ವಾಲ್ಮೀಕಿ ಜಯಂತಿಯೊಂದಿಗೆ ರಾಮಾಯಣ ಪಾರಾಯಣ ನಡೆಯಲಿ

ಕೊಟ್ಟೂರು: ಬದುಕಿನಲ್ಲಿ ತಪ್ಪು ಮಾಡಿ ಪಶ್ಚಾತ್ತಾಪ ಪಟ್ಟ ಬೇಡರ ರತ್ನಾಕರ ತಪಸ್ಸು ಮಾಡಿ ವಾಲ್ಮೀಕಿ ಮಹರ್ಷಿಯಾದ ನಡೆ ಪ್ರತಿಯೊಬ್ಬರಿಗೂ ಆದರ್ಶ ಪ್ರಾಯ ಎಂದು ಕಾಂಗ್ರೆಸ್ ಮುಖಂಡ ಸಾವಜ್ಜಿ ರಾಜೇಂದ್ರ ಪ್ರಸಾದ್ ಹೇಳಿದರು.

ನಿವೃತ್ತ ಡಿ.ಡಿ.ಪಿ.ಐ ಕೊಟ್ರೇಶ ಮಾತನಾಡಿ ನಾಗರಕಟ್ಟೆ ಗ್ರಾಮದಲ್ಲಿನ ಹನುಮ್ಮ ಎಂಬ ಮಹಿಳೆ ಆರಂಭಿಸಿದ ಶಾಲೆ ಸಾವಿತ್ರಿಬಾಯಿ ಫುಲೆಯವರ ಹೋಲಿಕೆಯನ್ನು ನೆನಪು ಮಾಡುತ್ತೆ ಎಂದು ಹೇಳಿ ಹಿಂದಿನ ಕಾಲದಲ್ಲಿ ಹಿರಿಯರು ಶಿಕ್ಷಣ ಕಲಿಕೆಗೆ ಯಾವ ಬಗೆಯ ಪ್ರೇರಣೆ ನೀಡುತ್ತಿದ್ದರು ಎಂಬುದಕ್ಕೆ ಸಾಕ್ಷಿಯಾಗಿದೆ ಎಂದರು.

ಪತ್ರಕರ್ತ ಉಜ್ಜಯಿನಿ ರುದ್ರಪ್ಪ ಮಾತನಾಡಿ ವಾಲ್ಮೀಕಿ ಜಯಂತಿ ಈ ವೇಳೆಯಲ್ಲಿ ರಾಮಾಯಣ, ಪಾರಾಯಣ ನಡೆಸಬೇಕು ಅಂದಾಗ ಮಾತ್ರ ಆ ಮಹಾನ್ ಕಾವ್ಯದ ಶ್ರೇಷ್ಠತೆ ಹೆಚ್ಚಾಗುತ್ತದೆ ಎಂದರಲ್ಲದೆ ಅಂಬೇಡ್ಕರ್ ಧಾರವಾಹಿ ಪ್ರಸಾರವಾದಂತೆ ರಾಜ್ಯದ ಪಾಳೆಗಾರರ ಜೀವನ ಚರಿತ್ರೆ ಮತ್ತು ಹೋರಾಟ ಕುರಿತು ಧಾರವಾಹಿ ಮತ್ತು ಚಲನ ಚಿತ್ರಗಳು ಬರಬೇಕಿದೆ ಎಂದು ಹೇಳಿದರು. ಕಾರ್ಯಕ್ರಮದಲ್ಲಿ ಗ್ರಾ.ಪಂ. ಮಾಜಿ ಸದಸ್ಯರುಗಳಾದ ಬಿ.ಮಾರುತಿ, ಸಿದ್ದಲಿಂಗಪ್ಪ ಮತ್ತಿತರರು ಇದ್ದರು.

ಗ್ರಾ.ಪಂ. ಮಾಜಿ ಸದಸ್ಯ ಮುಖಂಡ ದಯಾನಂದ, ಪ್ರಸ್ತಾವಿಕವಾಗಿ ಮಾತನಾಡಿದರು.