ಯತ್ನಾಳ ಮೇಲೆ ಇಡಿ ತನಿಖೆಯಾಗಲಿ: ತಂಗಡಗಿ

ಸಚಿವ ಶಿವರಾಜ್ ತಂಗಡಗಿ ಒತ್ತಾಯಕನ್ನಡಪ್ರಭ ವಾರ್ತೆ ಕಾರಟಗಿ

ಪಟ್ಟಣದ ತಮ್ಮ ಗೃಹಕಚೇರಿಯಲ್ಲಿ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಜನರಿಂದ ಆಯ್ಕೆಯಾದ ಸರ್ಕಾರವನ್ನು ಅಸ್ತಿರಗೊಳಿಸುವ ಪ್ರಯತ್ನ ಆಗದು, ಬಿಜೆಪಿಗರಿಗೆ ಜನರಿಂದ ಆಯ್ಕೆ ಆಗಿ ಸರ್ಕಾರ ರಚನೆ ಮಾಡುವ ತಾಕತ್ ಇಲ್ಲ. ಅವರೆಲ್ಲ ಖರೀದಿ ಗಿರಾಕಿಗಳು ಎಂದು ಕಿಡಿಕಾರಿದರು.

ಸಿಎಂ ಅವರ ಮೇಲಿನ ಮುಡಾ ಹಗರಣ ಆರೋಪ ₹೬೨ ಕೋಟಿ ಎಂದ ತಕ್ಷಣವೇ ಇಡಿ ಪ್ರವೇಶ ಮಾಡಿದೆ. ನಮ್ಮ ಕಾಂಗ್ರೆಸ್ ನಾಯಕರು ₹೩೦-೪೦ ಕೋಟಿ ಎಂದು ಮಾತನಾಡಿದರೂ, ಬಿಜೆಪಿ ಕೇಂದ್ರ ಸರ್ಕಾರ ಇಡಿ ಅವರನ್ನು ಛೂ ಬಿಟ್ಟು ತನಿಖೆ ಮಾಡಿಸುತ್ತದೆ. ಇಡಿಗೆ ಕೇವಲ ಸಿಎಂ ಸಿದ್ದರಾಮಯ್ಯ, ಕಾಂಗ್ರೆಸ್ ಮತ್ತವರ ಮಿತ್ರಪಕ್ಷಗಳು ಮಾತ್ರ ಕಾಣುತ್ತವೆ. ಎನ್‌ಡಿಎ ಮೈತ್ರಿಯ ಯಾವುದೇ ನಾಯಕರು ಸಾವಿರಾರು ಕೋಟಿ ಹಗರಣ ಮಾಡಿದರೂ ಅವರ ಬಳಿಗೆ ಯಾವ ಇಡಿ ತಲೆ ಹಾಕುವುದಿಲ್ಲ.