲಿ ಧರ್ಮಸ್ಥಳ ಸಂಸ್ಥೆ ಮಹತ್ತರ ಪಾತ್ರ ಹೊಂದಿದೆ ಎಂದು ಮಾಹಿತಿ ನೀಡಿದರು.