ಬಿಜೆಪಿ ಅಧಿಕಾರಕ್ಕೆ ಬಂದ್ರೆ, ಸಮಸ್ಯೆಗಳಿಗೆ ಸ್ಪಂದನೆ: ರಾಘವೇಂದ್ರ

ಕನ್ನಡಪ್ರಭ ವಾರ್ತೆ ಶಿರಾಳಕೊಪ್ಪ

ಶಿರಾಳಕೊಪ್ಪ ಪಟ್ಟಣದ ಎಸ್‌ಜೆಪಿ ಐಟಿಐವತಿಯಿಂದ ಶಿವ ಸಾಂಸ್ಕೃತಿಕ ವನದಲ್ಲಿ ಗುರುವಾರ ಸಂಜೆ ನಡೆದ ಶಿರಾಳಕೊಪ್ಪ ಭಾಗದ ಮಹಿಳೆಯರ ಬೃಹತ ಸಮಾವೇಶ ಉದ್ದೇಶಿಸಿ ಮಾತನಾಡಿದ ಅವರು, ಮತ್ತೊಮ್ಮೆ ರಾಘವೇಂದ್ರ ಸಂಸದನಾಗುವುದು ಸೂರ್ಯ ಚಂದ್ರರು ಇರುವಷ್ಟೆ ಸತ್ಯ. ಚುನಾವಣೆಯಲ್ಲಿ ರಾಜಕೀಯ ಜೀವ ಕೊಟ್ಟವರು ತಾಯಂದಿರು ನಿಮ್ಮನ್ನು ನಾವು ಎಂದೂ ಮರೆಯುವದಿಲ್ಲ.

ಯಡಿಯೂರಪ್ಪನವರು ಮುಖ್ಯಮಂತ್ರಿ ಆಗಿದ್ದ ವೇಳೆ ಶಿಕಾರಿಪುರಕ್ಕೆ ಜಿಲ್ಲಾ ಆಸ್ಪತ್ರೆ ಮಂಜೂರು ಮಾಡಿಸಲಾಗಿತ್ತು. ಆ ಆಸ್ಪತ್ರೆಯಿಂದ ಶಿಕಾರಿಪುರ, ಶಿರಾಳಕೊಪ್ಪ, ಸೊರಬ ಪಕ್ಕದ ಹಿರೇಕೆರೂರ ತಾಲೂಕಿನ ಜನಕ್ಕೆ ಅನಕೂಲವಾಗಿತ್ತು. ಆದರೆ ಕಾಂಗ್ರೆಸ್‌ರವರು ಕುಂಟು ನೆಪಹೇಳಿ ಹಲವಾರು ತಾಲೂಕಿನ ಜನರಿಗೆ ಅನಕೂಲ ವಾಗುವ ಆಸ್ಪತ್ರೆ ರದ್ದು ಮಾಡಿಸಿದರು. ಜನರಿಗೆ ಸ್ಪಂದಿಸುವ ಕಾರ್ಯ ಮಾಡಬೇಕು ಎಂದು ಕುಟಿಕಿದರು.

ಮನೆಯಲ್ಲಿ ಕಟ್ಟಿಗೆ ಊದಿ ಆರೋಗ್ಯ ಹಾಳು ಮಾಡಿಕೊಳ್ಳುವದನ್ನು ಕಂಡ ಮೋದಿಜಿ ಉಜ್ವಲ ಯೋಜನೆ ಅಡಿ ಉಚಿತ ಗ್ಯಾಸ್ ನೀಡಿದರು. ಮನೆಯಲ್ಲಿ ಒಂದು ಕುಟುಂಬಕ್ಕೆ ಏನು ಬೇಕು ಅದೆಲ್ಲವನ್ನು ಮೋದಿ ಸರ್ಕಾರ ಕೊಟ್ಟು ದೇಶದ ಮಹಿಳೆಯರ ಮತ್ತು ಜನರ ಏಳಿಗೆಗೆ ಸಹಕಾರ ನೀಡಿದ್ದಾರೆ. ರಾಘವೇಂದ್ರ ನಿಮ್ಮ ಮಗನೆಂದು ತಿಳಿದು ಮತ್ತೊಮ್ಮೆ ಆಶೀವರ್ದಿಸಬೇಕು ಎಂದು ವಿನಂತಿಸಿದರು.

ನಮಗೆ ಹಾಗೂ ಮುಂದಿನ ಪೀಳೆಗೆಗೆ ಅನಕೂಲವಾಗುವಂತಹ ಕೆಲಸ ಮಾಡಬೇಕು ಎಂಬ ಉದೇಶದಿಂದ ನರೇಂದ್ರ ಮೋದಿ ಅವರನ್ನು ಮತ್ತೆ ಅಧಿಕಾರಕ್ಕೆ ತಂದು ವಿಕಸಿತ ಭಾರತದ ಮತ್ತೆ ಮೋದಿ ಮತ್ತೆ ರಾಘಣ್ಣ ಎಂಬ ಘೋಷವಾಕ್ಯದೊಂದಿಗೆ ನಾವು ಮಾತ್ರ ಮತ ಹಾಕದೇ ಇತರರಿಂದ ಮತ ಹಾಕಿಸುವ ಕಾರ್ಯದೊಂದಿಗೆ ರಾಘಣ್ಣ ಅವರನ್ನು ಗೊಲ್ಲಿಸೋಣ ಎಂದರು.

ಜೆಡಿಎಸ್ ರಾಜ್ಯ ಕಾರ್ಯದರ್ಶಿ ಈರಯ್ಯ ನಾಯಕ್ ಮಾತನಾಡಿದರು. ವೇದಿಕೆ ಮೇಲೆ ಜಿಲ್ಲಾ ಮಹಿಳಾ ಮೋರ್ಚಾ ಅಧ್ಯಕ್ಷೆ ಗಾಯತ್ರಿದೇವಿ, ನಿವೇದಿತಾ ರಾಜು, ತಾಲೂಕ ಬಿಜೆಪಿ ಅಧ್ಯಕ್ಷ ಹನುಮಂತಪ್ಪ ಬಳಿಗಾರ್, ಕೆ.ರೇವಣಪ್ಪ, ಅಶೋಕ, ಸಣ್ಣ ಹನುಮಂತಪ್ಪ, ಸೇರಿ ಮಹಿಳಾ ಮೋರ್ಚಾ ಬಿಜೆಪಿ ಪದಾದಿಕಾರಿಗಳಿದ್ದರು.