ಕ್ಯಾತಿ ಗ್ರಾಮದಲ್ಲಿ ಕೆಸರುಗದ್ದೆ ಕ್ರೀಡಾಕೂಟ

ಕನ್ನಡಪ್ರಭ ವಾರ್ತೆ ಶನಿವಾರಸಂತೆ

ಕೊಡ್ಲಿಪೇಟೆ ವ್ಯಾಪ್ತಿಯ ಕ್ಯಾತಿ, ಊರುಗುತ್ತಿ ಮುಂತಾದ ಗ್ರಾಮಗಳಲ್ಲಿ ಕ್ಯಾತಿ ಹೊಳೆ ಹರಿಯುತ್ತದೆ. ಮಳೆಗಾಲದಲ್ಲಿ ಹೊಳೆ ಬದಿಯಲ್ಲಿರುವ ರೈತರ ಗದ್ದೆಸಾಲು ಸಂಪೂರ್ಣವಾಗಿ ಹೊಳೆ ನೀರಿನಿಂದ ಮುಳುಗಡೆಯಾಗುತ್ತದೆ. ಈ ಕಾರಣದಿಂದ ಹೊಳೆ ಬದಿಯಲ್ಲಿರುವ ರೈತರು ಮಳೆಗಾಲದಲ್ಲಿ ಗದ್ದೆಯಲ್ಲಿ ಬತ್ತ ನಾಟಿ ಮಾಡುವುದಿಲ್ಲ. ಅಕ್ಟೋಬರ್- ನವಂಬರ್ ತಿಂಗಳಲ್ಲಿ ಹೊಳೆ ನೀರು ಕಡಿಮೆಯಾಗುವುದರಿಂದ ಈ ಭಾಗದ ರೈತರು ಅಕ್ಟೋಬರ್ ತಿಂಗಳ ಕೊನೆಯಲ್ಲಿ ಗದ್ದೆಯಲ್ಲಿ ಉಳಿಮೆ ಮಾಡುತ್ತಾರೆ ನವಂಬರ್ ಕೊನೆ ಅಥವಾ ಡಿಸಂಬರ್ ತಿಂಗಳ ಪ್ರಾರಂಭದಲ್ಲಿ ಬತ್ತ ನಾಟಿ ಮಾಡುತ್ತಾರೆ.

ಕ್ರೀಡಾಕೂಟವನ್ನು ವಿದ್ಯಾಸಂಸ್ಥೆಯ ಕಾರ್ಯದರ್ಶಿ ಕೆ.ಎಸ್.ಪರಮೇಶ್ ಉದ್ಘಾಟಿಸಿದರು. ಈ ಸಂದರ್ಭ ಕಾಲೇಜು ಪ್ರಾಂಶುಪಾಲ ಎಂ.ಆರ್.ನಿರಂಜನ್, ಉಪನ್ಯಾಸಕರಾದ ಕೆ.ಕೆ.ಅಭಿಲಾಷ್, ಕೆ.ಎಚ್.ಯೋಗೇಂದ್ರ, ಜಿ.ಎಸ್.ಕಾವ್ಯ, ರೇಣುಕಾ, ಶಶಿಕುಮಾರ್, ಗುಣಶ್ರೀ, ಶ್ರೇಯಾ, ಯೋಗಿತಾ, ಭಾನುಮತಿ, ಅಸ್ಪೆಯಾ ಸುಲ್ತಾನ್ ಮುಂತಾದವರು ಹಾಜರಿದ್ದರು.