ತೂಕದಲ್ಲಿ ಮೋಸ ಮಾಡಿದರೆ ಎಫ್‌ಐಆರ್‌ ದಾಖಲಿಸಬೇಕಾಗುತ್ತದೆ

ಕನ್ನಡಪ್ರಭ ವಾರ್ತೆ ಹೊಳೆನರಸೀಪುರ

ಪಟ್ಟಣದ ಎಪಿಎಂಸಿ ಮಾರುಕಟ್ಟೆಯಲ್ಲಿ ಇರುವ ರಾಗಿ ಖರೀದಿ ಕೇಂದ್ರದಲ್ಲಿ ಮಧ್ಯವರ್ತಿಗಳು, ಹಮಾಲಿಗಳ ಮೋಸದಿಂದಾಗಿ ರಾಗಿ ಬೆಳೆಗಾರರಿಗೆ ಅನ್ಯಾಯವಾಗುತ್ತಿದ್ದು, ಬೆಳೆದ ಬೆಳೆಗೆ ನ್ಯಾಯಯುತವಾಗಿ ರಾಗಿ ಖರೀದಿ ಮಾಡಿ ಎಂಬ ವ್ಯಾಪಕ ಒತ್ತಾಯದ ಹಿನ್ನೆಲೆಯಲ್ಲಿ ದಿಢೀರ್ ರಾಗಿ ಖರೀದಿ ಕೇಂದ್ರಕ್ಕೆ ಭೇಟಿ ನೀಡಿ, ಪರಿಶೀಲನೆ ನಡೆಸಿ, ಎಚ್ಚರಿಸಿದರು. ೫೦ ಕೆಜಿ ರಾಗಿ ತೂಕ ಮಾಡುವಾಗ ಹೆಚ್ಚುವರಿ ರಾಗಿಯನ್ನು ರೈತರ ಚೀಲಕ್ಕೆ ಹಾಕದೇ ನೆಲದ ಮೇಲೆ ಸುರಿದು, ನೀವೇ ಇಟ್ಟುಕೊಳ್ಳುತ್ತೀರಂತೆ ಎಂಬ ದೂರಿದೆ ಎಂದು ಅಧಿಕಾರಿಗೆ ತಿಳಿಸಿ, ರೈತರು ಖುದ್ದು ಹೇಳಿಕೆ ನೀಡಿರುವ ವಿಡಿಯೋ ತುಣುಕು ನೀವು ನೋಡಿದ್ದೀರಿ. ಇಲಾಖೆ ಸೂಚಿಸಿದ ಲಾರಿಗೆ ರಾಗಿ ಲೋಡ್‌ ಮಾಡಲು ಹಣ ನೀಡಿ ಎಂದು ರೈತರಿಂದ ಒತ್ತಾಯ ಮಾಡಿ ಹಣ ಪಡೆಯುತ್ತಿದ್ದೀರ ಎಂಬ ದೂರಿದೆ.