ಕನ್ನಡ ಸಾಹಿತ್ಯಕ್ಕೆ ಕನಕದಾಸರ ಕೊಡುಗೆ ಅಪಾರ

ಕನ್ನಡಪ್ರಭ ವಾರ್ತೆ ಹೊಸಪೇಟೆ

ಗುರುವಾರ ಜಿಲ್ಲಾಡಳಿತ, ಜಿಪಂ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಗಳ ಸಹಯೋಗದಲ್ಲಿ ನಗರದ ಕನಕದಾಸ ವೃತ್ತದಲ್ಲಿ ಏರ್ಪಡಿಸಿದ್ದ ಕನಕದಾಸರ ಜಯಂತ್ಯುತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿ, ಕನಕದಾಸರು ಕೀರ್ತನಕಾರರು ಮಾತ್ರವಲ್ಲ. ಅವರೊಬ್ಬ ದಾರ್ಶನಿಕ, ಕವಿಯಾಗಿದ್ದರು. ಭಕ್ತಿ ಪಂಥದಲ್ಲಿ ಬಂದಿರುವ ದಾಸ ಶ್ರೇಷ್ಠರು. ಅವರ ತತ್ವಗಳು ಸಾರ್ವಕಾಲಿಕವಾಗಿದ್ದು, ಜನಸಾಮಾನ್ಯರಿಗೆ ಅರ್ಥವಾಗುವಂತೆ ಅತ್ಯಂತ ಸರಳ ಭಾಷೆಯಲ್ಲಿ ತಿಳಿಸುವ ಮೂಲಕ ಕನ್ನಡವನ್ನು ಶ್ರೀಮಂತಗೊಳಿಸಿದರು ಎಂದು ಕೊಂಡಾಡಿದರು.

ಸಾಮಾಜಿಕ ಚಿಂತಕ, ಕುರಿ ಮತ್ತು ಉಣ್ಣೆ ಅಭಿವೃದ್ಧಿ ನಿಗಮದ ಮಾಜಿ ಅಧ್ಯಕ್ಷ ವೈ.ಎನ್. ಗೌಡರ್ ಮಾತನಾಡಿ, ದಾರ್ಶನಿಕರ ಚಿಂತನೆಗಳು ಮತ್ತು ನಮ್ಮ ಬದುಕಿನ ಶೈಲಿಯ ಬಗ್ಗೆ ಮೌಲ್ಯಮಾಪನವಾಗಬೇಕು. ದಾರ್ಶನಿಕರ ಹೆಸರಲ್ಲಿ ನಡೆಯುವ ಜಯಂತ್ಯುತ್ಸವಗಳು ವೈಭೋಗದತ್ತ ಸಾಗುತ್ತಿವೆಯಾದರೂ ನಮ್ಮ ವಿಚಾರಧಾರೆಗಳು ವೈಚಾರಿಕತೆಯತ್ತ ಸಾಗುತ್ತಿಲ್ಲ. ಕನಕದಾಸ ಸೇರಿದಂತೆ ಅನೇಕ ದಾರ್ಶನಕರು ನುಡಿದಂತೆ ನಡೆದರು ಎಂದರು.