ದೇಹವನ್ನೂ ದೇವಾಲಯದಂತೆ ಪರಿಶುದ್ಧವಾಗಿ ಇಟ್ಟುಕೊಳ್ಳಿ

ಕನ್ನಡಪ್ರಭ ವಾರ್ತೆ ಹೊಳೆನರಸೀಪುರ

ತಾಲೂಕಿನ ದಾಳಗೌಡನಹಳ್ಳಿ ಗ್ರಾಮದಲ್ಲಿ ಶ್ರೀ ಭೈರವ ದಾಳೇಶ್ವರಸ್ವಾಮಿ ವಿಗ್ರಹ, ನಂದೀಶ್ವರ ವಿಗ್ರಹ ಹಾಗೂ ನಾಗದೇವತೆ ವಿಗ್ರಹಗಳ ಮತ್ತು ಕೃತ್ತಿಕಾದೀಪಸ್ಥಂಭ ಹಾಗೂ ವಿಮಾನ ಗೋಪುರ ಕಳಶ ಪ್ರತಿಷ್ಠಾಪನಾ ಮಹಾಕುಂಭೋತ್ಸವ ಹಾಗೂ ಶ್ರೀ ಬೈರವ ದಾಳೇಶ್ವರಸ್ವಾಮಿ ದೇವಸ್ಥಾನ ಲೋಕಾರ್ಪಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ಮನುಷ್ಯನ ಅಂತರಂಗದಲ್ಲಿದ್ದಾಗ ಆತನ ಪಂಚೇಂದ್ರಿಯಗಳು ಕ್ರಿಯಾಶೀಲವಾಗಿರುತ್ತದೆ, ಆದರೆ ಭಗವಂತ ಕ್ಷಣ ಮರೆಯಾದಲ್ಲಿ ಜೀವ ಹೋಯಿತು, ಪ್ರಾಣ ಹೋಯಿತು ಎಂದು ಹೇಳುವ ಜತೆಗೆ ಭಗವಂತ ಇದ್ದಾಗ ಹೆಸರಿಂದ ಕರೆಯುವಾಗ ಪ್ರಾಣ ಹೋದ ಕೂಡಲೇ, ಹೆಸರು, ಕುಲವೆಲ್ಲ ಮರೆಯಾಗಿ ಕೇವಲ ದೇಹವಾಗಿರುತ್ತೆ. ಆದ್ದರಿಂದ ಮನುಷ್ಯ ಭಗವಂತನನ್ನು ಪವಿತ್ರವಾಗಿ ಇಟ್ಟುಕೊಳ್ಳುವ ಪ್ರಯತ್ನದಲ್ಲಿ ನಡೆ ಒಳಗೆ ನುಡಿ ತುಂಬಿ, ನುಡಿ ಒಳಗೆ ನಡೆ ತುಂಬಿ, ನಡೆನುಡಿಯಲ್ಲಿ ಪರಿಪೂರ್ಣತೆ ತುಂಬಿ ಸಾಮರಸ್ಯ ಕಾಣುತ್ತಾ, ಇವ ನಮ್ಮವ ಇವ ನಮ್ಮವ ಎಂದು ಪ್ರೀತಿಯಿಂದ ಕಾಣುವ ಭಾವನೆ ಬೆಳೆಸಿಕೊಂಡಾಗ ಮನುಷ್ಯ ಜೀವನ ಸಾರ್ಥಕವಾಗುತ್ತದೆ.

ವಿಧಾನ ಪರಿಷತ್ ಸದಸ್ಯ ಡಾ. ಸೂರಜ್ ರೇವಣ್ಣ ಮಾತನಾಡಿ, ಮನೆ ಕಟ್ಟಿ ನೋಡು ಮದುವೆ ನೋಡು ಎಂಬ ಮಾತಿದೆ, ಆದರೆ ಈಗ ದೇವಸ್ಥಾನ ಕಟ್ಟಿ ನೋಡೊದೂ ಸಹ ಬಹಳ ಕಷ್ಟವಾಗಿದೆ. ಇಂತಹ ಸನ್ನಿವೇಶದಲ್ಲಿ ದೇವಸ್ಥಾನವನ್ನು ಕಟ್ಟಿದ್ದರೂ ಸಹ ಇಂದಿನ ಯುವ ಜನತೆಯಲ್ಲಿ ದೇವಸ್ಥಾನ, ಧರ್ಮ ಕಾರ್ಯಗಳು, ದೇವರ ಬಗ್ಗೆ ಆಸಕ್ತಿ ಕಡಿಮೆಯಾಗಿದೆ. ಆದರೆ ಪಾಶ್ಚಾತ್ಯ ಸಂಸ್ಕೃತಿಯ ಬಗ್ಗೆ ಹೆಚ್ಚಿನ ಆಸಕ್ತಿ ಹೊಂದಿ, ಹೆಚ್ಚಿನ ಆಕರ್ಷಿತರಾಗಿ, ಜೀವನದ ಮುಖ್ಯವಾದ ದ್ಯೇಯವನ್ನು ಮರೆಯುತ್ತಾ, ಹಿರಿಯರು ರೂಡಿಸಿದ ಸಂಪ್ರದಾಯಗಳು, ಗ್ರಾಮ, ಮನೆ ಹಾಗೂ ಮನ ಬೆಳಗುವಂತಹ ದೇವಾಲಯಗಳನ್ನು ಏಕೆ ಕಟ್ಟಿಸಿದ್ದಾರೆ ಎಂದು ಯೋಚಿಸಿದಾಗ, ವಿಷಯವನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುತ್ತದೆ. ಆದ್ದರಿಂದ ಸ್ವಾಮೀಜಿಗಳು ತಿಳಿಸಿಕೊಂಟ್ಟಂತಹ ಧರ್ಮ ಪಾಲನೆಯಲ್ಲಿ ಎಲ್ಲರೂ ತೊಡಗಿಸಿಕೊಂಡು, ಸಂಸ್ಕೃತಿಯನ್ನು ಪಾಲನೆ ಮಾಡಬೇಕಿದೆ ಎಂದು ಕರೆಕೊಟ್ಟರು.

ತಾಲೂಕು ಶಿಕ್ಷಕರ ಸಂಘದ ಮಾಜಿ ಅಧ್ಯಕ್ಷೆ ಪುಷ್ಪಲತಾ ಹಾಗೂ ತಂಡದವರು ಪ್ರಾರ್ಥಿಸಿದರು, ಮಹೇಶಪ್ಪ ಡಿ.ಸಿ. ಸ್ವಾಗತಿಸಿದರು, ಜಯಸ್ವಾಮಿ ವಂದಿಸಿದರು ಹಾಗೂ ಉಪನ್ಯಾಸಕ ಹೇಮಚಂದ್ರ ನಿರೂಪಿಸಿದರು. ಬೆಂಗಳೂರಿನ ಖಾದಿ ಮತ್ತು ಗ್ರಾಮೋದ್ಯೋಗ ಮಂಡಳಿಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಡಾ. ಡಿ.ಬಿ.ನಟೇಶ್, ತಹಸೀಲ್ದಾರ್‌ ವೈ.ಎಂ.ರೇಣುಕುಮಾರ್, ದೊಡ್ಡಕಾಡನೂರು ಗ್ರಾ.ಪಂ. ಅಧ್ಯಕ್ಷ ಶಿವಣ್ಣ, ಇತರರು ಇದ್ದರು.