ನಾಯಕರು ಫೋನಲ್ಲಲ್ಲ, ಖುದ್ದು ಬಂದು ಚರ್ಚಿಸಲಿ

ಕನ್ನಡಪ್ರಭ ವಾರ್ತೆ, ದಾವಣಗೆರೆ

ತಾಲೂಕಿನ ಶಿರಮಗೊಂಡನಹಳ್ಳಿ ಗ್ರಾಮದ ತಮ್ಮ ನಿವಾಸದಲ್ಲಿ ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನಮ್ಮ ಪರಿಸ್ಥಿತಿಯನ್ನೂ ನಾಯಕರು ಕೇಳಬೇಕು ಎಂಬ ಪಟ್ಟು ನಮ್ಮದು. ಏ.19ರಂದು ಕಡೆಯ ಕ್ಷಣದವರೆಗೂ ಕಾದು ನೋಡುತ್ತೇವೆ. ನಾವು ಅರ್ಜಿ ಹಾಕಲು ಕಡೆಯ ಕ್ಷಣದವರೆಗೂ ಅವಕಾಶವಂತೂ ಇದ್ದೇ ಇದೆ ಎಂದು ತಿಳಿಸಿದರು.

2-3 ತಿಂಗಳ ಹಿಂದೆ ಪಕ್ಷಕ್ಕೆ ಬಂದವರಿಗೆಲ್ಲಾ ಉನ್ನತ ಸ್ಥಾನಮಾನ ನೀಡಿದ್ದಾರೆ. ಬಿಜೆಪಿಯಲ್ಲಿ ಹಿರಿಯರ ಕಡೆಗಣನೆ ಆಗುತ್ತಿದೆ. ಈಚೆಗಷ್ಟೇ ಬಂದವರು ವೇದಿಕೆ ಮೇಲೆ ಕುಳಿತುಕೊಳ್ಳಬೇಕು. ಐದು ದಶಕದಿಂದ ಪಕ್ಷವನ್ನು ಕಟ್ಟಿದವರೆಲ್ಲಾ ನೆಲದ ಮೇಲೆ ಕುಳಿತುಕೊಳ್ಳಬೇಕು. ಹಿರಿಯರು, ಹಿರಿಯ ಮುಖಂಡರ ಬಳಿ ಒಂದು ಮಾತು ಕೇಳುವ ಸೌಜನ್ಯವೂ ಇಲ್ಲ. ಇಂತಹ ಬೆಳವಣಿಗೆಗಳ ಬಗ್ಗೆ ಕಾರ್ಯಕರ್ತರು ಕೇಳಿದರೆ ನಾವು ಏನು ಹೇಳಬೇಕು ಎಂದು ರವೀಂದ್ರನಾಥ ಅಸಮಾಧಾನ ಹೊರಹಾಕಿದರು.

ಹೀಗೆಂದು ಬಿಜೆಪಿಯ ಮಾಜಿ ಸಚಿವ ಎಸ್.ಎ.ರವೀಂದ್ರನಾಥ ಚನ್ನಗಿರಿಯ ಕಾಂಗ್ರೆಸ್ ಶಾಸಕ ಶಿವಗಂಗಾ ಬಸವರಾಜ ಸವಾಲಿಗೆ ಟಾಂಗ್ ನೀಡಿದರು. ಚನ್ನಗಿರಿ ಶಾಸಕ ಬಸವರಾಜ ಮೊದಲು ಕಾಂಗ್ರೆಸ್ ಅಭ್ಯರ್ಥಿಯನ್ನು ದಾವಣಗೆರೆ ಕ್ಷೇತ್ರದಲ್ಲಿ ಈಗ ಗೆಲ್ಲಿಸಿ, ತೋರಿಸಬೇಕು. ನಾವು ಗೆಲ್ಲಿಸಿ, ತೋರಿಸುವುದಲ್ಲ ಎಂದರು.

ಬಿಜೆಪಿ ಅಭ್ಯರ್ಥಿಯನ್ನು ಗೆಲ್ಲಿಸಿ ತೋರಿಸಿದರೆ ಶಾಸಕ ಸ್ಥಾನಕ್ಕೆ ರಾಜಿನಾಮೆ ನೀಡುವುದಾಗಿ ಬಿಜೆಪಿ ರೆಬಲ್ ಟೀಂಗೆ ಶಿವಗಂಗಾ ಬಸವರಾಜ ಸವಾಲು ಹಾಕಿದ್ದರ ಹಿನ್ನೆಲೆ ರವೀಂದ್ರನಾಥ್‌ ಈ ರೀತಿ ತಿರುಗೇಟು ನೀಡಿದರು.

ನಿನ್ನೆ ಶಿವಮೊಗ್ಗದಲ್ಲಿ ಈಶ್ವರಪ್ಪ ನಿವಾಸಕ್ಕೆ ಆರೋಗ್ಯ ವಿಚಾರಿಸಲು ಹೋಗಿದ್ದೆವು. ಕ್ಷೇತ್ರದಲ್ಲಿ ಪಕ್ಷೇತರ ಅಭ್ಯರ್ಥಿ ಈಶ್ವರಪ್ಪನವರೇ ಗೆಲ್ಲುವ ವಾತಾವರಣ ಇದೆ ಎಂದರು.

- - - ಟಾಪ್‌ ಕೋಟ್‌ ದಾವಣಗೆರೆ ಲೋಕಸಭಾ ಕ್ಷೇತ್ರದ ಇಬ್ಬರೂ ಹೆಣ್ಣುಮಕ್ಕಳು ನಗರ ದೇವತೆ ಶ್ರೀ ದುರ್ಗಾಂಬಿಕಾ ದೇವಿ ದೇವಸ್ಥಾನಕ್ಕೆ ಹೋಗಿ, ದರ್ಶನ ಪಡೆದು ಬಂದಿದ್ದಾರೆ. ನಮ್ಮಲ್ಲಿ ಯಾವುದೇ ಜಿದ್ದು ಇಲ್ಲ, ಏನೂ ಇಲ್ಲ. ಚುನಾವಣೆ ಚಟುವಟಿಕೆಗಳು ಇನ್ನೂ ಚಾಲನೆಯಾಗಿಲ್ಲ, ಅಷ್ಟೇ.

- - - -23ಕೆಡಿವಿಜಿ3: ಎಸ್.ಎ.ರವೀಂದ್ರನಾಥ