ಯುವಕರಲ್ಲಿ ಸೇವಾ ಮನೋಭಾವ ಬೆಳೆಯಲಿ: ಶಾಸಕ ಪಿ.ರವಿಕುಮಾರ್

ಕನ್ನಡಪ್ರಭ ವಾರ್ತೆ ಮಂಡ್ಯ

ನಗರದ ಕುವೆಂಪುನಗರ ಕೆ.ಇ.ಬಿ.ಬಡಾವಣೆಯಲ್ಲಿರುವ ಪಿ.ರವಿಕುಮಾರ್‌ಗೌಡ ಜನಸ್ನೇಹಿ ಕೇಂದ್ರ ಆವರಣದಲ್ಲಿ ನಗರಸಭಾ ಮಾಜಿ ಸದಸ್ಯ ಡಿ.ಮಂಜುನಾಥ್ ಅವರ ಹಿತೈಷಿಗಳು ಮತ್ತು ಸ್ನೇಹ ಬಳಗ ಆಯೋಜಿಸಿದ್ದ ನಗರಸಭಾ ಮಾಜಿ ಸದಸ್ಯ ಡಿ.ಮಂಜುನಾಥ್ ಹುಟ್ಟುಹಬ್ಬ ಪ್ರಯುಕ್ತ ಬೃಹತ್ ಉಚಿತ ಆರೋಗ್ಯ ತಪಾಸಣೆ, ಪೌರಕಾರ್ಮಿಕರಿಗೆ ಸಮವಸ್ತ್ರ ಮತ್ತು ಶಾಲಾ ವಿದ್ಯಾರ್ಥಿಗಳಿಗೆ ಬ್ಯಾಗ್, ವಯೋವೃದ್ಧರಿಗೆ ವಾಕ್‌ಸ್ಟಿಕ್ ವಿತರಣೆ-ರಕ್ತದಾನ-ಅನ್ನದಾಸೋಹ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ಅಧಿಕಾರ ಇರುವವರು ಮತ್ತು ಶ್ರೀಮಂತರು ಸಮಾಜ ಸೇವೆ ಮಾಡಲ್ಲ, ಅಧಿಕಾರ ಇಲ್ಲದೆ ಸಮಾಜ ಸೇವೆ, ಸಮಾಜ ಮುಖಿಯಾಗಿ ನಿಲ್ಲುವುದು ದೊಡ್ಡ ಸಾಧನೆಯಾಗುತ್ತದೆ. ಈ ಭಾಗದ ಮಹಿಳೆಯರು, ವಿಕಲಚೇತನರು, ಅನಾರೋಗ್ಯಸ್ಥರಿಗೆ ನೆರವಾಗುವ ಮೂಲಕ ಆರೋಗ್ಯ ತಪಾಸಣೆ, ಶಾಲಾ ಬ್ಯಾಗ್, ವಯೋವೃದ್ಧರಿಗೆ ವಾಕ್‌ಸ್ಟಿಕ್, ಮಹಿಳೆಯರಿಗೆ ಬಾಗಿನ, ಪೌರಕಾರ್ಮಿಕರಿಗೆ ಸಮವಸ್ತ್ರ ಅನ್ನಸಂತರ್ಪಣೆ ಮಾಡುವುದು ದೊಡ್ಡ ಸಾಧನೆಯಾಗುತ್ತದೆ ಎಂದರು.