ಮಂಡ್ಯ ಜಿಲ್ಲೆಯ ೨೨ ಮೈಕ್ರೋ ಫೈನಾನ್ಸ್‌ಗಳಲ್ಲಿ ೬.೫೦ ಲಕ್ಷ ಜನರಿಂದ ಸಾಲ

ಮಂಡ್ಯ ಮಂಜುನಾಥ

ಜಿಲ್ಲೆಯಲ್ಲಿರುವ ೨೨ ಮೈಕ್ರೋ ಫೈನಾನ್ಸ್‌ಗಳ ೧೫೪ ಶಾಖೆಗಳಲ್ಲಿ ೬.೫೦ ಲಕ್ಷ ಮಂದಿ ೧೬ ಕೋಟಿ ರು.ವರೆಗೆ ಸಾಲ ಪಡೆದಿರುವ ಅಚ್ಚರಿಯ ಸಂಗತಿ ಬೆಳಕಿಗೆ ಬಂದಿದೆ. ಖಾಸಗಿ ಬ್ಯಾಂಕ್‌ಗಳಿಗೆ ಸೆಡ್ಡು ಹೊಡೆಯುವ ರೀತಿಯಲ್ಲಿ ಮೈಕ್ರೋ ಫೈನಾನ್ಸ್ ಸಂಸ್ಥೆಯವರು ಸದ್ದಿಲ್ಲದೆ ಕಾರ್ಯಚಟುವಟಿಕೆ ನಡೆಸುತ್ತಿದ್ದಾರೆ.

ಅನಧಿಕೃತ ಮೈಕ್ರೋ ಫೈನಾನ್ಸ್‌ಗಳು ಕಾರ್ಯನಿರ್ವಹಣೆ:

ಈ ಹಣಕಾಸು ಸಂಸ್ಥೆಗಳು ಕನಿಷ್ಠ ೩೦ ಸಾವಿರ ರು.ನಿಂದ ಗರಿಷ್ಠ ೧.೨೦ ಲಕ್ಷ ರು.ವರೆಗೆ ಸಾಲವನ್ನು ನೀಡುತ್ತವೆ. ಈ ಹಣಕ್ಕೆ ಕನಿಷ್ಠ ಶೇ.೧೫ ರಿಂದ ಶೇ.೨೦ರಷ್ಟು ಬಡ್ಡಿ ವಿಧಿಸುತ್ತವೆ. ಈ ಹಣಕಾಸು ಸಂಸ್ಥೆಗಳ ಪರವಾನಗಿ ನವೀಕರಣ, ವಾರ್ಷಿಕ ವರದಿ ಸಲ್ಲಿಕೆಯ ಮೇಲ್ವಿಚಾರಣೆಯಷ್ಟೇ ಜಿಲ್ಲಾಡಳಿತದ ಜವಾಬ್ದಾರಿಯಾಗಿದೆ. ಅದನ್ನು ಹೊರತುಪಡಿಸಿ ಸಂಸ್ಥೆಗಳ ವಿರುದ್ಧ ಕಾನೂನಾತ್ಮಕ ಕ್ರಮ ಕೈಗೊಳ್ಳುವ ಅಧಿಕಾರವಿಲ್ಲ ಎಂದು ಹೇಳಲಾಗಿದೆ.

ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ ಇದ್ದರೆ ಸಾಕು. ಆಂಡಿಮಾಂಡ್ ಪ್ರೋನೋಟ್, ಚೆಕ್ ಸೇರಿದಂತೆ ಬೇರೆ ಯಾವುದೇ ದಾಖಲೆಗಳನ್ನಾಗಲೀ ಕೇಳುವುದೇ ಇಲ್ಲ. ಆದರೆ, ಹಣಕಾಸು ಸಂಸ್ಥೆಗಳ ಕೆಲವೊಂದು ದಾಖಲೆಗಳಿಗೆ ಸಾಲಗಾರರ ಸಹಿ ಪಡೆದುಕೊಳ್ಳುತ್ತಾರೆ. ಈ ಸಂಸ್ಥೆಗಳಲ್ಲಿ ಸಣ್ಣ ಪುಟ್ಟ ವ್ಯಾಪಾರಸ್ಥರು, ಹಸುಗಳನ್ನು ಕೊಳ್ಳುವವರು, ಚಿಲ್ಲರೆ ವ್ಯಾಪಾರಿಗಳು, ಹೊಲಿಗೆ ಯಂತ್ರ ಖರೀದಿ, ಬೀದಿ ಬದಿಯ ವ್ಯಾಪಾರಿಗಳು, ಸಣ್ಣ ಉದ್ದಿಮೆ ನಡೆಸುವವರು ಸಾಲ ಪಡೆದುಕೊಂಡಿರುತ್ತಾರೆ.

ಮಹಿಳೆಯರಿಗಷ್ಟೇ ಸಾಲ:

ಸಾಲ ನೀಡುವ ಸಮಯದಲ್ಲಿ ಕೆಲವೊಂದು ದಾಖಲೆಗಳಿಗೆ ಅವರು ಸಾಲ ಪಡೆದವರು ಮತ್ತು ಹಣದ ಜವಾಬ್ದಾರಿ ಹೊತ್ತವರ ಸಹಿ ಹಾಕಿಸಿಕೊಳ್ಳುವರು. ಅದೆಲ್ಲವೂ ಇಂಗ್ಲಿಷ್‌ನಲ್ಲಿರುತ್ತದೆ. ಓದಿ ಅರ್ಥೈಸಿಕೊಳ್ಳುವ ಸ್ಥಿತಿಯಲ್ಲಿ ಸಾಲ ಪಡೆಯುವವರು ಇರುವುದಿಲ್ಲ. ಸುಲಭವಾಗಿ ಸಿಗುವ ಸಾಲದ ಹಣಕ್ಕೆ ಬಹುತೇಕರು ಕೈ ಚಾಚುತ್ತಾರೆ. ಸಾಲ ಪಡೆಯುವಾಗ ಬಡ್ಡಿ ಹಣದ ಬಗ್ಗೆಯೂ ಯೋಚನೆ ಇರುವುದಿಲ್ಲ.

ಪ್ರತಿ ವಾರ ಅಥವಾ ತಿಂಗಳಿಗೆ ಸಂಸ್ಥೆಗೆ ಕಂತಿನ ಹಣ ಪಾವತಿಸಬೇಕಿರುತ್ತದೆ. ಸಾಲ ವಸೂಲಿಗೆ ಸಂಸ್ಥೆಯ ಸಿಬ್ಬಂದಿಯೇ ಮನೆಗಳ ಬಳಿ ಬರುತ್ತಾರೆ. ನಿಗದಿತ ಹಣವನ್ನು ಸರಿಯಾಗಿ ಪಾವತಿಸಿದರೆ ಸಮಸ್ಯೆ ಇರುವುದಿಲ್ಲ. ಸಕಾಲದಲ್ಲಿ ಕಂತಿನ ಹಣ ಪಾವತಿಸದಿದ್ದಾಗ ಬಡ್ಡಿಯೂ ಅದರೊಂದಿಗೆ ಬೆಳೆಯುತ್ತಿರುತ್ತದೆ. ತಿಂಗಳು ಕಳೆದಂತೆ ಬಡ್ಡಿಯನ್ನೂ ಕಟ್ಟದೆ, ಅಸಲನ್ನೂ ತೀರಿಸದಿದ್ದಾಗ ಮೈಕ್ರೋ ಫೈನಾನ್ಸ್ ಸಂಸ್ಥೆಯವರು ಸಿಬ್ಬಂದಿ ಹಣ ಕಟ್ಟುವಂತೆ ಪೀಡಿಸುವುದು, ಮನೆಯನ್ನು ಜಪ್ತಿ ಮಾಡುವುದು ಸಾಮಾನ್ಯವಾಗಿದೆ.

ಸಾಲ ಮನ್ನಾ ಆಗಬಹುದೆಂಬ ತಪ್ಪು ಕಲ್ಪನೆ:

- ಗಣೇಶ್, ಮೈಕ್ರೋ ಫೈನಾನ್ಸ್‌ಗಳ ಮಂಡ್ಯ ಉಸ್ತುವಾರಿ ಅಧಿಕಾರಿ