ಕಾಶಿ ಪೀಠಕ್ಕೂ, ಮುರುಘಾ ಮಠಕ್ಕೂ ಅವಿನಾಭಾವ ಸಂಬಂಧ

ಕನ್ನಡಪ್ರಭ ವಾರ್ತೆ ಆನಂದಪುರ

ಮುರುಘಾ ಮಠದಲ್ಲಿ ನಡೆದ ಭಾವೈಕ್ಯ ಸಮ್ಮೇಳನ ಸಾನ್ನಿಧ್ಯ ವಹಿಸಿ ಮಾತನಾಡಿದ ಅವರು, ಮುರುಘಾಮಠದ ಲಿಂಗ ಮಹಾಸ್ವಾಮಿ ಕಾಶಿ ವಿಶ್ವರಾಧ್ಯ ಗುರುಪೀಠದಲ್ಲಿ ಸಂಸ್ಕೃತ ಅಧ್ಯಯನ ಮಾಡಿದ ಆಧಾರದ ಮೇಲೆ ಕಾಶಿ ಪೀಠಕ್ಕೂ ಹಾಗೂ ಮುರುಘಾಮಠಕ್ಕೂ ಅವಿನಾಭಾವ ಸಂಬಂಧವಿದೆ. ಒಬ್ಬ ಯೋಗಿ ಮತ್ತು ಯೋಧನ ಸಮಾನತೆ ನೋಡಿದರೆ ಯೋಗಿ ಎಲ್ಲವನ್ನೂ ತ್ಯಾಗ ಮಾಡಿ ಯೋಗಿಯಾಗುತ್ತಾನೋ, ದೇಶದ ರಕ್ಷಣೆಗಾಗಿ ಯುದ್ಧ ಮಾಡುತ್ತಾ ಯುದ್ಧಭೂಮಿಯಲ್ಲಿ ಸಾವನ್ನಪ್ಪುವ ಯೋಧನು ಯೋಗಿಯ ಸ್ಥಾನ ಪಡೆಯಲು ಸಾಧ್ಯ ಎಂದರು.

ಭಾವೈಕ್ಯ ಸಮ್ಮೇಳನ ಉದ್ಘಾಟಿಸಿದ ಸಂಸದ ಬಿ.ವೈ.ರಾಘವೇಂದ್ರ ಮಾತನಾಡಿ, ಭಾವೈಕ್ಯ ಸಮ್ಮೇಳನಗಳು ವಿಜ್ಞಾನ ಮತ್ತು ಆಧ್ಯಾತ್ಮಿಕ ಎರಡು ಒಂದಾಗಿ ಹೆಜ್ಜೆ ಹಾಕುತ್ತವೆ. ಈ ಕಾರ್ತಿಕ ದೀಪೋತ್ಸವ ಜನರಲ್ಲಿರುವ ಅಜ್ಞಾನವನ್ನು ದೂರ ಮಾಡಿ ಜ್ಞಾನದ ಜ್ಯೋತಿಯಾಗಿ ಬೆಳಗಬೇಕಾಗಿದೆ.

ಶಾಸಕ ಗೋಪಾಲಕೃಷ್ಣ ಬೇಳೂರು ಮಾತನಾಡಿ, ಭಾರತ ದೇಶದಲ್ಲಿ ಧರ್ಮ ಉಳಿದಿದೆ ಎಂದರೆ ಅದು ಮಠಮಾನ್ಯಗಳಿಂದ ಮಾತ್ರ. ಮಠದ ಪರಂಪರೆ ಉಳಿಸಿ ಬೆಳೆಸುವ ಕರ್ತವ್ಯ ನಮ್ಮದಾಗಿದೆ. ಭಾರತದಲ್ಲಿ ಹಿಂದೂ ಧರ್ಮ ಬೆಳೆಸುವ ಮಠಗಳನ್ನು ನಾವು ಪ್ರೋತ್ಸಾಹಿಸೋಣ ಎಂದರು. ಡಾ.ಮಲ್ಲಿಕಾರ್ಜುನ ಮುರುಘರಾಜೇಂದ್ರ ಸ್ವಾಮಿ ಮಾತನಾಡಿ, 12ನೆಯ ಶತಮಾನದಲ್ಲಿ ಬಸವಣ್ಣ ಜಾತಿ ಧರ್ಮವನ್ನು ಮರೆತು ನಾವೆಲ್ಲರೂ ಒಂದೇ ಎಂಬ ಮನೋಭಾವನ್ನು ಕಂಡವರು. ಜಾತಿ, ಭಾಷೆ, ಗಡಿ ಸೇರಿದಂತೆ ಹಲವು ವಿಚಾರವಾಗಿ ಅನೇಕ ದೇಶಗಳು ನೆಮ್ಮದಿ ಕಳೆದುಕೊಳ್ಳುತ್ತಿವೆ. ಇಡೀ ಜಗತ್ತಿನಲ್ಲಿ ಎಲ್ಲಾ ರಾಷ್ಟ್ರಗಳು ಅನುಮಾನದಿಂದ ಸಾಯುತ್ತಿವೆ ಆದರೆ ಸಮಾನತೆಯನ್ನು ಸಾರುವಂಥ ಏಕೈಕ ದೇಶ ಭಾರತವಾಗಿದೆ ಎಂದರು.

ಕಾರ್ಯಕ್ರಮದಲ್ಲಿ ರಾಜ್ಯ ಪ್ರಶಸ್ತಿ ಪರಸ್ಕೃತ ಹಸೆ ಚಿತ್ತಾರ ಕಲೆಯ ಲಕ್ಷ್ಮಿ ರಾಮಪ್ಪಅವರಿಗೆ ಮುರುಘಾ ಮಠದಲ್ಲಿ ಕೆಳದಿ ರಾಣಿ ಚೆನ್ನಮ್ಮ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಸಮಾಜ ಸೇವೆ ಸಲ್ಲಿಸಿದ ಜನರಲ್ ಬಿ.ಎಸ್ ರಾಜು, ಪ್ರಕಾಶ್ ರುಕ್ಮಯ್ಯ, ಅರುಣ್ ಕುಮಾರ್, ದಿನೇಶ್ ಬರದವಳ್ಳಿ ಅವರಿಗೆ ಸಮಾಜ ಸೇವ ರತ್ನ ಪ್ರಶಸ್ತಿ ನೀಡಿ ಪುರಸ್ಕರಿಸಲಾಯಿತು. ಸುಶೀಲಮ್ಮ ಶಿವಪ್ಪಗೌಡ, ಟೀಕಪ್ಪ, ಎಸ್. ಆರ್. ಜಿ.ಗೌರಿಶಂಕರ್, ಜಿ.ವಿ ರಾಜಯ್ಯ, ಶಿವಲಿಂಗಪ್ಪ, ಗಣೇಶ್ ಕಾಮತ್, ಮಹೇಶ್ ಮೂರ್ತಿ, ವಾಸುದೇವ್ ಅವರಿಗೆ ಗುರು ರಕ್ಷೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.